|
|
 |
| (GMT+08:00)
2008-04-27 16:01:58
|
 |
|
ປະຊາຊົນຕິເບດສະແດງຄວາມຮັກຊາດດ້ວຍຫລາຍຮູບຫລາຍແບບ
cri
ຕາມຂ່າວສານຊີນຮວາ: ຫວ່າງມໍ່ໆນີ້ ລົດຍົນຈຳນວນຫນຶ່ງທີ່ແລ່ນໄປມາຢູ່ຕາມຖະຫນົນຫົນທາງຂອງເມືອງລາຊາໄດ້ຕິດປ້າຍສີແດງຢູ່ປະຕູລົດຫລືປ້ອງຢ້ຽມຫລັງລົດທີ່ຂຽນມີໂຕຫນັງສືວ່າ ສະຫນັບສະຫນູນງານກິລາໂອລິມປິກ, ເຊຍໃຫ້ປັກກິ່ງ.ປະຊາຊົນຕິເບດພວມສະແດງຄວາມຮັກຊາດດ້ວຍຫລາຍຮູບຫລາຍແບບ.
ທ່ານໂກ່ຊິງຊານ ຜູ່ຮັບຜິດຊອບຂອງຮ້ານຄ້າແຫ່ງຫນຶ່ງຢູ່ເມືອງລາຊາກ່າວວ່າ, ໃນຫລາຍມື້ມານີ້, ທ່ານກັບວິສາຫະກິດອີກສອງແຫ່ງຂອງເມືອງລາຊາໄດ້ຈັດກິດຈະກຳ"ເຂົ້າຮ່ວມງານກິລາໂອລິມປິກ, ຮັກປະຊາຊາດຈີນ",ຫວັງໃຫ້ລົດຍົນທັງຫມົດຂອງເມືອງລາຊາຕິດປ້າຍສີແດງເຫລົ່ານີ້.ທ່ານກ່າວວ່າ, ການຈັດກິດຈະກຳເທື່ອນີ້ມີຈຸດປະສົງເພື່ອສະແດງຄວາມຮັກຊາດ, ທັງເປັນການປະທ້ວງຕໍ່ນັກຫລິ້ນການເມືອງຝ່າຍຕາເວັນຕົກຈຳນວນຫນຶ່ງທີ່ແຊກແຊງວຽກງານພາຍໃນຂອງຈີນແລະເຈດຕະນາທຳລາຍງານກິລາໂອລິມປິກປັກກິ່ງ.
ຢູ່ໃນໂຮງຮຽນຊັ້ນສູງຂອງຕິເບດກໍ່ເຕັມໄປດ້ວຍອາລົມຈິດຮັກຊາດ.ໃນກິດຈະກຳອາສາສະຫມັກຊາວຫນຸ່ມທີ່ມີຊື່ວ່າ:ຮັບໃຊ້ງານກິລາໂອລິມປິກດ້ວຍຮອຍຍິ້ມທີ່ຈັດຂຶ້ນຢູ່ມະຫາວິທະຍາໄລຕິເບດໃນຫວ່າງແລ້ວນີ້, ມີຊາວຫນຸ່ມຊົນເຜົ່າຕ່າງໆ 300 ກວ່າຄົນໄດ້ເຊັນຊື່ສະຫມັກເຂົ້າຮ່ວມຖັນແຖວອາສາສະຫມັກ, ກ່າວວ່າຈະປະກອບສ່ວນເຫື່ອແຮງເຂົ້າໃນການສົ່ງຕໍ່ທວນໄຟຢູ່ຕິເບດແລະພູຈູມູລັງມາ.
|
|
|
