|
|
 |
| (GMT+08:00)
2008-05-05 10:54:59
|
 |
|
ປາເລັສຕີນກັບອິສຣາແອນອາດຈະສາມາດເຊັນສັນຍາກ່ອນທ້າຍປີນີ້
cri
Author: cai
ຕາມຂ່າວCRI:ວັນທີ 4 ພຶດສະພານີ້,ຢູ່ຣາມາລາ ເມືອງຝັ່ງຕາເວັນຕົກແມ່ນ້ຳຈໍແດນ,ນາງຄອນໂດລີຊາ ໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ໄປຢ້ຽມຢາມຕາເວັນອອກກາງກ່າວວ່າ,ປາເລັສຕີນກັບອິສຣາແອນອາດຈະສາມາດເຊັນສັນຍາສັນຕິພາບນຳກັນໄດ້ກ່ອນທ້າຍປີນີ້.
ວັນທີ 4 ພຶດສະພານີ້,ໃນກອງປະຊຸມຂ່າວພາຍຫຼັງເຈລະຈາກັບທ່ານມາມຸດ ອັບບາສ ປະທານອົງການອຳນາດແຫ່ງຊາດປາເລັສຕີນ,ນາງໄຣສ໌ກ່າວວ່າ,ອາເມລິກາເຫັນວ່າ,ເປົ້າໝາຍທີ່ເຊັນສັນຍາສັນຕິພາບກ່ອນທ້າຍປີນີ້ຍັງອາດຈະບັນລຸຜົນເປັນຈິງໄດ້.ນາງຍັງຮຽກຮ້ອງໃຫ້ອິສຣາແອນຢ່າສູ່ສືບຕໍ່ດຳເນີນການເຄື່ອນໄຫວທີ່ບໍ່ມີຜົນດີຕໍ່ການເຮັດໃຫ້ອິສຣາແອນກັບປາເລັສຕີນເຊັນສັນຍາສະບັບສຸດທ້າຍເຊັ່ນການສ້າງຖິ່ນຖານໃໝ່ເປັນຕົ້ນ,ແລະຊີ້ອອກວ່າ,ອິສຣາແອນສາມາດເສີມຂະຫຍາຍບົດບາດເພື່ອປັບປຸງສະພາບຊີວິດການເປັນຢູ່ຂອງປະຊາຊົນປາເລັສຕີນທີ່ຢູ່ຝັ່ງຕາເວັນຕົກແມ່ນ້ຳຈໍແດນ.
ທ່ານອັບບາສກ່າວວ່າ,ການເຈລະຈາໂດຍສັນຕິລະຫວ່າງປາເລັສຕີນກັບອິສຣາແອນໄດ້ມີຄວາມຄືບໜ້າຫຼາຍ,ເພື່ອເຊັນສັນຍາສັນຕິພາບພາຍໃນປີນີ້,ປາເລັສຕີນກັບອິສຣາແອນພວມເລັ່ງລັດດຳເນີນການເຈລະຈາໂດຍສັນຕິ.
|
|
|
