|
ປັດຈຸບັນ,ງານວາງສະແດງສະພາບປະຈຸບັນແລະອະດີດຂອງຕິເບດເຊິ່ງເປັນງານວາງສະແດງຂະໜາດໃຫຍ່ສ່ອງແສງສະພາບທັງໝົດຂອງການພັດທະນາໃນປະຫວັດສາດຂອງຕິຈີນພວມຈັດຂຶ້ນຢູ່ປັກກິ່ງ,ງານວາງສະແດງນີ້ໄດ້ວາງສະແດງເອກະສານປະຫວັດສາດ,ວັດຖຸບູຮານແລະຮູບພາບຈຳນວນຫຼວງຫຼາຍໄດ້ສະແດງໃຫ້ເຫັນຄວາມມືດມົວແລະຫຼ້າຫຼັງຂອງລະບອບທາດກະສິກອນສັກດິນາໃນສະໄໝທີ່ໂຮມການປົກຄອງກັບສາສະໜາເປັນອັນດຽວກັນຂອງຕິເບດກ່ອນປີ1959,ແລະການພັດທະນາກ້າວໜ້າທີ່ຕິເບດໄດ້ຮັບໃນປັດຈຸບັນ.ງານວາງສະແດງນີ້ໄດ້ພາໃຫ້ມີສຽງສະທ້ອນຈາກມວນຊົນຢ່າງຫຼວງຫຼາຍ,ຕໍ່ໄປເຊີນຟັງການລາຍງານລະອຽດຂອງນັກຂ່າວcri.
ໃນງານວາງສະແດງກ່ຽວກັບປະຫວັດສາດຕິເບດ,ໄດ້ວາງສະແດງວັດຖຸພັນແລະຮູບຖ່າຍຂອງເຄື່ອງມືລົງໂທດທີ່ຜູ່ປົກຄອງຕິເບດເກົ່າໃຊ້ມາລົງໂທດທາດກະສິກອນ,ວັດຖຸພັນແລະຮູບຖ່າຍເຫຼົ່ານີ້ໄດ້ສະແດງໃຫ້ເຫັນບົດບາດໃນສັງຄົມແລະສະພາບຊີວິດການເປັນຢູ່ຂອງທາດກະສິກອນໃນໄລຍະຕິເບດເກົ່າ.ພໍ່ເຖົ້າໂຈ່ວຊາງເຟິ່ງທີ່ໄປຊົມການວາງສະແດງເວົ້າວ່າ:
"ສາເຫດຕົ້ນຕໍຂອງຄວາມຫຼ້າຫຼັງຂອງຕິເບດເກົ່າແມ່ນຍ້ອນລະບອບສັງຄົມທີ່ຫຼ້າຫຼັງ.ໃນເວລານັ້ນ,ຊີວິດການເປັນຢູ່ຂອງທາດກະສິກອນແມ່ນໜ້າສັງເວດທີ່ສຸດ,ທາດກະສິກອນບໍ່ມີເຮືອນຊານ,ຕ້ອງຊົ້ນຕົວຢູ່ໃນຫ້ອງຖ່ວຍແລະຢູ່ຕາມປ່າດົງ,ທີ່ດິນກໍ່ເປັນຂອງເຈົ້າທາດກະສິກອນທັງໝົດ,ທາດກະສິກອນແມ່ນບໍ່ມີທີ່ດິນ.ທັງໝົດທາດກະສິກອນຄືກັບນັກໂທດ,ຖືກຂັງຮ່ວມກັບສັດຢູ່ໃນຄອກ,ເຈົ້າທາດໃຫ້ກິນຈິ່ງໄດ້ກິນ,ບໍ່ໃຫ້ກິນກໍ່ອົດຫິວ."
ນາງຢາງຊີຈື້ ຜູ້ຊົມຜູ້ໜຶ່ງເວົ້າວ່າ, ເມື່ອ50ປີກ່ອນ, ເຂດຕິເບດຍັງຢູ່ໃນສະໄໝກາງສັງຄົມສັກດິນາຄືກັບເອີລົບ, ນີ້ແມ່ນບໍ່ສອດຄ່ອງກັບການພັດທະນາຂອງຍຸກສະໄໝ, ແຕ່ດາໄລລາມະຍັງຢາກຟື້ນການປົກຄອງທີ່ມຶດມົວເນົ່າແນວນີ້. ນາງເວົ້າວ່າ,
ດາໄລລາມະຢາກກັບຄືນມາ, ກໍແມ່ນເພື່ອຟື້ນການປົກຄອງໃນເມື່ອກ່ອນ. ຂ້ອຍເຫັນວ່າ, ສາສະໜາກໍ່ແມ່ນສາສະໜາ, ການເມືອງກໍແມ່ນການເມືອງ, ຖ້າເຈົ້າແມ່ນຜູ້ນຳສາສະໜາກໍ່ບໍ່ຄວນຫຼິ້ນການເມືອງ. ດຽວນີ້ດາໄລລາມະໄດ້ກາຍເປັນພະສົງທີ່ຫຼິ້ນການເມືອງແລ້ວ, ບໍ່ແມ່ນຜູ້ນຳສາສະໜາເທົ່ານັ້ນ.
ນອກຈາກປະຫວັດສາດຂອງຕິເບດແລ້ວ, ງານວາງສະແດງຍັງໄດ້ສະເໜີຜົນງານອັນໃຫຍ່ຫຼວງດ້ານເສດຖະກິດສັງຄົມຂອງເຂດຕິເບດພາຍໃຕ້ການສະໜັບສະໜູນຂອງລັດຖະບານກາງ, ໂດຍສະເພາະແມ່ນນັບແຕ່ຈີນປະຕິຮູບແລະໄຂປະຕູສູ່ພາຍນອກມານີ້. ທ້າວອີ່ໂປ່ ກຳມະກອນທາງລົດໄຟທີ່ມາຊົມການວາງສະແດງເຄີຍເຂົ້າຮ່ວມການກໍ່ສ້າງທາງລົດໄຟຊິ່ງໄຫຕິເບດແລະສະຖານີລົດໄຟເມືອງລາຊາ, ໄດ້ເປັນສັກຂີພິຍານທີ່ເຫັນການປ່ຽນແປງຂອງເຂດຕິເບດໃນຫຼາຍປີມານີ້.
ຂ້ອຍແມ່ນຜູ້ກໍ່ສ້າງທາງລົດໄຟຊິ່ງໄຫຕິເບດ, ສະຖານີລົດໄຟເມືອງລາຊາກໍ່ແມ່ນພວກຂ້ອຍສ້າງຂຶ້ນ. ທາງລົດໄຟສາຍນີ້ງາມຫຼາຍ, ໃຊ້ເຕັກນິກສູງທິ່ສຸດ. ປະຈຸບັນລາຍໄດ້ຈາກການທ່ອງທ່ຽວຂອງເຂດຕິເບດໄດ້ເພີ່ມຂຶ້ນໜຶ່ງເທົ່າເມື່ອທຽບກັບຫຼາຍປີກ່ອນ, ການກິນດື່ມແລະການປູກຝັງກໍ່ໄດ້ພັດທະນາໄປນຳ.
ສະຖິຕິສະແດງໃຫ້ເຫັນວ່າ, ນັບແຕ່ປີ2001ມານີ້, ລວມຍອດຜະລິດຕະພັນຂອງເຂດຕິເບດໄດ້ເພີ່ມຂຶ້ນຫຼາຍກວ່າ12% 7ປີລຽນຕິດ, ເມື່ອຄິດໄລ່ຕາມຕົວເລກທີ່ທຽບໄດ້, ແມ່ນ59ເທົ່າຂອງປີ1959. ລາຍໄດ້ສຸດທິຂອງຊາວກະສິກອນແລະຊາວລ້ຽງສັດໄດ້ເພີ່ມຂຶ້ນສອງຕົວເລກ 5ປີລຽນຕິດ.
ນອກຈາກສະເໜີປະຫວັດສາດແລະສະພາບປະຈຸບັນຂອງເຂດຕິເບດແລ້ວ, ການວາງສະແດງຄັ້ງນີ້ຍັງໄດ້ສະເໜີສະພາບທີ່ລັດຖະບານກາງຂອງຈີນທຸກສະໄໝປົກຄອງຕິເບດຢ່າງມີຜົນ. ຜູ້ຊົມພາກັນກ່າວວ່າ, ເອກະສານປະຫວັດສາດຈຳນວນຫຼວງຫຼາຍສະແດງໃຫ້ເຫັນຢ່າງເຕັມສ່ວນວ່າ, ຕິເບດແມ່ນດິນແດນຂອງຈີນມາຕັ້ງແຕ່ສະໄໝບູຮານ.
ຫວ່າງມໍ່ໆນີ້, ພະປານຊານອົງທີ11 ຜູ້ນຳສາສະໜາພຸດຕິເບດກໍ່ໄດ້ໄປຊົມງານວາງສະແດງຄັ້ງນີ້, ເພິ່ນເວົ້າວ່າ,
ອາດຕະມາໄດ້ອະທິຖານໂດຍຕະຫຼອດຂໍໃຫ້ປະເທດຊາດຈະເລີນຮຸ່ງເຮືອງ ປະຊາຊົນບັນດາເຜົ່າສາມັກຄີກັນແລະມີຄວາມສຸກ, ໃຫ້ງານກິລາໂອລິມປິກປັກກິ່ງຈົ່ງຈັດຂຶ້ນຢ່າງສຳເລັດຜົນ. ພາຍໃຕ້ການນຳພາຂອງພັກກອມມູນິດຈີນ, ແນວໃດເຂດຕິເບດກໍຈະຈະເລີນຮຸ່ງເຮືອງກວ່າເກົ່າ, ຊີວິດການເປັນຢູ່ຂອງປະຊາຊົນຕິເບດ ກໍ່ຍ່ອມຈະດີກວ່າເກົ່າ, ອາດຕະມາມີຄວາມໝັ້ນໃຈຕໍ່ເລື່ອງນີ້.
|
