|
|
 |
| (GMT+08:00)
2008-04-23 11:05:07
|
 |
|
ຈີນສົ່ງເສີມໃຫ້ໃຊ້ດອກໄຟແບບປະຢັດ
cri
ຕາມຂ່າວສານຊິ່ນຮວາ: ຫວ່າງມໍ່ໆນີ້, ກະຊວງການເງິນຈີນແລະຄະນະກຳມະການການພັດທະນາແລະປະຕິຮູບແຫ່ງລັດຈີນຈັດກອງປະຊຸມຢູ່ທີ່ປັກກິ່ງເພື່ອຈັດຕັ້ງວຽກງານສົ່ງເສີມໃຫ້ໃຊ້ດອກໄຟແບບປະຢັດພະລັງງານ 50 ລ້ານໜ່ວຍທີ່ການເງິນສູນກາງສະໜັບສະໜູນດ້ານງົບປະມານເພື່ອການຜະລິດງວດທຳອິດ.
ໃນຖານະເປັນໜຶ່ງໃນໂຄງການສຳຄັນເພື່ອປະຢັດພະລັງງານຫຼຸດຜ່ອນການລະບາຍມົນລະພິດ, ຈີນມີແຜນຈະສົ່ງເສີມໃຫ້ໃຊ້ດອກໄຟແບບປະຢັດ 150 ລ້ານໜ່ວຍໃນທົ່ວປະເທດທີ່ການເງິນສູນກາງສະໜັບສະໜູນໃຫ້ຜະລິດແຕ່ປີ 2006 ຫາປີ 2010, ເພື່ອເຂົ້າແທນດອກໄຟທຳມະດາແລະຜະລິດຕະພັນໃຫ້ແສງສະຫວ່າງທີ່ປະສິດທິພາບຕ່ຳອື່ນໆ.
ເພື່ອສະໜັບສະໜູນການສົ່ງເສີມຜະລິດຕະພັນໃຫ້ແສງສະຫວ່າງທີ່ມີປະສິດທິພາບສູງ, ຈີນໄດ້ໃຊ້ວິທີໃຫ້ເງິນອຸດໜູນໂດຍທາງອ້ອມ, ຄື ໃຫ້ເງິນອຸດໜູນແກ່ວິສາຫະກິດ, ແລ້ວວິສາຫະກິດກໍ່ຫຼຸດລາຄາຂາຍໃຫ້ຜູ້ບໍລິໂພກ. ນອກນີ້, ຍ້ອນລາຄາຜະລິດຕະພັນປະຢັດພະລັງງານສູງ, ລັດຖະບານຍັງຈະໃຫ້ເງິນອຸດໜູນທີ່ເໝາະສົມໃຫ້ແກ່ຜູ້ໃຊ້ຜະລິດຕະພັນຈຳນວນຫຼາຍ.
ຕາມສະຖິຕິ, ຖ້າດອກໄຟແບບທຳມະດາທີ່ກຳລັງໃຊ້ຢູ່ຈີນໃນປະຈຸບັນປ່ຽນມາໃຊ້ຜະລິດຕະພັນໃຫ້ແສງສະຫວ່າງແບບປະຢັດພະລັງງານທັງໝົດ, ປະລິມານການປະຢັດໄຟຟ້າໃນແຕ່ລະປີເກືອບທໍ່ກັບປະລິມານຜະລິດໄຟຟ້າຂອງເຂື່ອນໄຟຟ້ານ້ຳຕົກຊ່ານເຊຍໃນ 1 ປີ, ທໍ່ກັບຫຼຸດຜ່ອນການລະບາຍກາກບອນດີອອກສິດໄດ້ 60 ລ້ານກວ່າໂຕນ, ຫຼຸດຜ່ອນການລະບາຍຊຸນເຟີດີອັອກສິດໄດ້ 5 ແສນ 9 ໝື່ນໂຕນ.
|
|
|
