|
|
 |
| (GMT+08:00)
2008-04-18 17:17:18
|
|
ເຂດຈົ່ງກ່ວນຊຸ່ນເລີ່ມສ້າງສວນເຕັກນິກສູງໃຫ້ເປັນແບບຊີວະພາບ
cri
ຕາມຂ່າວ CRI: ວັນທີ 18 ເມສານີ້, ສວນເຕັກນິກສູງຈົ່ງກ່ວນຊຸ່ນຂອງນະຄອນປັກກິ່ງເຊິ່ງເປັນສວນເຕັກນິກສູງໃຫຍ່ກວ່າໝູ່ຂອງຈີນເລີ່ມສ້າງສວນແບບຊີວະພາບ.
ສວນເຕັກນິກສູງຈົ່ງກ່ວນຊຸ່ນຕັ້ງຢູ່ພາກຕາເວັນຕົກສຽງເໜືອຂອງນະຄອນປັກກິ່ງ, ຢູ່ສວນນີ້ມີວິສາຫະກິດເຕັກນິກສູງໃໝ່ 2 ໝື່ນກວ່າແຫ່ງ, ໃນນັ້ນ, ມີວິສາຫະກິດເກືອບ 10% ດຳເນີນວຽກງານປະດິດສ້າງເຕັກນິກໃໝ່ຂອງອຸດສາຫະກຳອະນຸລັກສິ່ງແວດລ້ອມດ້ານພະລັງງານ.
ທ່ານເຣີນຕ້າຍເວີ້ຍ ປະທານຄະນະກຳມະການຄຸ້ມຄອງຈົ່ງກ່ວນຊຸ່ນກ່າວວ່າ: ສວນເຕັກນິກສູງຈົ່ງກ່ວນຊຸ່ນຈະອອກແຮງພັດທະນາການປະດິດສ້າງເຕັກນິກອະນຸລັກສິ່ງແວດລ້ອມດ້ານພະລັງງານ, ສ້າງເປັນກຸ່ມອະນຸລັກສິ່ງແວດລ້ອມດ້ານພະລັງງານທີ່ກ້າວໜ້າກວ່າໝູ່ແລະມີປະສິດທິພາບສູງ. ທາງສວນຈະໃຫ້ການຊ່ອຍເຫຼືອລ້າໃຫ້ແກ່ວິສາຫະກິດທີ່ໃຊ້ພະລັງງານໃໝ່, ຊັບພະຍາກອນທີ່ເກີດໃໝ່ໄດ້, ປະຕິບັດການຮັກສາແລະໃຊ້ຊັບພະຍາກອນນ້ຳຢ່າງມີປະສິດທິພາບເປັນຕົ້ນ.
|
|
|
