|
|
 |
| (GMT+08:00)
2008-04-27 16:18:39
|
 |
|
ອັນທີ່ວ່າວັດທະນະທຳຕິເບດຖືກດັບສູນບໍ່ມີຈຸດຢືນຢູ່ຕໍ່ຫນ້າເລື່ອງຈິງ
cri
ຕາມຂ່າວສານຊີນຮວາ: ຫວ່າງມໍ່ໆນີ້ ໃນເວລາໃຫ້ສຳພາດຕໍ່ນັກຂ່າວ, ພະຊິນຈາ.ແທນຈີນ ໂຈທາຂອງພຸດທະສາສະຫນາຕິເບດນິກາຍເກຢູກ່າວວ່າ, ຄຳຂີ້ຕົວະທີ່ດາໄລລາມະອົງທີ 14 ເປີດປ່າວເຊັ່ນ ວັດທະນະທຳຕິເບດຖືກດັບສູນແລະອື່ນໆແມ່ນບໍ່ມຕຈຸດຢືນຢູ່ຕໍ່ຫນ້າເລື່ອງຈິງ. ສັງເກດຈາກສະພາບນຳໃຊ້ພາສາຕິເບດແລະການຮຽບຮຽງແບບຮຽນພາສາຕິເບດແລ້ວກໍ່ເຫັນໄດ້ວ່າຄຳຂີ້ຕົວະຂອງເຂົາແມ່ນບໍ່ມີຫລັກຖານຈັກເມັດ.
ພະຊິນຈາ ແທນຈີນ ໂຈທາ ທີ່ເປັນຮອງຫົວຫນ້າຄະນະປະຈຳສະພາຜູ່ແທນເຂດຕິເບດປົກຄອງຕົນເອງໃນປັດຈຸບັນກ່າວວ່າ, ແຕ່ກ່ອນໃຕ້ການກົດຂີ່ຂູດຮີດຂອງດາໄລລາມະ,ທົ່ວເຂດຕິເບດບໍ່ມີຄົນຮູ້ຫນັງສືຫລາຍປານໃດ.ໃນເວລານັ້ນ, ນອກຈາກຢູ່ຄອບຄົວຂອງຂຸນນາງມີຄຳພີຈຳນວນຫນຶ່ງແລ້ວ, ນະວະນິຍາຍແລະເລື່ອງກ່ຽວກັບຕິເບດແມ່ນບໍ່ມີຈັກປື້ມ.ແຕ່ມາຮອດດຽວນີ້, ປື້ມຕ່າງໆມີຢູ່ຢ່າງຫລວງຫລາຍ, ວັດທະນະທຳສິນລະປະກຳຕ່າງໆກໍ່ຈໍ່ຕົວຂຶ້ນຢ່າງຫລາຍສີຫລາຍສັນ.
ພະອົງນີ້ກ່າວວ່າ, ໃນຫລາຍປີມານີ້, ພາກສ່ວນສຶກສາທິການຂອງເຂດຕິເບດໄດ້ຖືການສິດສອນພາສາຕິເບດເປັນຫລັກສູດສຳຄັນໃນການສຶກສາຂັ້ນພື້ນຖານ.ເພື່ອສືບທອດມໍລະດົກວັດທະນະທຳອັນດີເລີດຂອງຊົນເຜົ່າຕິ ເບດ, ຕິເບດໄດ້ກອບກູ້ ຮຽບຮຽງແລະພິມຈຳຫນ່າຍປຶ້ມບູຮານພາສາຕິເບດ 260 ກວ່າເຫລັ້ມ.
|
|
|
