|
|
 |
| (GMT+08:00)
2008-04-23 19:06:03
|
 |
|
ກອງປະຊຸມເວທີປາໄສພະລັງງານສາກົນຄັ້ງທີ 11
cri
ຕາມຂ່າວ CRI: ວັນທີ 22 ເມສານີ້, ກອງປະຊຸມເວທີປາໄສພະລັງງານສາກົນຄັ້ງທີ 11 ທີ່ດຳເນີນມາເປັນເວລາ 3 ວັນໄດ້ອັດລົງຢູ່ນະຄອນຫຼວງໂຣມປະເທດອີຕາລີ. ທີ່ປະຊຸມໄດ້ອອກປະກາດຖະແຫຼງການ, ຮຽກຮ້ອງໃຫ້ປະເທດທີ່ຜະລິດພະລັງງານກັບປະເທດຜູ້ບໍລິໂພກພະລັງງານເພີ່ມການເຈລະຈາກັນ, ເພື່ອຮັບມືກັບສິ່ງທ້າທາຍຂອງທົ່ວໂລກໃຫ້ດີກວ່າເກົ່າ, ເຊັ່ນ: ຄວາມປອດໄພດ້ານພະລັງງານ, ການປ່ຽນແປງຂອງດິນຟ້າອາກາດເປັນຕົ້ນ.
ຖະແຫຼງການສະເໜີໃຫ້ຝ່າຍຕ່າງໆຍົກສູງປະສິດທິພາບຂອງການໃຊ້ພະລັງງານ, ອອກແຮງພັດທະນາເຕັກນິກໃໝ່ດ້ານພະລັງງານ, ພັດທະນາພະລັງງານສະອາດເຂົ້າແທນ, ພ້ອມກັນນັ້ນ, ກໍ່ເພີ່ມຄວາມໂປ່ງໃສຂອງຕະຫຼາດພະລັງງານ, ຫຼຸດຜ່ອນການສວຍໂອກາດ. ຖະແຫຼງການຊີ້ອອກວ່າ, ການເຈລະຈາແລະການຮ່ວມມືອັນກວ້າງຂວາງແລະມີຜົນລະຫວ່າງປະເທດທີ່ຜະລິດພະລັງງານແລະປະເທດຜູ້ບໍລິໂພກພະລັງງານແມ່ນຊ່ອງທາງທີ່ບັງເກີດຜົນເພື່ອບັນລຸການພັດທະນາແບບຍືນຍົງດ້ານພະລັງງານແລະເປົ້າໝາຍຫຼຸດຜ່ອນຄວາມທຸກຍາກຂອງສະຫະປະຊາຊາດ.
ມື້ດຽວກັນ, ທ່ານຊ່າຈູຄ່າງ ຮອງເລຂາທິການໃຫຍ່ອົງການສະຫະປະຊາຊາດທີ່ຮ່ວມປະຊຸມຮຽກຮ້ອງໃຫ້ຝ່າຍຕ່າງໆຮ່ວມມືກັນເພື່ອພັດທະນາລະບົບພະລັງານສະອາດ, ປອດໄພແລະເພິ່ງພາອາໄສກັນ. ທ່ານຍັງປະກາດວ່າ, ລັດຖະບານຈີນຈະຮ່ວມມືກັບຄະນະກຳມະການບໍລິຫານງານເສດຖະກິດສັງຄົມຂອງສະຫະປະຊາຊາດ, ຮ່ວມກັນຈັດກອງປະຊຸມສາກົນກ່ຽວກັບການປ່ຽນແປງຂອງດິນຟ້າອາກາດແລະການຮ່ວມມືດ້ານເຕັກນິກ.
|
|
|
