|
ລັດຖະມົນຕີວ່າການກະຊວງພານິດຂອງໄທກ່າວວ່າ,ຈະບໍ່ຈຳກັດການສົ່ງອອກເຂົ້າ ສານ
cri
Author: shuo
ຕາມຂ່າວສານຊິນຮວາ:ວັນທີ28ເມສານີ້,ຢູ່ທີ່ບາງກອກ,ພາຍຫຼັງພົບປະທ່ານຄາມານ ນາດ ລັດຖະມົນຕີວ່າການກະຊວງການຄ້າແລະອຸດສາຫະກຳຂອງອິນເດຍທີ່ໄປຢ້ຽມຢາມ,ທ່ານມິ່ງຂວັນ ແສງສຸວັນ ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງພານິດຂອງໄທກ່າວວ່າ,ໄທຈະບໍ່ຈຳກັດການສົ່ງອອກເຂົ້າສານ.
ໃນວັນທີ28ເມສານີ້,ທ່ານມິ່ງຂວັນ ແສງສຸວັນໄດ້ເຈລະຈາກັບທ່ານຄາມານ ນາດກ່ຽວກັບບັນຫາຂາດເຂີນທັນຍາຫານໃນທົ່ວໂລກ.ໃນກອງປະຊຸມຂ່າວທີ່ຈັດຂຶ້ນຫຼັງການເຈລະຈາ,ທ່ານມິ່ງຂວັນ ແສງສຸວັນກ່າວວ່າ,ສອງຝ່າຍເຫັນວ່າ,ການຍົກສູງປະລິມານການຜະລິດຕໍ່ເຮັກຕາແມ່ນວິທີທີ່ບັງເກີດຜົນໃນເວລາຮັບມືກັບການສະໜອງເຂົ້າສານບໍ່ພຽງພໍໃນທົ່ວໂລກ.ທ່ານຍັງກ່າວວ່າ,ໄທຈະຕັ້ງໜ້າຊຸກຍູ້ໃຫ້ປະເທດສົ່ງອອກເຂົ້າສານທີ່ສຳຄັນ ເຊັ່ນໄທ ອິນເດຍແລະຫວຽດນາມເປັນຕົ້ນຄົ້ນຄວ້າຍຸດໂທບາຍກ່ຽວກັບບັນຫາຕ່າງໆ ເຊັ່ນ ການສະໜອງບໍ່ພຽງພໍໃນຕະຫຼາດເຂົ້າສານສາກົນປະຈຸບັນແລະລາຄາຖີບສູງຂຶ້ນເປັນຕົ້ນ,ເພື່ອຜ່ອນຄາຍບັນຫາດ້ານການສະໜອງທັນຍາຫານໃນທົ່ວໂລກໃນປະຈຸບັນນີ້.
ທ່ານມິ່ງຂວັນ ແສງສຸວັນຍັງກ່າວເນັ້ນວ່າ,ປະຈຸບັນນີ້ ການສະໜອງເຂົ້າສານພາຍໃນປະເທດໄທແລະການສົ່ງອອກລ້ວນແຕ່ບໍ່ໄດ້ປະກົດມີການຂາດເຂີນ,ສະນັ້ນ,ໄທຈະບໍ່ປະກາດມາດຕະການທີ່ຈຳກັດການສົ່ງອອກເຂົ້າສານ.
|
|
