|
ເສດຖະກິດອາເມລິກາເຕີບໂຕຊ້າລົງຈະບໍ່ສົ່ງຜົນສະທ້ອນຫຼາຍຕໍ່ເສດຖະກິດຈີນ
cri
ຕາມຂ່າວ CRI: ວັນທີ 11 ພຶດສະພານີ້, ຢູ່ທີ່ປັກກິ່ງ, ທ່ານລິນອີ້ຟູ່ ນັກເສດຖະສາດທີ່ມີຊື່ສຽງຂອງຈີນທີ່ຈະຂຶ້ນຮັບຕຳແໜ່ງເປັນນັກເສດຖະສາດທີໜຶ່ງຂອງທະນາຄານໂລກໃນທ້າຍເດືອນນີ້ກ່າວວ່າ, ຈັງຫວະເຕີບໂຕຂອງເສດຖະກິດອາເມລິກາຊ້າລົງຈະບໍ່ສົ່ງຜົນສະທ້ອນຫຼາຍຕໍ່ການເຕີບໂຕຂອງເສດຖະກິດຈີນ.
ໃນເວທີປາໄສການລົງທຶນອາຊີຕາເວັນອອກປີ 2008 ທີ່ຈັດຂຶ້ນໃນວັນທີ 11 ພຶດສະພານີ້, ທ່ານລິນອີ້ຟູກ່າວວ່າ, ສິນຄ້າທີ່ຈີນສົ່ງອອກໄປອາເມລິກາຕົ້ນຕໍແມ່ນເຄື່ອງໃຊ້ປະຈຳວັນທີ່ຈຳເປັນ, ແມ່ນສິນຄ້າທີ່ຜູ້ບໍລິໂພກທຳມະດາບໍ່ວ່າມີລາຍໄດ້ສູງຫຼືຕ່ຳລ້ວນແຕ່ຕ້ອງການ. ສະນັ້ນ, ເຖິງວ່າ, ເສດຖະກິດອາເມລິກາເຕີບໂຕຊ້າລົງ, ກໍ່ຈະບໍ່ມີຜົນສະທ້ອນຫຼາຍຕໍ່ຄວາມຕ້ອງການຕໍ່ສິນຄ້າຈີນ. ທ່ານຄາດຄະເນວ່າ, ໃນໄລຍະມໍ່ໆນີ້, ການຄ້າຂາອອກຂອງຈີນຕໍ່ອາເມລິກາອາດຈະເພີ່ມຂຶ້ນຊ້າລົງ, ແຕ່ຈະບໍ່ໜ້ອຍລົງ.
|
|
