|
ແຕ່ລະປີ, ຊາວກະສິກອນທີ່ໄດ້ຮັບຜົນປະໂຫຍດໂດຍກົງຈາກການພັດທະນາກະສິກຳຂອງຈີນຫຼາຍກວ່າ 50 ລ້ານຄົນ
cri
ຕາມຂ່າວສານຊິ່ນຮວາ: ຫວ່າງມໍ່ໆນີ້, ທ່ານວາງຈ້ຽນກົວ ຫົວໜ້າຫ້ອງການພັດທະນາກະສິກຳແຫ່ງຊາດຈີນກ່າວວ່າ, ນັບແຕ່ໄດ້ປະຕິບັດວຽກງານພັດທະນາກະສິກຳແບບສັງລວມ, ອອກແຮງດຳເນີນການດັດແປງນາທີ່ໄດ້ຜົນຜະລິດປານກາງແລະໜ້ອຍແລະເຮັດທຸລະກິດແບບອຸດສາຫະກຳກະສິກຳແລ້ວ, ໃນປີມໍ່ໆມານີ້, ແຕ່ລະປີກໍ່ມີຊາວກະສິກອນ 50 ລ້ານກວ່າຄົນໄດ້ຮັບຜົນປະໂຫຍດໂດຍກົງ, ໄດ້ເຮັດໃຫ້ກະສິກຳເພີ່ມຜົນຜະລິດແລະໃຫ້ຊາວກະສິກອນເພີ່ມລາຍໄດ້.
ຂ່າວແຈ້ງວ່າ, ນັບແຕ່ປີ 1988 ທີ່ຈີນໄດ້ປະຕິບັດວຽກງານພັດທະນາກະສິກຳແບບສັງລວມເປັນຕົ້ນມາ, ເຂດໂຄງການໄດ້ເພີ່ມຄວາມສາມາດຜະລິດສະບຽງອາຫານ 89 ຕື້ 300 ລ້ານກິໂລ, ຄວາມສາມາດຜະລິດອກຝ້າຍ 1 ຕື້ 700 ລ້ານກິໂລ, ຄວາມສາມາດຜະລິດພືດນ້ຳມັນ 4 ຕື້ 400 ລ້ານກິໂລ.
ຫຼາຍປີມານີ້, ໂດຍຜ່ານການດັດແປງນາທີ່ໄດ້ຜົນຜະລິດປານກາງແລະໜ້ອຍ, ແຕ່ລະປີໄດ້ເຮັດໃຫ້ຊາວກະສິກອນປະມານ 30 ລ້ານຄົນໄດ້ຮັບຜົນປະໂຫຍດໂດຍກົງ, ໂດຍຜ່ານການສະໜັບສະໜູນໂຄງການທຸລະກິດແບບອຸດສາຫະກຳຂອງກະສິກຳ, ແຕ່ລະປີ, ເຮັດໃຫ້ຊາວກະສິກອນປະມານ 22 ລ້ານຄົນມີລາຍໄດ້ເພີ່ມຂຶ້ນໂດຍກົງ.
|
|
