|
|
 |
| (GMT+08:00)
2008-05-08 15:56:34
|
 |
|
ງານກິລາໂອລິມປິກປັກກິ່ງຈະແມ່ນເທື່ອຫນຶ່ງທີ່ມີເຕັກນິກສູງກວ່າທຸກເທື່ອທີ່ຜ່ານມາ
cri
ຕາມຂ່າວ cri: ວັນທີ 8 ພຶດສະພານີ້ ຢູ່ປັກກິ່ງ, ທ່ານວ້ານກ່າງ ລັດຖະມົນຕີວ່າການກະຊວງວິທະຍາສາດເຕັກນິກຈີນກ່າວວ່າ, ງານກິລາໂອລິມປິກປັກກິ່ງຈະມີເຕັກນິກສູງກວ່າທຸກເທື່ອທີ່ຜ່ານມາ.
ໃນກອງປະຊຸມຂ່າວທີ່ຫ້ອງການຖະແຫລງຂ່າວຄະນະລັດຖະບານຈີນຈັດຂຶ້ນໃນມື້ດຽວກັນ, ທ່ານວ້ານກ່າງກ່າວວ່າ, ໃນ 7 ປີແຕ່ປັກກິ່ງຮ້ອງຂໍ້ເປັນເຈົ້າພາບຈັດງານກິລາໂອລິມປິກມານີ້, ໂດຍປິ່ນອ້ອມຄວາມຕ້ອງການ ດ້ານເຕັກນິກໃນການສ້າງສະຫນາມກິລາ ການຈັດກິດຈະກຳຂະຫນາດໃຫຍ່ແລະການຈັດຕັ້ງການແຂ່ງຂັນທີ່ມີສ່ວນກ່ຽວຂ້ອງໂດຍກົງກັບງານກິລາໂອ ລິມປິກ, ຈີນໄດ້ແກ້ໄຂບັນຫາຫຍຸ້ງຍາກທາງເຕັກນິກຫລາຍບັນຫາ, ເຕັກນິກກ້າວຫນ້າຫລາຍຢ່າງໄດ້ຖືກໃຊ້ໃນການກະກຽມຈັດງານກິລາໂອລິມປິກປັກກິ່ງ.ນອກນີ້, ໂດຍປິ່ນອ້ອມການຈັດງານກິລາໂອລິມປິກແບບອະນຸລັກສິ່ງແວດລ້ອມແລະເປົ້າຫມາຍປະຢັດພະລັງງານແລະຫລຸດການລະບາຍອາຍພິດເຮືອນແກ້ວ, ຈີນຍັງໄດ້ບຸກເບີກການນ້ຳໃຊ້ເຕັກນິກໃນການສ້າງສິ່ງກໍ່ສ້າງແບບອະນຸລັກສິ່ງແວດລ້ອມ ພະລັງງານສະອາດແລະສິ່ງແວດລ້ອມຊີວະພາບ.
ທ່ານວ້ານກ່າງກ່າວວ່າ, ຈີນຫວັງຜ່ານຈາກການຈັດງານກິລາໂອລິມ ປິກ,ປະກອບສ່ວນເຂົ້າໃນການປະຢັດພະລັງງານ ອະນຸລັກສິ່ງແວດລ້ອມແລະຮັບມືກັບການປ່ຽນແປງຂອງດິນຟ້າອາກາດຂອງໂລກ.
|
|
|
