|
ໜັງສືພິມກ່ວງມີງຢື້ປ້າວພິມບົດຄວາມຊີ້ອອກວ່າ ກຸ່ມດາໄລລາມະທຳລາຍຊີວິດການເປັນຢູ່ອັນສະຫງົບສຸກຂອງປະຊາຊົນເຜົ່າຕິເບດແລະການພົວພັນທີ່ກົມກຽວກັນລະຫວ່າງບັນດາເຜົ່າ
cri
Author: cai
ຕາມຂ່າວສານຊີນຮວາ:ໜັງສືພິມກ່ວງມີງຢື້ປ້າວສະບັບວັນທີ 23 ເມສາທີ່ພິມຈຳໜ່າຍຢູ່ປັກກິ່ງນີ້ໄດ້ພິມບົດແຈ້ງຂ່າວທີ່ພາດຫົວເລື່ອງວ່າ《ແກ້"ເສື້ອນອກຊົນເຜົ່າ"ຂອງກຸ່ມດາໄລລາມະອອກ》ໂດຍຂຽນວ່າ,ກຸ່ມດາໄລລາມະທຳລາຍຊີວິດການເປັນຢູ່ອັນສະຫງົບສຸກຂອງປະຊາຊົນເຜົ່າຕິເບດແລະການພົວພັນທີ່ກົມກຽວກັນລະຫວ່າງບັນດາເຜົ່າ.
ບົດແຈ້ງຂ່າວຂຽນວ່າ,ຫວ່າງມໍ່ໆນີ້,ໃນການສົ່ງຕໍ່ທວນໄຟງານກິລາໂອລິມປິກໃນທົ່ວໂລກ,ພວກຕິເບດເປັນເອກະລາດໄດ້ກໍ່ເຫດການຫຼາຍເທື່ອ,ຂັດຂວາງການສົ່ງຕໍ່ທວນໄຟ.ທັງນີ້ແມ່ນມີຈຸດປະສົງອັນດຽວກັນກັບເຫດການຈະລາຈົນ 14 ມີນາທີ່ກຸ່ມດາໄລລາມະວາງແຜນກໍ່ຂຶ້ນຢູ່ນະຄອນລາຊາ,ໄດ້ເຜີຍໃຫ້ເຫັນຈຸດປະສົງຂອງກຸ່ມດາໄລລາມະທີ່ຢາກສວຍໂອກາດຈັດງານກິລາໂອລິມປິກປັກກິ່ງ,ຂົນຂວາຍໃຫ້ພວກລັດທິແບ່ງແຍກພາຍໃນປະເທດແລະຕ່າງປະເທດທຳລາຍສະຖຽນລະພາບຂອງຕິເບດ,ລົບກວນຊີວິດການເປັນຢູ່ອັນສະຫງົບສຸກຂອງປະຊາຊົນເຜົ່າຕິເບດແລະສະແຫວງຫາໃຫ້ຕິເບດເປັນເອກະລາດ.
ບົດແຈ້ງຂ່າວຊີ້ອອກວ່າ,ຄວາມຈິງຢັ້ງຢືນໃຫ້ເຫັນວ່າ,ກຸ່ມດາໄລລາມະແມ່ນຜູ້ທຳລາຍຊີວິດອັນສະຫງົບສຸກຂອງປະຊາຊົນເຜົ່າຕິເບດ,ແມ່ນຜູ້ທຳລາຍຄວາມສຸກກົກຮາກຂອງປະຊາຊົນເຜົ່າຕິເບດ,ແມ່ນຜູ້ທຳລາຍການພົວພັນທີ່ກົມກຽວກັນລະຫວ່າງບັນດາຊົນເຜົ່າຢູ່ເຂດຕິເບດ.
|
|
