|
|
 |
| (GMT+08:00)
2008-05-05 10:50:29
|
 |
|
ເຈົ້າໜ້າທີ່ທີ່ກ່ຽວຂ້ອງຂອງສູນກາງຈີນພົບປະກັບຜູ້ຕາງໜ້າສ່ວນຕົວຂອງດາໄລລາມະ
cri
Author: cai
ຕາມຂ່າວສານຊີນຮວາ:ໂດຍຕອບສະໜອງຄວາມຮ້ອງຂໍຫຼາຍເທື່ອຂອງດາໄລລາມະ,ວັນທີ 4 ພຶດສະພານີ້,ຢູ່ນະຄອນເຊີນເຈິ້ນ ພາກໃຕ້ຈີນ,ເຈົ້າໜ້າທີ່ທີ່ກ່ຽວຂ້ອງຂອງສູນກາງຈີນຄືທ່ານຈູເວີຍຊູນແລະທ່ານຊີຕາໄດ້ພົບປະກັບຜູ້ຕາງໜ້າສ່ວນຕົວຂອງດາໄລລາມະຄືທ່ານໂລດີ ເຈຍຣີແລະທ່ານເຄີຊາງຈຽນເຊນ.
ທ່ານຈູເວີຍຊູນແລະທ່ານຊີຕາໄດ້ຕອບຂໍ້ຂ້ອງໃຈຂອງທ່ານໂລດີ ເຈຍຣີ,ແລະໄດ້ແລກປ່ຽນຄວາມເຫັນກັບທ່ານໂລດີ ເຈຍຣີແລະທ່ານເຄີຊາງຈຽນເຊນກ່ຽວກັບບັນຫາການຕິດຕໍ່ຫາລືກັນໃນອະນາຄົດ,ເຫັນດີຈະຕິດຕໍ່ກັນອີກໃນເວລາອັນເໝາະສົມ.
ວັນທີ 4 ພຶດສະພານີ້,ຢູ່ປັກກິ່ງ,ໃນເວລາທ່ານຫູຈີນທ່າວ ປະທານປະເທດຈີນໃຫ້ສຳພາດຕໍ່ນັກຂ່າວຂອງສື່ມວນຊົນຍີ່ປຸ່ນປະຈຳປັກກິ່ງ 16 ແຫ່ງ,ທ່ານກ່າວວ່າ,ທ່ານມີຄວາມຫວັງຢ່າງຈິງໃຈໃຫ້ຝ່າຍດາໄລລາມະຈົ່ງໃຊ້ການກະທຳຕົວຈິງມາສະແດງວ່າໄດ້ຢຸດຕິການເຄື່ອນໄຫວແບ່ງແຍກປະເທດຊາດ ຢຸດຕິການວາງແຜນແລະຂົນຂວາຍການກະທຳຮຸນແຮງແລະຢຸດຕິການເຄື່ອນໄຫວທຳລາຍງານກິລາໂອລິມປິກປັກກິ່ງຢ່າງແທ້ຈິງ,ເພື່ອສ້າງເງື່ອນໄຂໃຫ້ການພົບປະຫາລືໃນຂັ້ນຕໍ່ໄປ.
|
|
|
