|
|
(GMT+08:00)
2008-05-07 11:54:19
|
|
ທ່ານຫູຈີນທ່າວພົບປະກັບເຈົ້າຈັກກະພັດອາຄີຮີໂຕຍີ່ປຸ່ນແລະເຈລະຈາກັບນາຍົກລັດຖະມົນຕີຍີ່ປຸ່ນ
cri
Author: cai
ຕາມຂ່າວCRI:ຕອນເຊົ້າວັນທີ 7 ພຶດສະພານີ້,ເຈົ້າຈັກກະພັດອາຄີຮີໂຕຍີ່ປຸ່ນໄດ້ຈັດພິທີຕ້ອນຮັບທ່ານຫູຈີນທ່າວ ປະທານປະເທດຈີນມາຢ້ຽມຢາມຍີ່ປຸ່ນຢ່າງເປັນທາງການ.ຈາກນັ້ນ,ທ່ານຫູຈີນທ່າວໄດ້ພົບປະເຈລະຈາກັບທ່ານຟູຄູດາ ຢາຊູໂອ ນາຍົກລັດຖະມົນຕີຍີ່ປຸ່ນ.
ປະມານ 9 ໂມງຂອງວັນທີ 7 ພຶດສະພານີ້ຕາມເວລາທ້ອງຖິ່ນ,ເຈົ້າຈັກກະພັດອາຄີຮີໂຕຍີ່ປຸ່ນໄດ້ຈັດພິທີຕ້ອນຮັບທ່ານຫູຈີນທ່າວຢູ່ໃນພະລາຊະວັງ.ຫຼັງຈາກນັ້ນກໍໄດ້ພົບປະກັນ.
ຕໍ່ມາ,ທ່ານຫູຈີນທ່າວໄດ້ພົບປະເຈລະຈາກັບທ່ານຟູຄູດາ ຢາຊູໂອ.ຜູ້ນຳສອງປະເທດເພື່ອສ້າງສະພາບການອັນໃໝ່ຂອງການພົວພັນຍຸດທະສາດທີ່ໃຫ້ປະໂຫຍດແກ່ກັນລະຫວ່າງຈີນຍີ່ປຸ່ນຢ່າງຮອບດ້ານ,ຮ່ວມກັນວາງແຜນຂະຫຍາຍການພົວພັນລະຫວ່າງສອງປະເທດໃນອະນາຄົດຈາກລະດັບຍຸດທະສາດແລະດ້ວຍສາຍຕາອັນຍາວໄກ,ປະຕິບັດຫຼັກການຊີ້ນຳອັນສຳຄັນໃນການຂະຫຍາຍການພົວພັນລະຫວ່າງສອງປະເທດພາຍໃຕ້ສະພາບການໃໝ່,ກຳນົດທິດແລະຂົງເຂດຈຸດໜັກຂອງການຮ່ວມມືຢ່າງແທ້ຈິງສຳລັບໄລຍະກາງແລະໄລຍະຍາວນານລະຫວ່າງສອງປະເທດ,ແລະສ້າງຂອບການພົວພັນຈີນຍີ່ປຸ່ນທີ່ຂະຫຍາຍຕົວຢ່າງຍາວນານແລະໜັກແໜ້ນ.
ທ່ານຫູຈີນທ່າວເລີ່ມໄປຢ້ຽມຢາມຍີ່ປຸ່ນທາງລັດຖະກິດແຕ່ວັນທີ 6 ພຶດສະພານີ້ເປັນຕົ້ນມາ,ຊຶ່ງເປັນການຢ້ຽມຢາມໃນລະດູບານໃໝ່ທີ່ອົບອຸ່ນເປັນເວລາ 5 ວັນ.ນີ້ແມ່ນປະມຸກລັດຈີນໄປຢ້ຽມຢາມຍີ່ປຸ່ນໃນຮອບ 10 ປີ.
|
|
|