|
|
 |
| (GMT+08:00)
2008-04-30 21:23:38
|
 |
|
ປັກກິ່ງຈັດກອງປະຊຸມລະດົມໃນໂອກາດວັນນັບຖອຍຫຼັງງານກິລາໂອລິມປິກປັກກິ່ງຍັງເຫຼືອຮ້ອຍມື້
cri
|
ຕາມຂ່າວ ＣＲＩ: ຮອດມື້ນີ້ ກໍ່ຄືວັນທີ 30 ເມສາ, ຍັງເຫຼືອ 100 ມື້ກໍ່ຈະຮອດມື້ໄຂງານກິລາໂອລິມປິກປັກກິ່ງແລ້ວ, ຕອນເຊົ້າມື້ນີ້, ກອງປະຊຸມລະດົມໃນໂອກາດວັນນັບຖອຍຫຼັງງານກິລາໂອລິມປິກປັກກິ່ງປີ 2008 ຍັງເຫຼືອຮ້ອຍມື້ໄດ້ຈັດຂຶ້ນຢູ່ຫໍປະຊຸມປະຊາຊົນປັກກິ່ງ. ທ່ານເຈຍຊີ້ງລິນ ປະທານສະພາປຶກສາການເມືອງຈີນໄດ້ຮ່ວມປະຊຸມ.
ໃນກອງປະຊຸມ, ທ່ານລິວຊີ ປະທານຄະນະກຳມະການຈັດຕັ້ງງານກິລາໂອລິມປິກປັກກິ່ງໄດ້ຈັດວາງໜ້າທີ່ຮັບຜິດຊອບຂອງຄະນະກຳມະການຈັດຕັ້ງງານກິລາໂອລິມປິກັກກິ່ງແລະຂະແໜງການຕ່າງໆຂອງປັກກິ່ງໃນ 100 ມື້ຕໍ່ໄປນີ້, ແລະຊີ້ອອກວ່າ, ຕ້ອງຊຸກຍູ້ວຽກງານບໍລິການຂອງງານກິລາໂອລິມປິກແລະງານກິລາໂອລິມປິກຄົນພິການປັກກິ່ງ, ເພີ່ມທະວີການສຶກສາດ້ານມາລະຍາດຕໍ່ປະຊາຊົນ, ແລະເພີ່ມທະວີການຮ່ວມມືກັບຄະນະກຳມະການໂອລິມປິກສາກົນແລະຄະນະກຳມະການໂອລິມປິກຄົນພິການສາກົນ, ເຮັດວຽກພະຍາຍາມຫຼາຍກວ່າເກົ່າເພື່ອຈັດງານກິລາໂອລິມປິກໃຫ້ມີຈຸດພິເສດແລະລະດັບສູງ.
ຜູ້ແທນ 6000 ກວ່າຄົນຈາກວົງການສັງຄົມຕ່າງໆຂອງປັກກິ່ງ, ເຊັ່ນ: ການແພດ, ການສຶກສາ, ກິລາເປັນຕົ້ນໄດ້ເຂົ້າຮ່ວມກອງປະຊຸມ.
|
|
|
