|
|
 |
| (GMT+08:00)
2008-04-23 19:00:50
|
 |
|
ຈີນຍິນດີຊຸກຍູ້ການພົວພັນລະຫວ່າງຈີນກັບຫວຽດນາມໃຫ້ຂະຫຍາຍໄປໜ້າຢ່າງບໍ່ຢຸດຢັ້ງ
cri
ຕາມຂ່າວ CRI: ວັນທີ 23 ເມສານີ້, ໃນເວລາພົບປະກັບແຂກຫວຽດນາມຢູ່ປັກກິ່ງ, ທ່ານເຈຍຊິ້ງລິນ ປະທານສະພາເປິກສາການເມືອງປະຊາຊົນແຫ່ງຊາດຈີນກ່າວວ່າ, ຈີນຍິນດີຮ່ວມມືກັບຫວຽດນາມຊຸກຍູ້ໃຫ້ການພົວພັນຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືຮອບດ້ານໃຫ້ຂະຫຍາຍໄປໜ້າຢ່າງບໍ່ຢຸດຢັ້ງ.
ໃນເວລາພົບປະກັບທ່ານເຈິນວັນຮາງ ກຳມະການສູນກາງພັກກອມມູນິດຫວຽດນາມ, ຫົວໜ້າຄະນະພົວພັນຕ່າງປະເທດສູນກາງຫວຽດນາມ, ທ່ານເຈຍຊິ້ງລິນກ່າວເນັ້ນວ່າ, ພັກແລະລັດຈີນເອົາໃຈໃສ່ໃນລະດັບສູງຕໍ່ການພົວພັນລະຫວ່າງຈີນກັບຫວຽດນາມແລະປະຕິບັດຕໍ່ການພົວພັນລະຫວ່າງຈີນກັບຫວຽດນາມຈາກດ້ານຍຸດທະສາດ, ເຮັດໃຫ້ສອງປະເທດເປັນບ້ານໃກ້ເຮືອນຄຽງທີ່ດີ, ເພື່ອນສະຫາຍທີ່ດີຕະຫຼອດໄປ.
ທ່ານເຈິນວັນຮາງກ່າວວ່າ, ຫວຽດນາມຍິນດີພ້ອມກັນກັບຈີນ, ທຳຄວາມພະຍາຍາມຊຸກຍູ້ສອງປະເທດບັນລຸຕ່າງຝ່າຍຕ່າງໄດ້ຮັບຜົນປະໂຫຍດ, ພັດທະນາຮ່ວມກັນບົນເສັ້ນທາງສ້າງສາສັງຄົມນິຍົມ. ທ່ານເຈິນວັນຮາງໄດ້ກ່າວຢ້ຳຫຼັກໝັ້ນອັນສະເໝີຕົ້ນສະເໝີປາຍຂອງຫວຽດນາມທີ່ສະໜັບສະໜູນຈີນໃນບັນຫາຕ່າງໆ, ເຊັ່ນ: ບັນຫາຕິເບດ, ບັນຫາໄຕ້ຫວັນເປັນຕົ້ນມາໂດຍຕະຫຼອດ, ແລະອວຍພອນງານກິລາໂອລິມປິກປັກກິ່ງຈົ່ງໄດ້ຮັບຜົນສຳເລັດຢ່າງຈົບງາມ.
|
|
|
