|
ຜູ້ວ່າການADBຄັດຄ້ານການສ້າງຕັ້ງອົງການປະເທດສົ່ງອອກເຂົ້າສານທີ່ຄ້າຍຄືໂອເປັກ
cri
Author: cai
ຕາມຂ່າວສານຊີນຮວາ:ວັນທີ 3 ພຶດສະພານີ້,ຢູ່ມາດຼີດ,ທ່ານຮາຣູຮີໂຄ ຄູໂຣດາ ຜູ້ວ່າການທະນາຄານພັດທະນາອາຊີຫຼືADBກ່າວວ່າ,ທ່ານຄັດຄ້ານຂໍ້ສະເໜີຂອງບາງປະເທດທີ່ຢາກສ້າງຕັ້ງອົງການປະເທດສົ່ງອອກເຂົ້າສານທີ່ຄ້າຍຄືໂອເປັກ.
ທ່ານຮາຣູຮີໂຄ ຄູໂຣດາກ່າວວ່າ,ການຄ້າຜະລິດຕະພັນກະສິກຳຄວນຖືຕະຫຼາດເປັນທິດທາງ,ການສ້າງຕັ້ງອັນທີ່ວ່າ"ອົງການປະເທດສົ່ງອອກເຂົ້າສານ"ນັ້ນ,ບໍ່ພຽງແຕ່ຈະທຳລາຍຜົນປະໂຫຍດຂອງປະເທດນຳເຂົ້າເຂົ້າສານເທົ່ານັ້ນ,ຍັງຈະບໍ່ມີຜົນດີຕໍ່ປະເທດສົ່ງອອກອີກ.ທ່ານກ່າວວ່າ,ສັງເກດຈາກໄລຍະກາງແລະໄລຍະຍາວແລ້ວ,ການຍົກສູງກຳລັງການຜະລິດຂອງກະສິກຳຈຶ່ງແມ່ນນະໂຍບາຍທີ່ສຳຄັນກວ່າໝູ່ເພື່ອຮັບມືກັບສະພາບລາຄາສະບຽງອາຫານແພງຂຶ້ນໃນປະຈຸບັນນີ້.ຫວ່າງມໍ່ໆນີ້,ລັດຖະບານໄທເຊິ່ງເປັນປະເທດທີ່ສົ່ງອອກເຂົ້າສານຫຼາຍກວ່າໝູ່ໃນທົ່ວໂລກໄດ້ສະເໜີໃຫ້ສ້າງຕັ້ງອົງການປະເທດສົ່ງອອກເຂົ້າສານ,ພາຍໃນອາຊຽນ,ຟີລິບປິນເຊິ່ງເປັນປະເທດໜຶ່ງທີ່ນຳເຂົ້າຫຼາຍກວ່າໝູ່ໃນໂລກໄດ້ຄັດຄ້ານຂໍ້ສະເໜີດັ່ງກ່າວ.
|
|
