|
|
 |
| (GMT+08:00)
2008-05-03 17:52:13
|
|
ນາຍົກໄທກ່າວລື້ມຫຼັກໝັ້ນທີ່ດັດແກ້ລັດຖະທຳມະນູນ
cri
Author: shuo
ຕາມຂ່າວCRI:ເຖິງວ່າໄດ້ຖືກຝ່າຍຄ້ານຄັດຄ້ານຢ່າງຮຸນແຮງກໍຕາມ,ແຕ່ທ່ານສະໝັກ ສູນທໍລະເວດ ນາຍົກລັດຖະມົນຕີຂອງໄທໄດ້ກ່າວລື້ມຫຼັກໝັ້ນທີ່ຊຸກຍູ້ການດັດແກ້ລັດຖະທຳມະນູນນັ້ນໃນວັນທີ2ພຶດສະພານີ້.
ໃນວັນທີ2ພຶດສະພານີ້,ຢູ່ທີ່ບາງກອກ,ທ່ານສະໝັກ ສູນທໍລະເວດໄດ້ກ່າວປາຖະກະຖາທີ່ພາດຫົວເລື່ອງວ່າ"ສະຖານະການລັດຖະທຳມະນູນຂອງໄທ".ທ່ານກ່າວວ່າ,ຈົນຮອດປະຈຸ ບັນນີ້ໄທໄດ້ມີລັດຖະທຳມະນູນ18ສະບັບແລ້ວ,ແລະໄດ້ດັດແກ້30ເທື່ອ.ໃນລັດຖະທຳມະ ນູນທີ່ໃຊ້ໃນປະຈຸບັນມີຫຼາຍບ່ອນບໍ່ສົມເຫດສົມຜົນ,ຕົວຢ່າງຄື ລະບອບການເລືອກຕັ້ງລະບຸໄວ້ວ່າ ການກຳເນີດສະມາຊິກສ່ວນໜຶ່ງຂອງວຸດທິສະພາບໍ່ຕ້ອງຜ່ານການເລືອກຕັ້ງເປັນຕົ້ນ.ການດັດແກ້ລັດຖະທຳມະນູນແມ່ນພິຈາລະນາເຖິງໄລຍະຍາວໄກ,ມີຜົນດີຕໍ່ການເລືອກຕັ້ງທົ່ວໄປຄັ້ງໜ້າ,ຫາກບໍ່ແມ່ນເພື່ອຜົນປະໂຫຍດຂອງພັກການເມືອງຫຼືຊ່ວຍເຫຼືອທ່ານທັກສິນ ຊິນນະວັດ ອະດີດນາຍົກລັດຖະມົນຕີ.
|
|
|
