|
ເມືອງຈີວຊວນແຂວງການຊູ້ຈີນສ້າງແຫຼ່ງຜະລິດໄຟຟ້າດ້ວຍພະລັງລົມທີ່ໃຫຍ່ກວ່າໝູ່ໃນໂລກ
cri
Author: cai
ຕາມຂ່າວສານຊີນຮວາ:ວັນທີ 4 ພຶດສະພານີ້,ຄະນະກຳມະການການພັດທະນາແລະການປະຕິຮູບເມືອງຈີວຊວນແຂວງການຊູ້ ພາກຕາເວັນຕົກສຽງເໜືອຂອງຈີນກ່າວວ່າ,ຫວ່າງກ່ອນນີ້,ພາກສ່ວນທີ່ກ່ຽວຂ້ອງຂອງຈີນໄດ້ພິຈາລະນາແລະຮັບຮອງບົດລາຍງານແຜນການສ້າງແຫຼ່ງຜະລິດໄຟຟ້າດ້ວຍພະລັງລົມລະດັບ 10 ລ້ານກິໂລວັດ,ເມືອງຈີວຊວນເລີ່ມສ້າງແຫຼ່ງຜະລິດໄຟຟ້າດ້ວຍພະລັງລົມທີ່ໃຫຍ່ກວ່າໝູ່ໃນໂລກ.
ເມືອງຈີວຊວນແມ່ນເຂດທີ່ມີພະລັງລົມອຸດົມສົມບູນຂອງຈີນ.ການປະເມີນຂອງພາກສ່ວນອຸຕຸນິຍົມສະແດງໃຫ້ເຫັນວ່າ,ຍອດປະລິມານພະລັງລົມຂອງເມືອງຈີວຊວນມີ 150 ລ້ານກິໂລວັດ,ປະລິມານທີ່ພັດທະນາໄດ້ຫຼາຍກວ່າ 40 ລ້ານກິໂລວັດ.
|
|
