|
ພາກໃຕ້ໄທເກີດເຫດການຫຼອນໂຈມຕີສອງເທື່ອ ມີ 21 ຕາຍແລະບາດເຈັບ
cri
ຕາມຂ່າວ CRI: ວັນທີ 20 ເມສານີ້, ຈັງຫວັດຍະລາແລະຈັງຫວັດນະລາທິວາດ ພາກໃຕ້ຂອງໄທໄດ້ເກີດເຫດການຫຼອນໂຈມຕີ, ເຮັດໃຫ້ 21 ຄົນເສຍຊີວິດແລະບາດເຈັບ.
ວັນທີ 20 ເມສານີ້, ຢູ່ຈັງຫວັດນະລາທິວາດ, ໃນເວລາຈັດການເລືອກຕັ້ງສະມາຊິກສະພາທ້ອງຖິ່ນ, ໜ່ວຍປ່ອນບັດແຫ່ງໜຶ່ງຖືກກຸ່ມປະກອບອາວຸດຫຼອນໂຈມຕີ, ຕຳຫຼວດ 2 ຄົນເສຍຊີວິດ, ປືນຂອງເຂົາເຈົ້າຖືກຍາດໄປ. ຫຼັງຈາກນັ້ນ, ໃນເວລາຂົນສົ່ງຫີບບັດເມືອສະພາອຳເພີ, ຕຳຫຼວດໄດ້ເກີດການຍິງຕໍ່ສູ້ກັບກຸ່ມປະກອບອາວຸດ, ເຮັດໃຫ້ 6 ຄົນບາດເຈັບ.
ມື້ດຽວກັນ, ຢູ່ຕະຫຼາດແຫ່ງໜຶ່ງຂອງຈັງຫວັດຍະລາກໍ່ໄດ້ເກີດເຫດການລະເບີດ, ເຮັດໃຫ້ 13 ຄົນບາດເຈັບ. ປະຈຸບັນ, ຍັງບໍ່ທັນມີບຸກຄົນຫຼືອົງການໃດໆອອກມາສະແດງຄວາມຕໍ່ຮັບຜິດຊອບເຫດການຫຼອນໂຈມຕີເທື່ອນີ້.
ຈັງຫວັດນະລາທິວາດ, ຈັງຫວັດຍະລາລ້ວນແຕ່ແມ່ນຈັງຫວັດທີ່ມີຊາວມຸສລີມອາໄສຢູ່ຂອງພາກໃຕ້ໄທ. ນັບແຕ່ເດືອນມັງກອນປີ 2004 ທີ່ເກີດເຫດການຈະລາຈົນເປັນຕົ້ນມາຈົນຮອດປະຈຸບັນ, ໄດ້ມີ 2300 ຄົນເສຍຊີວິດ.
|
|
