|
|
 |
| (GMT+08:00)
2008-04-27 16:21:18
|
 |
|
ກອງປະຊຸມສາກົນກ່ຽວກັບການປ້ອງກັນຄວາມປອດໄພຂອງງານກິລາໂອລິມປິກປັກກິ່ງອັດປະຊຸມ
cri
ຕາມຂ່າວສານຊີນຮວາ: ວັນທີ 27 ເມສານີ້ ກອງປະຊຸມສາກົນກ່ຽວກັບການປ້ອງກັນຄວາມປອດໄພຂອງງານກິລາໂອລິມປິກປັກກິ່ງທີ່ໄຂຂຶ້ນຢູ່ປັກກິ່ງເປັນເວລາສາມມື້ໄດ້ອັດລົງແລ້ວ.ຜູ່ແທນເກືອບ 400 ຄົນທີ່ມາຈາກຄະນະຜູ່ແທນຈີນແລະອົງການຈັດຕັ້ງປະຕິບັດກົດຫມາຍຂອງ 120 ປະເທດແລະເຂດແຄວ້ນພ້ອມດ້ວຍອົງການຈັດຕັ້ງສາກົນທີ່ກ່ຽວຂ້ອງໄດ້ຫາລືບັນຫາຈຸດຍາກແລະຈຸດຮ້ອນໃນວຽກງານປ້ອງກັນຄວາມປອດໄພຂອງງານກິລາໂອລິມປິກ, ແລະໄດ້ມີຄວາມຮັບຮູ້ຄືກັນໃນດ້ານເພີ່ມທະວີການແລກປ່ຽນຮ່ວມມືກັນໃນສາກົນກ່ຽວກັບການປ້ອງກັນຄວາມປອດໄພຂອງງານກິລາໂອລິມປິກ, ຮັບປະກັນໃຫ້ງານກິລາໂອລິມປິກດຳເນີນໄປຢ່າງປອດໄພແລະສະດວກ.
ໃນໄລຍະຈັດກອງປະຊຸມ, ຄະນະຜູ່ແທນຈີນໄດ້ຮັບຟັງຄວາມເຫັນແລະຂໍ້ສະເຫນີຂອງນັກວິຊາການໃນວົງການປ້ອງກັນຄວາມປອດໄພຂອງສາກົນຢ່າງກວ້າງຂວາງ, ແລະໄດ້ເພີ່ມທະວີການຮ່ວມມືກັບພາກສ່ວນປະຕິບັດກົດຫມາຍຂອງປະເທດທີ່ກ່ຽວຂ້ອງໂດຍຜ່ານຊ່ອງທາງສອງຝ່າຍແລະຫລາຍຝ່າຍ,ໄດ້ຮັບຄວາມຄືບຫນ້າອັນຕັ້ງຫນ້າໃນດ້ານຮັບເອົາຂໍ້ມູນຂ່າວສານ.ຜູ່ແທນຝ່າຍຕ່າງໆທີ່ຮ່ວມປະຊຸມໄດ້ຢືນຢັນຢ່າງເຕັມສ່ວນຕໍ່ອົງການປະຕິບັດກົດຫມາຍຂອງຈີນທີ່ໄດ້ທຳຄວາມພະຍາຍາມຢ່າງບໍ່ລົດລະເພື່ອຮັບປະກັນຄວາມປອດໄພຂອງງານກິລາໂອລິມປິກ.
|
|
|
