|
ຜູ້ຊ່ຽວຊານສິດທິມະນຸດສາກົນກ່າວວ່າ, ຜົນສຳເລັດດ້ານສິດທິມະນຸດເຂດຕິເບດຈີນແມ່ນປະຕິເສດບໍ່ໄດ້
cri
ຕາມຂ່າວ CRI: ວັນທີ 21 ເມສານີ້, ໃນກອງປະຊຸມເວທີປາໄສສິດທິມະນຸດປັກກິ່ງ, ຜູ້ຊ່ຽວຊານສິດທິມະນຸດສາກົນກ່າວວ່າ, ຫຼາຍປີມານີ້, ຄວາມກ້າວໜ້າທີ່ໄດ້ຮັບໃນດ້ານສິດທິມະນຸດໂດຍສະເພາະຢູ່ເຂດຕິເບດຂອງຈີນແມ່ນປະຈັກຕາທຸກຄົນ, ການບໍ່ຮັບຮອງເລື່ອງນີ້ແມ່ນເປັນໄປບໍ່ໄດ້.
ທ່ານຣາຮິມຮານ ລາໂມ ບັນນາທິການຂອງ "ໜັງສືພິມຮິນດີ ຣີພອດທິດ" ເຄີຍໄປເຂດຕິເບດສອງເທື່ອໃນ 7 ປີທີ່ຜ່ານມາ. ທ່ານກ່າວວ່າ, ສິດທິມະນຸດໄດ້ຮັບການພັດທະນາຢ່າງວ່ອງໄວຢູ່ເຂດຕິເບດແລະເຂດເຜົ່າຕິເບດຂອງແຂວງອື່ນໆ ເຊັ່ນ: ຊິ່ງຫາຍແລະຢຸນນານເປັນຕົ້ນ, ສະພາບພັດທະນາຕົວຈິງຂອງແຫ່ງຕ່າງໆເຫຼົ່ານີ້ຕ່າງກັນກັບສະພາບການທີ່ກຸ່ມດາໄລລະມາແລະອິດທິກຳລັງຕິເບດເອກະລາດວາດພາບ.
ນາງນິນາ ຄາພາໂຊວາ ຜູ້ແທນສູງສຸດດ້ານສິດທິມະນຸດລັດຖະສະພາອູແກຼນກ່າວວ່າ, ຈີນມີ 50 ກວ່າຊົນເຜົ່າ, ພວກຂ້າພະເຈົ້າໄດ້ເຫັນວ່າ, ທຸກຊົນເຜົ່າກໍ່ໄດ້ຮັບການພັດທະນາດີຫຼາຍ, ຄວນເວົ້າວ່າ, ຈີນໄດ້ສ້າງຕົວຢ່າງທີ່ດີໃຫ້ແກ່ປະເທດອື່ນໆ, ທຸກປະເທດກໍ່ຄວນຖອດຖອນແລະຮຽນນຳຈີນໃນດ້ານນີ້.
|
|
