|
ວັດສະດຸກູ້ໄພດ່ວນງວດທີ 3 ຂອງຈີນຂົນສົ່ງຮອດມຽນມາ
cri
ຕາມຂ່າວສານຊິ່ນຮວາ: ຕອນບ່າຍວັນທີ 10 ພຶດສະພານີ້, ວັດສະດຸກູ້ໄພ ດ່ວນຂອງລັດຖະບານຈີນງວດທີ 3 ໄດ້ຂົນສົ່ງຮອດສະໜາມບິນສາກົນຢາງກຸ້ງມຽນມາ. ວັດສະດຸກູ້ໄພງວດນີ້ໜັກ 58 ໂຕນ, ຕົ້ນຕໍລວມທັງຢາ, ເຄື່ອງກັ່ນນ້ຳໃຫ້ສະອາດແລະຕູບຜ້າເຕັ້ນເປັນຕົ້ນ.
ເຈົ້າໜ້າທີ່ມຽນມາສະແດງຄວາມຂອບອົກຂອບໃຈນຳການຊ່ອຍເຫຼືອຂອງລັດຖະບານຈີນຢ່າງທັນການ, ແລະກ່າວວ່າ, ເມື່ອວັດສະດຸກູ້ໄພຈາກປະຊາໂຄມໂລກເຊິ່ງລວມທັງຈີນຮອດສະໜາມບິນສາກົນຢາງກຸງແລ້ວ, ຈະຂົນສົ່ງຮອດເຂດປະສົບໄພຢ່າງວ່ອງໄວ, ແລະມອບໃຫ້ປະຊາຊົນປະສົບໄພໂດຍໄວ.
|
|
