|
|
 |
| (GMT+08:00)
2008-05-02 18:51:22
|
 |
|
ໄຮເຕັກຮັບປະກັນທວນໄຟງານກິລາໂອລິມປິກລຸກຢູ່ເທິງຈອມພູໂຈໂມລັງມະ
cri
Author: shuo
ຕາມຂ່າວCRI:ການສົ່ງຕໍ່ທວນໄຟງານກິລາໂອລິມປິກຂຶ້ນເທິງຈອມພູໂຈໂມລັງມະຂອງພູຫິມະໄລແມ່ນຈຸດເດັ່ນຂອງການສົ່ງຕໍ່ທວນໄຟງານກິລາໂອລິມປິກປັກກິ່ງ.ແຕ່ຍ້ອນວ່າດິນຟ້າອາກາດຢູ່ເທິງຈອມພູໂຈໂມລັງມະປັ່ນປ່ວນ,ຈຶ່ງເຮັດໃຫ້ການໄຕ້ໄຟແລະຮັກສາບໍ່ໃຫ້ມອດຢູ່ເທິງຈອມພູໂຈໂມລັງມະນັ້ນເປັນບັນຫາທີ່ຫຼາຍຝ່າຍສົນໃຈນຳຫຼາຍ.
ຕາມຂ່າວແຈ້ງວ່າ,ກຸ່ມບໍລິສັດອຸດສາຫະກຳວິທະຍາສາດການບິນຈີນໄດ້ສ້າງຕັ້ງພະແນກ ຄົ້ນຄວ້າພັດທະນາທວນໄຟໂດຍສະເພາະເພື່ອການສົ່ງຕໍ່ທວນໄຟງານກິລາໂອລິມປິກປັກກິ່ງຢູ່ເທິງຈອມພູໂຈໂມລັງມະ.ໃນເວລາໃຫ້ສຳພາດຕໍ່ນັກຂ່າວວິທະຍຸພວກເຮົາ,ທ່ານຊ້າວເວີນຊິ່ງ ຮອງຜູ້ອອກແບບໃຫຍ່ຂອງພະແນກນີ້ກ່າວວ່າ,ຖ້າເບິ່ງທາງນອກ,ການຄົ້ນຄວ້າພັດທະນາທວນໄຟທີ່ຂຶ້ນຈອມພູໂຈໂມລັງມະມີແຕ່ກະໂຕທວນໄຟທໍ່ນັ້ນ,ແຕ່ທີ່ຈິງແລ້ວ,ມັນພົວພັນເຖິງຫຼາຍດ້ານ,ຕົວຢ່າງຄື ຫົວໜ່ວຍອອກແບບຮູບນອກ ຫົວໜ່ວຍອອກແບບລະບົບການລຸກຂອງໄຟ ຄະນະຈັດຕັ້ງງານກິລາໂອລິມປິກ ພະແນກອຸຕຸນິຍົມແລະທິມປີນພູເປັນຕົ້ນ.ທ່ານກ່າວວ່າ:"ພວກເຮົາປະຕິບັດໂຄງການນີ້ເລີ່ມແຕ່ສູນ.ໂຄງການທວນໄຟຂຶ້ນຈອມພູໂຈໂມລັງມະແມ່ນການທ້າທາຍອັນໜຶ່ງ,ເພາະວ່າບໍ່ເຄີຍມີມາກ່ອນ.ຢູ່ບ່ອນສູງຈາກລະດັບນ້ຳທະເລ8ພັນກວ່າແມັດ,ຕ້ອງໃຫ້ໄຟລຸກເປັນເວລາໃດໜຶ່ງ,ຕ້ອງໃຫ້ຮູບແປວໄຟສວຍງາມມີຮູບປິວສະບັດແລະມີສີທີ່ສາມາດເຫັນໄດ້,ແລະຍັງມີຄວາມຮຽກຮ້ອງຕ້ອງການດ້ານການອະນຸລັກສິ່ງແວດລ້ອມ."
ຄວາມຫຍຸ້ງຍາກຕົ້ນຕໍດ້ານເຕັກນິກຂອງການສົ່ງຕໍ່ທວນໄຟຂຶ້ນເທິງຈອມພູໂຈໂມລັງມະແມ່ນເຮັດແນວໃດເຮັດໃຫ້ໂຄມເຊື້ອໄຟລຸກແລ້ວເຮັດໃຫ້ທວນໄຟລຸກຕະຫຼອດພາຍໃຕ້ສະ ພາບດິນຟ້າອາກາດປັ່ນປ່ວນ ຄື ສູງກວ່າລະດັບໜ້ານ້ຳທະເລຫຼາຍ ແຮງກົດດັນຂອງອາ ກາດຕ່ຳແລະມີອົກຊີແຊນໜ້ອຍພ້ອມດ້ວຍເງື່ອນໄຂການຂົນສົ່ງທີ່ສັບສົນທີ່ສຸດ.
ທ່ານຊີ້ເຫຼີຍ ຜູ້ອອກແບບຂອງພະແນກຄົ້ນຄວ້າພັດທະນາທວນໄຟຂອງກຸ່ມບໍລິສັດອຸດສາ ຫະກຳວິທະຍາສາດການບິນຈີນບອກນັກຂ່າວວ່າ,ທວນໄຟທີ່ຄົນທັງຫຼາຍເຫັນໃນຍາມທຳມະດາແມ່ນທວນໄຟທົ່ງພຽງ,ນຳໃຊ້ວັດຖຸເຊື້ອໄຟໂພຼຜາເນທາດນ້ຳທີ່ບໍ່ມີມົນລະພິດຕໍ່ສິ່ງແວດລ້ອມ.ແຕ່ພາຍໃຕ້ສິ່ງແວດລ້ອມຂອງພູໂຈໂມລັງມະ,ໂພຼຜາເນມັກກ້າມໃນອຸນຫະ ພູມທີ່ຕ່ຳທີ່ສຸດ,ແລ້ວບໍ່ສາມາດລຸກຢ່າງເປັນປົກກະຕິ.ເພື່ອແກ້ໄຂບັນຫາດັ່ງກ່າວ,ພະແນກ ຄົ້ນຄວ້າພັດທະນາທວນໄຟໄດ້ອອກແບບທວນໄຟຂຶ້ນຈອມພູໂຈໂມລັງມະໂດຍສະເພາະ,ແລະໄດ້ຄົ້ນຄວ້າພັດທະນາວັດຖຸເຊື້ອໄຟທີ່ເປັນກ້ອນທີ່ໃຊ້ສຳລັບທວນໄຟຊະນິດນີ້.ວັດຖຸເຊື້ອໄຟຊະນິດນີ້ມີຄວາມໄວ້ວາງໃຈໄດ້ສູງ,ແປວໄຟຊັດເຈນ,ແລະໃຊ້ໄດ້ງ່າຍ.ເມື່ອໃຊ້ວັດ ຖຸເຊື້ອໄຟທີ່ເປັນກ້ອນຊະນິດນີ້,ເມື່ອມີລົມທີ່ແຮງກວ່າຂັ້ນ12,ກໍສາມາດຮັບປະກັນໃຫ້ທວນໄຟລຸກຢ່າງສະດວກ.
ທ່ານຊີ້ເຫຼີຍກ່າວວ່າ:"ກ່ຽວກັບການອອກແບບວັດຖຸເຊື້ອໄຟຊະນິດນີ້,ຄວາມກ້າວໜ້າດ້ານເຕັກນິກຕົ້ນຕໍແມ່ນໄຟລຸກຊ້າ.ຄວາມໄວຂອງການລຸກຂອງມັນຢູ່ເທິງຈອມພູໂຈໂມລັງມະແມ່ນ0,6ມີລີແມັດຕໍ່ວິນາທີ.ວັດຖຸເຊື້ອໄຟທີ່ເປັນທ່ອນຍາວ250ມີລີແມັດສາມາດລຸກ8ນາທີຢູ່ເທິງຈອມພູ.ຄວາມກ້າວໜ້າອີກອັນໜຶ່ງແມ່ນໃນເວລາໄຟລຸກຈະມີຄວັນໜ້ອຍທີ່ສຸດ,ນີ້ແມ່ນພວກເຮົາໄດ້ທົດລອງຢ່າງຫຼວງຫຼາຍ,ພວກເຮົາໄດ້ອອກແບບວັດຖຸເຊື້ອໄຟຮ້ອຍກວ່າຊະນິດ,ແລະປັບປຸງເທື່ອແລ້ວເທື່ອອີກຈຶ່ງໄດ້ຮັບວັດຖຸເຊື້ອໄຟຊະນິດນີ້."
ໃນເວລາຄົ້ນຄວ້າຜະລິດຜະລິດຕະພັນສຳຮອງຂອງທວນໄຟງານກິລາໂອລິມປິກ,ນັກຄົ້ນ ຄວ້າຂອງພະແນກຄົ້ນຄວ້າພັດທະນາທວນໄຟອາດເວົ້າໄດ້ວ່າແມ່ນໄດ້ຊອກຫາທຸກວິທີ.ເພື່ອໃຫ້ແປວໄຟມີຄວາມໝັ້ນທ່ຽງ,ພວກເພີ່ນນອກຈາກໄດ້ທົດລອງຄວາມໄວຕ່າງໆຂອງລົມຢູ່ໃນຫ້ອງທົດລອງແລ້ວ,ຍັງໄດ້ໃຊ້ວິທີແບບດັ້ງເດີມທີ່ສຸດ,ຄື ຕົວເອງຊູທວນໄຟແລ່ນໄປມາຢູ່ໃນຕຶກຫ້ອງການ,ເພື່ອສັງເກດເບິ່ງການປ່ຽນແປງຂອງແປວໄຟ.
ປະຈຸບັນນີ້,ທວນໄຟແລະເຊື້ອໄຟທີ່ຈະຂຶ້ນຈອມພູໂຈໂມລັງມະໄດ້ມອບໃຫ້ແກ່ທິມປີນພູຈີນທີ່ຮັບຜິດຊອບການສົ່ງທວນໄຟງານກິລາໂອລິມປິກປັກກິ່ງຂຶ້ນເທິງຈອມພູ,ຄົນທັງຫຼາຍກຳລັງຄອຍຖ້າວັນທີ່ທວນໄຟຂຶ້ນເທິງຈອມພູໂຈໂມລັງມະຢ່າງສຳເລັດຜົນ.
|
|
|
