|
ຝ່າຍຕ່າງໆຂອງປາເລັສຕິນເຫັນດີຢຸດຍິງ ອິສຣາແອນຄັດຄ້ານ
cri
ຕາມຂ່າວ CRI: ໂດຍຜ່ານການໄກ່ເກ່ຍອັນຕັ້ງໜ້າຂອງເອຢິບ, ຝ່າຍຕ່າງໆຂອງປາເລັສຕິນໄດ້ເຫັນດີນຳການຢຸດຍິງກັບອິສຣາແອນໃນວັນທີ 30 ເມສາແລ້ວນີ້. ແຕ່ມື້ດຽວກັນ, ລັດຖະມົນຕີຄະນະລັດຖະບານຄວາມປອດໄພອິສຣາແອນສ່ວນຫຼາຍພັດຄັດຄ້ານບໍ່ໃຫ້ຢຸດຍິງກັບອົງການປະກອບອາວຸດປາເລັສຕິນ.ຂ່າວສານຕາເວັນອອກກາງເອຢິບແຈ້ງຂ່າວວ່າ, ຝ່າຍຕ່າງໆຂອງປາເລັສຕິນເຊິ່ງລວມທັງອົງການຮາມັສແລະອົງການຟາຕາໄດ້ຮັບເອົາສັນຍາຢຸດຍິງແລ້ວ, ແຕ່ກ່າວເນັ້ນວ່າ, ຕ້ອງແມ່ນສອງຝ່າຍຢຸດຍິງໃນເວລາດຽວກັນ, ຂອບເຂດຢຸດຍິງຄວນລວມທັງເຂດກາຊາແລະຝັ່ງຕາເວັນຕົກແມ່ນ້ຳຈໍແດນ.
ແຕ່ໃນກອງປະຊຸມຂອງຄະນະລັດຖະບານຄວາມປອດໄພອິສຣາແອນທີ່ຈັດຂຶ້ນໃນມື້ດຽວກັນ, ລັດຖະມົນຕີສ່ວນຫຼາຍເຫັນວ່າ, ຢຸດຍິງກໍ່ທໍ່ກັບຮັບຮອງວ່າອົງການຮາມັສແມ່ນອົງການຊອບກົດໝາຍ, ແລະມີແຕ່ຈະເຮັດໃຫ້ອົງການຮາມັສ ຕັ້ງຫຼັກປັກຖານໃໝ່, ແລ້ວສືບຕໍ່ໂຈມຕີອິສຣາແອນ.
ນອກນີ້, ຍັງມີຂ່າວແຈ້ງວ່າ, ມື້ດຽວກັນ, ອິສຣາແອນໄດ້ໂຈມຕີພາກໃຕ້ເຂດກາຊາທາງອາກາດ, ເຮັດໃຫ້ຊາວປາເລັສຕິນ 4 ຄົນຕາຍແລະບາດເຈັບ.
|
|
