|
|
 |
| (GMT+08:00)
2008-04-29 15:58:21
|
 |
|
ສະຫະປະຊາຊາດກຳລັງສົ່ງພະນັກງານຫຼາຍກວ່າເກົ່າໄປອີຣັກ
cri
ຕາມຂ່າວ CRI: ວັນທີ 28 ເມສານີ້, ຢູ່ສຳນັກງານໃຫຍ່ສະຫະປະຊາຊາດທີ່ນະຄອນນິວຢອກແຫ່ງອາເມລິກາ, ທ່ານບີ ລີນ ພາສໂຄ ຮອງເລຂາທິການໃຫຍ່ທີ່ຮັບຜິດຊອບວຽກງານການເມືອງສະຫະປະຊາຊາດໄດ້ລາຍງານສະພາບວຽກງານຂອງຄະນະຊ່ອຍເຫຼືອອີຣັກສະຫະປະຊາຊາດຫຼື UNAMI ຕໍ່ສະພາຄວາມໝັ້ນຄົງ. ທ່ານກ່າວວ່າ, ນັບແຕ່ປີກາຍນີ້ສະພາຄວາມໝັ້ນຄົງໄດ້ຕົກລົງເພີ່ມສິດທີ່ມອບໝາຍໃຫ້ຄະນະແຕ່ງຕັ້ງພິເສດເປັນຕົ້ນມາ, ທ່ານບັນກີມຸນເລຂາທິການໃຫຍ່ອົງການສະຫະປະຊາຊາດໄດ້ສຳຫຼວດສະພາບຄວາມປອດໄພຂອງອີຣັກຢ່າງລະອຽດແລ້ວ, ສົ່ງພະນັກງານສະຫະປະຊາຊາດໄປແຫ່ງຕ່າງໆຂອງອີຣັກຢ່າງຕໍ່ເນື່ອງ,ເພີ່ມການຄົງຕົວຢູ່ຂອງສະຫະປະຊາຊາດຢູ່ອີຣັກ.
ວັນທີ 28 ເມສານີ້, ໃນເວລາກ່າວຄຳປາໄສຢູ່ກອງປະຊຸມກ່ຽວກັບບັນຫາອີຣັກຂອງສະພາຄວາມໝັ້ນຄົງສະຫະປະຊາຊາດ, ທ່ານລິວເຈີ້ນມິນ ຮອງຜູ້ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ຮຽກຮ້ອງໃຫ້ປະຊາຄົມໂລກສືບຕໍ່ເອົາໃຈໃສ່ນຳບັນຫາອີຣັກແລະຊ່ອຍເຫຼືອອີຣັກບັນລຸຄວາມໝັ້ນຄົງແລະການພັດທະນາ. ທ່ານຫວັງໃຫ້ຄະນະຊ່ອຍເຫຼືອອີຣັກຂອງສະຫະປະຊາຊາດສະເໜີຂໍ້ສະເໜີທີ່ເໝາະສົມເພື່ອຂະບວນການການເມືອງໃນອີຣັກ.
|
|
|
