|
ອົງການຮາມັສກ່າວວ່າຈະຮັບເອົາການເຈລະຈາລະຫວ່າງປາເລັສຕິນກັບອິສຣາແອນຢ່າງມີເງື່ອນໄຂ
cri
ຕາມຂ່າວ CRI: ຕອນຄ່ຳວັນທີ 21 ເມສານີ້, ຢູ່ດາມາສ, ທ່ານຄາເລັດ ມາຊາ ຜູ້ນຳກົມການເມືອງຂອງອົງການຮາມັສທີ່ພັດຖິ່ນຢູ່ຊີຣີກ່າວວ່າ, ອົງການຮາມັສສາມາດຮັບເອົາສັນຍາຕ່າງໆທີ່ອົງການອຳນາດແຫ່ງຊາດປາເລັສຕິນເຊັນກັບອິສຣາແອນ, ແຕ່ມີເງື່ອນໄຂວ່າ, ສັນຍາເຫຼົ່ານີ້ຕ້ອງຜ່ານການຢັ່ງປະຊາມະຕິທົ່ວປວງຊົນປາເລັສຕິນກ່ອນ.
ມື້ດຽວກັນ, ໃນກອງປະຊຸມຂ່າວ, ທ່ານເມຊາກ່າວວ່າ, ອົງການຮາມັສເຄົາລົບຄວາມຕ້ອງການຂອງປະຊາຊົນປາເລັສຕິນທີ່ໄດ້ຜ່ານການຢັ່ງປະຊາມະຕິທົ່ວປວງຊົນຢ່າງເສລີ. ທ່ານກ່າວວ່າ, ຂໍແຕ່ອິສຣາແອນຖອນອອກຈາກແຜ່ນດິນປາເລັສຕິນທີ່ອິສຣາແອນຍຶດເອົາໃນສົງຄາມຕາເວັນອອກກາງປີ 1967, ອົງການຮາມັສຈະກຽມໃຫ້ຄຳໝັ້ນສັນຍາຢຸດຍິງກັນໃນ 10 ປີ.
ມື້ດຽວກັນ, ຢູ່ເຢລູຊະເລມ, ທ່ານຈິມມີ ຄາເຕີ ອະດີດປະທານາທິບໍດີອາເມລິກາກ່າວວ່າ, ອົງການຮາມັສກຽມພ້ອມແລ້ວຈະຮັບຮອງສິດຄົງຕົວຢູ່ຢ່າງສັນຕິພາບຂອງອິສຣາແອນໃນຖານະເປັນປະເທດໃກ້ຄຽງ.
|
|
