|
|
 |
| (GMT+08:00)
2008-05-08 15:37:16
|
 |
|
ທ່ານຊີຈິ້ນຜິງຮອງປະທານປະເທດຈີນສົ່ງໂທລະເລກຊົມເຊີຍໄປຍັງກອງປິນພູຈີນທີ່ສົ່ງຕໍ່ທວນໄຟງານກິລາໂອລິມປິກປັກກິ່ງຂຶ້ນໄປຮອດຈອມສູ່ພູຈູມູລັງມາຢ່າງສຳເລັດຜົນ
cri
ຕາມຂ່າວສານຊີນຮວາ: ວັນທີ 8 ພຶດສະພານີ້ ທ່ານຊີຈິ້ນຜິງ ຮອງປະທານປະເທດຈີນໄດ້ສົ່ງໂທລະເລກຊົມເຊີຍໄປຍັງກອງປິນພູຈີນທີ່ສົ່ງຕໍ່ທວນໄຟງານກິລາໂອລິມປິກປັກກິ່ງ,ອວຍພອນພວກເຂົາເຈົ້າໄດ້ປິນຂຶ້ນເຖິງຈອມພູຈູມູລັງມາຢ່າງສຳເລັດຜົນ.
ໂທລະເລກຊົມເຊີຍກ່າວວ່າ, ໄຟສັກສິດຂອງງານກິລາໂອລິມປິກລຸກຂຶ້ນຢູ່ເທິງຈອມພູຈູມູລັງມາສະແດງໃຫ້ເຫັນວ່າການສົ່ງຕໍ່ທວນໄຟງານກິລາໂອລິມປິກປັກກິ່ງໄປເຖິງຈອມພູດັ່ງກ່າວໄດ້ຮັບຜົນສຳເລັດເປັນຢ່າງດີ.ໃນຂະນະທີ່ທົ່ວປະເທດພາກັນຮູ້ສຶກຕື່ນເຕັ້ນແລະທົ່ວໂລກດີໃຈນຳນັ້ນ, ຂ້າພະເຈົ້າຂໍຕາງຫນ້າສູນກາງພັກກອມມູນິດຈີນແລະລັດຖະບານຈີນສະແດງຄວາມອວຍພອຍຢ່າງອົບອຸ່ນແລະຢື້ຢາມຖາມຂ່າວຢ່າງສະຫນິດສະຫນົມນຳ ສະຫາຍທຸກຄົນທີ່ເຂົ້າຮ່ວມການສົ່ງຕໍ່ທວນໄຟງານກິລາໂອລິມປິກປັກກິ່ງໄປຮອດຈອມພູຈູມູລັງມາ.ແລະສະແດງຄວາມຂອບອົກຂອບໃຈດ້ວຍຄວາມຈິງໃຈຕໍ່ຄະນະກຳມະການໂອລິມປິກສາກົນແລະເພື່ອນມິດບັນດາປະເທດທີ່ເອົາໃຈໃສ່ແລະສະຫນັບ ສະຫນູນກິດຈະກຳສົ່ງຕໍ່ທວນໄຟງານກິລາໂອລິມປິກໄປຮອດຈອມພູຈູມູລັງມາ.
|
|
|
