|
|
 |
| (GMT+08:00)
2008-04-23 19:09:53
|
 |
|
ສື່ມວນຊົນແລະຜູ້ຊ່ຽວຊານຕ່າງປະເທດຈຳນວນໜຶ່ງສຳນຶກຄືນການລາຍງານຂ່າວຂອງຝ່າຍຕາເວັນຕົກກ່ຽວກັບຈີນທີ່ບິດເບືອນຄວາມຈິງ
cri
ຕາມຂ່າວ CRI: ຫວ່າງມໍ່ໆນີ້, ສື່ມວນຊົນແລະຜູ້ຊ່ຽວຊານຕ່າງປະເທດຈຳນວນໜຶ່ງໄດ້ພິມບົດຄວາມແລະໃຫ້ສຳພາດຕໍ່ນັກຂ່າວ, ສຳນຶກຄືນການລາຍງານຂ່າວທີ່ບິດເບືອນຄວາມຈິງກ່ຽວກັບເຫດການ "14 ມີນາ" ທີ່ເກີດຂຶ້ນຢູ່ເຂດຕິເບດຈີນແລະເລື່ອງທີ່ເກີດຂຶ້ນໃນຕອນເລີ່ມຕົ້ນການສົ່ງຕໍ່ທວນໄຟງານກິລາໂອລິມປິກປັກກິ່ງ.
ໜັງສືພິມ "ລຽນເຮີຈາວປ້າວ" ສິງກະໂປສະບັບວັນທີ 22 ເມສານີ້ພິມບົດຄວາມຊີ້ອອກວ່າ, ປະຊາຊົນຕາເວັນຕົກຫຼາຍໆຄົນບໍ່ເຂົ້າໃຈສື່ມວນຊົນຕາເວັນຕົກທີ່ມີແຕ່ລາຍງານຂ່າວດ້ານລົບ, ບໍ່ມັກລາຍງານຂ່າວດ້ານບວກ, ສື່ມວນຊົນຝ່າຍຕາເວັນຕົກຈຳນວນໜຶ່ງກໍ່ເລີ່ມສຳນຶກຄືນກ່ຽວກັບການກະທຳແບບນີ້ຂອງຕົນ.
ວັນທີ 21 ເມສານີ້, ທ່ານນາຣາຊີມຮານ ຣາມ ຫົວໜ້າບັນນາທິການຂອງໜັງສືພິມເດິຮີນດູກ່າວວ່າ, ຫວ່າງມໍ່ໆນີ້, ຈຸດພິເສດເດັ່ນຊັດຂອງການລາຍງານຂ່າວກ່ຽວກັບເຫດການ "14 ມີນາ" ຂອງສື່ມວນຊົນຕາເວັນຕົກກໍ່ແມ່ນ: ເນື້ອໃນຂອງການລາຍງານຂ່າວມີຂ່າວທີ່ເສກສັນປັ້ນແຕ່ງຂຶ້ນທີ່ກຸ່ມດາໄລລະມາແລະຜູ້ສະໜັບສະໜູນຕິເບດເອກະລາດຕັ້ງໃຈສະໜອງໃຫ້.
ຫວ່າງມໍ່ໆນີ້, ທ່ານເອເບິຮາດ ຊານເດສເນເດີ ຜູ້ຊ່ຽວຊານຄົ້ນຄວ້າບັນຫາຈີນທີ່ມີຊື່ສຽງຂອງສະມາຄົມການຕ່າງປະເທດເຢຍລະມັນກ່າວວ່າ, ທ່ານສະແດງຄວາມເສຍໃຈນຳການລາຍງານຂ່າວດ້ານລົບກ່ຽວກັບຈີນຂອງສື່ມວນຊົນເຢຍລະມັນຫຼັງຈາກເຫດການ "14 ມີນາ", ທ່ານຮຽກຮ້ອງໃຫ້ສື່ມວນຊົນແລະປະຊາຊົນຕາເວັນຕົກປະຕິບັດຕໍ່ຈີນຕາມສະພາບຕົວຈິງ.
|
|
|
