|
|
 |
| (GMT+08:00)
2008-04-25 17:31:45
|
 |
|
ຈີນຈະຜ່ານຈາກການພັດທະນາເສດຖະກິດກາກບອນຕ່ຳມາເພີ່ມທະວີການອະນຸລັກສິ່ງແວດລ້ອມ
cri
Author: cai
ຕາມຂ່າວສານຊີນຮວາ:ວັນທີ 24 ເມສານີ້,ທ່ານອູສຽວຊີ່ງ ລັດຖະມົນຕີຊ່ວຍວ່າການກະຊວງອະນຸລັກສິ່ງແວດລ້ອມຈີນກ່າວວ່າ,ຈີນຈະຕັ້ງໜ້ານຳໃຊ້ນະໂຍບາຍ,ອອກແຮງພັດທະນາເສດຖະກິດທີ່ມີກາກບອນຕ່ຳ,ເພື່ອເພີ່ມທະວີການອະນຸລັກສິ່ງແວດລ້ອມ.
ເວທີປຶກສາຫາລືສາກົນການປ່ຽນແປງຂອງດິນຟ້າອາກາດແລະການປະດິດສ້າງດ້ານວິທະຍາສາດເຕັກໂນໂລຊີພວມດຳເນີນຢູ່ປັກກິ່ງ.ໃນເວທີປຶກສາຫາລືດັ່ງກ່າວ,ທ່ານອູສຽວຊີ່ງກ່າວວ່າ,ຈີນຈະເລັ່ງລັດຄົ້ນຄວ້າການວາງຍຸດທະສາດພັດທະນາເສດຖະກິດກາກບອນຕ່ຳແຫ່ງຊາດ,ເອົາໃຈໃສ່ນຳການຍົກສູງຫົວຄິດປະດິດສ້າງຢ່າງເປັນເຈົ້າການໃນການພັດທະນາເຕັກນິກແລະຜະລິດຕະພັນທີ່ມີກາກບອນຕ່ຳ,ຊຸກຍູ້ການປະຢັດພະລັງງານແລະຫຼຸດການລະບາຍມົນລະພິດພາຍໃນປະເທດ,ຮັບມືກັບການປ່ຽນແປງຂອງດິນຟ້າອາກາດທົ່ວໂລກ.
ເສດຖະກິດກາກບອນຕ່ຳໝາຍຄວາມວ່າ,ເສດຖະກິດທີ່ຖືການສິ້ນເບືອງພະລັງງານໜ້ອຍແລະສ້າງມົນລະພິດໜ້ອຍເປັນພື້ນຖານ.ປະຈຸບັນ,ສັງຄົມແລະເສດຖະກິດຈີນພວມຢູ່ໃນໄລຍະທີ່ສະພາບແວດລ້ອມເສດຖະກິດຖືກຜູກມັດຢ່າງໜັກໜ່ວງ.ບຸກຄົນໃນວົງການນີ້ເຫັນວ່າ,ການພັດທະນາເສດຖະກິດກາກບອນຕ່ຳໄດ້ສະໜອງຊ່ອງທາງໃໝ່ໃຫ້ແກ່ການພັດທະນາແບບຍືນຍົງຂອງຈີນ.
|
|
|
