|
|
 |
| (GMT+08:00)
2008-04-28 20:26:04
|
 |
|
ທ່ານໄຕ້ປີງກົວ ທີ່ປຶກສາແຫ່ງລັດຈີນພົບກັບທ່ານປາກ ອຸຊຸນ ລັດຖະມົນຕີວ່າການກະຊວງການຕ່າງປະເທດສປປເກົາຫຼີ
cri
Author: shuo
ຕາມຂ່າວCRI:ວັນທີ28ເມສານີ້,ຢູ່ທີ່ປັກກິ່ງ,ທ່ານໄຕ້ປີງກົວ ທີ່ປຶກສາແຫ່ງລັດຈີນໄດ້ພົບກັບທ່ານປາກ ອຸຊຸນ ລັດຖະມົນຕີວ່າການກະຊວງການຕ່າງປະເທດສປປເກົາຫຼີທີ່ມາຢ້ຽມຢາມ.ສອງຝ່າຍໄດ້ຕີລາຄາສູງຕໍ່ການພົວພັນຈີນກັບສປປເກົາຫຼີ, ໂດຍກ່າວວ່າຈະຮັດແໜ້ນການໄປມາຫາສູ່ກັນລະຫວ່າງເຈົ້າໜ້າທີ່ທຸກລະດັບຕື່ມອີກ,ລົງເລິກການຮ່ວມມືທີ່ຕິດແທດຕົວຈິງແລະການແລກປ່ຽນມິດຕະພາບໃນຫຼາຍຂົງເຂດ,ຊຸກຍູ້ການພົວພັນສອງປະເທດໃຫ້ກ້າວໄປໜ້າຢ່າງບໍ່ຢຸດຢັ້ງ.
ທ່ານໄຕ້ປີງກົວຍ້ອງຍໍສັນລະເສີນຝ່າຍສປປເກົາຫຼີທີ່ຍຶດໝັ້ນສະໜັບສະໜູນຫຼັກ ໝັ້ນຂອງຈີນໃນບັນຫາໄຕ້ຫວັນແລະບັນຫາຕິເບດ,ຂອບໃຈຝ່າຍສປປເກົາຫຼີທີ່ໄດ້ໃຫ້ການສະໜັບສະໜູນຢ່າງຕັ້ງໜ້າໃຫ້ແກ່ງານກິລາໂອລິມປິກປັກກິ່ງ.ທ່ານປາກ ອຸຊຸນກ່າວວ່າ,ສປປເກົາຫຼີຍຶດໝັ້ນຫຼັກການປະເທດຈີນດຽວຢູ່ສະເໝີ,ສະໜັບສະໜູນຫຼັກໝັ້ນຂອງຈີນໃນບັນຫາໄຕ້ຫວັນແລະບັນຫາຕິເບດ.ສປປເກົາຫຼີເດັດດ່ຽວຄັດຄ້ານການຢາກຫັນງານກິລາໂອລິມປິກເປັນບັນຫາການເມືອງ,ແລະຫວັງຢ່າງຈິງໃຈໃຫ້ງານກິລາໂອລິມປິກປັກກິ່ງຈົ່ງໄດ້ຮັບຜົນສຳເລັດ.
ໃນມື້ດຽວກັນ,ທ່ານຢາງເຈຊື ລັດຖະມົນຕີວ່າການກະຊວງການຕ່າງປະເທດຈີນກໍໄດ້ພົບປະທ່ານປາກ ອຸຊຸນຢູ່ປັກກິ່ງ.
|
|
|
