|
ຈີນມີຂໍ້ລິເລີ່ມໃຫ້ປະເທດຕ່າງໆເພີ່ມທະວີການຮ່ວມມືດ້ານເຕັກນິກແລະທຶນຮອນເພື່ອຮ່ວມກັນແກ້ໄຂບັນຫາການປ່ຽນແປງຂອງອາກາດທົ່ວໂລກ
cri
ຕາມຂ່າວ CRI: ວັນທີ 24 ເມສານີ້, ຈີນມີຂໍ້ລິເລີ່ມໃຫ້ປະເທດຕ່າງໆເພີ່ມທະວີການຮ່ວມມືດ້ານເຕັກນິກແລະທຶນຮອງນເພື່ອຮ່ວມກັນແກ້ໄຂບັນຫາການປ່ຽນແປງຂອງດິນຟ້າອາກາດໃນທົ່ວໂລກ.
ວັນທີ 24 ເມສານີ້, ໃນກອງປະຊຸມ "ເວທີປາໄສສາກົນການປ່ຽນແປງຂອງດິນຟ້າອາກາດກັບການປະດິດສ້າງວິທະຍາສາດເຕັກນິກໃໝ່" ທີ່ຈັດຂຶ້ນຢູ່ປັກກິ່ງ, ທ່ານວ້ານກ່າງ ລັດຖະມົນຕີວ່າການກະຊວງວິທະຍາສາດເຕັກໂນໂລຊີຈີນກ່າວວ່າ, ປະຈຸບັນ, ເຕັກນິກທີ່ເປັນຂໍ້ກະແຈເພື່ອຮັບມືກັບການປ່ຽນແປງຂອງດິນຟ້າອາກາດຍັງມີບັນຫາຂັດຂວາງຫຼາຍ, ສະນັ້ນ, ມີແຕ່ເພີ່ມທະວີການຮ່ວມມືລະຫວ່າງປະເທດຕ່າງໆ, ຈຶ່ງແກ້ໄຂບັນຫາການປ່ຽນແປງຂອງດິນຟ້າອາກາດໃນທົ່ວໂລກໄດ້.
ທ່ານເຊ້ຍເຈີ້ນຮວາ ຮອງປະທານຄະນະກຳມະການການພັດທະນາແລະການປະຕິຮູບແຫ່ງລັດຈີນໄດ້ສະເໜີຂໍ້ລິເລີ່ມໃຫ້ປະຊາຄົມໂລກ "ພັດທະນາແລະໂອນເຕັກນິກ", ສຳຄັນທີ່ສຸດແມ່ນສ້າງກົນໄກໂອນເຕັກນິກທີ່ກ່ຽວຂ້ອງ, ຍົກສູງຄວາມສາມາດຮັບມືກັບການປ່ຽນແປງຂອງດິນຟ້າອາກາດຂອງປະເທດທີ່ພວມພັດທະນາ.
|
|
