|
ມຽນມາປະກາດໃຫ້ 5 ແຂວງເປັນເຂດປະສົບໄພ
cri
Author: cai
ຕາມຂ່າວສານຊີນຮວາ:ຕອນຄ່ຳວັນທີ 3 ພຶດສະພານີ້,ວິທະຍຸແຫ່ງຊາດມຽນມາແຈ້ງຂ່າວວ່າ,ພາຍຫຼັງປະສົບໄພລົມພາຍຸນາກິສ(NARGIS)ແລ້ວ,ວັນທີ 3 ພຶດສະພານີ້,ລັດຖະບານມຽນມາໄດ້ປະກາດໃຫ້ແຂວງຢາງກຸງ ອິໂຣວາດີ ເປິກຸ ແຂວງມົງແລະແຂວງເກອິນເປັນເຂດປະສົບໄພ.
ຕາມຂ່າວແຈ້ງວ່າ,ລັດຖະບານມຽນມາໄດ້ສ້າງຕັ້ງຄະນະກຳມະການປ້ອງກັນແລະກູ້ໄພສູນກາງເຊິ່ງມີທ່ານນາຍົກລັດຖະມົນຕີເປັນຫົວໜ້າ,ແລະໄດ້ປະກອບ 10 ໜ່ວຍງານລົງໄປເຂດປະສົບໄພເພື່ອໃຫ້ການຊ່ວຍເຫຼືອ.
ຕອນເຊົ້າວັນທີ 2 ພຶດສະພານີ້,ລົມພາຍຸທີ່ຈໍ່ຕົວຂຶ້ນຢູ່ອ່າວບັງກະລາເດັດໄດ້ຂຶ້ນບົກຢູ່ແຂວງອິໂຣວາດີຂອງມຽນມາ,ຈາກນັ້ນ,ໄດ້ພັດໂຈມຕີເຂດສາມຫຼ່ຽມມຽນມາ,ຜ່ານແຂວງອິໂຣວາດີ ແຂວງເປິກຸແລະແຂວງຢາງກຸງ.ຕາມວິທະຍຸແຫ່ງຊາດມຽນມາແຈ້ງຂ່າວວ່າ,ໃນເວລາຂຶ້ນບົກ,ຄວາມໄວຂອງລົມພາຍຸໄດ້ໄວກວ່າ 190 ກິໂລແມັດຕໍ່ຊົ່ວໂມງ.ຕອນຮຸ່ງເຊົ້າວັນທີ 3 ພຶດສະພານີ້,ລົມພາຍຸໄດ້ພັດໂຈມຕີນະຄອນຢາງກຸງ ນະຄອນໃຫຍ່ກວ່າໝູ່ຂອງມຽນມາເປັນເວລາ 10 ກວ່າຊົ່ວໂມງ,ພາໃຫ້ໄຟຟ້າແລະການສື່ສານຂອງຢາງກຸງເກືອບຂາດໝົດ,ເຮືອນຖືກທຳລາຍຢ່າງຫຼວງຫຼາຍ,ຫຼາຍເສັ້ນທາງຖືກກີດຂວາງ.
|
|
