|
|
 |
| (GMT+08:00)
2008-05-08 13:29:42
|
 |
|
ເຂດກວງຊີເລີ່ມກຽມຈັດງານວາງສະແດງສິນຄ້າຈີນ-ອາຊຽນເທື່ອທີ 5
cri
Author: cai
ຕາມຂ່າວຈາກໜັງສືພິມ《ເຢີນມີນຢື້ປ້າວ》:ກອງເລຂາງານວາງສະແດງສິນຄ້າ(ຫຼືເອັກສ໌ໂປ)ຈີນ-ອາຊຽນແຈ້ງວ່າ,ຫວ່າງມໍ່ໆນີ້,ກະຊວງການຄ້າຈີນໄດ້ຈັດກອງປະຊຸມວຽກງານກະກຽມຈັດງານວາງສະແດງສິນຄ້າຈີນ-ອາຊຽນເທື່ອທີ 5 ຢູ່ປັກກິ່ງ,ຈັດວາງການກະກຽມງານວາງສະແດງສິນຄ້າເທື່ອນີ້ຢ່າງຮອບດ້ານ.
ທ່ານເຈິ້ງຈຸ່ນຈ້ຽນ ຫົວໜ້າກອງເລຂາງານວາງສະແດງສິນຄ້າຈີນ-ອາຊຽນກ່າວວ່າ,ປະຈຸບັນ,ວຽກງານກະກຽມພວມດຳເນີນໄປຢ່າງສະດວກ,ປະເທດອາຊຽນມີຄວາມຫ້າວຫັນຫຼາຍໃນການເຂົ້າຮ່ວມງານວາງສະແດງເທື່ອນີ້.ຫວຽດນາມ ກຳປູເຈຍ ໄທແລະມາເລເຊຍໄດ້ເຊັນສັນຍາຈອງຫ້ອງວາງສະແດງແລ້ວ,ປະເທດອາຊຽນອື່ນໆກໍຕ້ອງການບ່ອນວາງສະແດງເພີ່ມຂຶ້ນ.ວິສາຫະກິດພາຍໃນປະເທດຈີນໄດ້ຮ້ອງຂໍຫ້ອງວາງສະແດງ 720 ຫ້ອງ,ຄວາມຄືບໜ້າໄວກວ່າໄລຍະດຽວກັນໃນປີກາຍ.ວຽກງານກະກຽມສັບປະດາໂທລະຄົມຈີນ-ອາຊຽນແລະເວທີປຶກສາຫາລືທີ່ກ່ຽວຂ້ອງກໍໄດ້ດຳເນີນໄປຢ່າງຕັ້ງໜ້າ.
ງານວາງສະແດງສິນຄ້າຈີນ-ອາຊຽນເທື່ອທີ 5 ຈະຈັດຂຶ້ນຢູ່ນະຄອນນານນີງ ເຂດກວງຊີຈີນນັບແຕ່ວັນທີ 22 ຫາວັນທີ 25 ຕຸລາປີນີ້.
|
|
|
