|
|
 |
| (GMT+08:00)
2008-05-12 15:23:57
|
 |
|
ການເຈລະຈາດ້ານການເມືອງດາຟູແມ່ນເລື່ອງທີ່ຄວາມເຮັດຢ່າງຮີບດ່ວນ
cri
ຕອນບ່າຍວັນທີ 10 ພຶດສະພານີ້, ສະມາຊິກກຸ່ມໜຶ່ງຂອງອົງການ "ຂະບວນການຍຸດຕິທຳແລະສະເໝີພາບຫຼື JEM" ເຊິ່ງເປັນອົງການຕ້ານລັດຖະບານຢູ່ດາຟູໄດ້ລັກລອບເຂົ້າເຂດອົມເດີມັນ ພາກຕາເວັນຕົກສຽງເໜືອຂອງຄາທູມ ນະຄອນຫຼວງຊູດັງ, ເຈດຕະນາກໍ່ການຫຼອນໂຈມຕີແລະການເຄື່ອນໄຫວທຳລາຍ, ແລະເກີດການປະທະກັນກັບກອງທະຫານລັດຖະບານ. ຫຼັງຈາກໄດ້ຍິງກັນເປັນເວລາ 5 ຊົ່ວໂມງແລ້ວ, ລັດຖະບານຊູດັງໄດ້ປາບກົນອຸບາຍຂອງກຸ່ມປະກອບ ອາວຸດຕ້ານລັດຖະບານ, ສັງຫານແລະຈັບພວກປະກອບກຳລັງອາວຸດໄດ້ຫຼາຍຄົນ. ວັນທີ 11 ພຶດສະພານີ້, ທ່ານໂອມາ ອັນ ເບເຊຍ ປະທານາທິບໍດີຊູດັງປະກາດຕັດສາຍສຳພັນທາງການທູດກັບຈາດ. ທ່ານກ່າວວ່າ, ຈາດຕ້ອງຮັບຜິດຊອບຕໍ່ສະມາຊິກກຸ່ມປະກອບອາວຸດຕ້ານລັດຖະບານຂອງດາຟູທີ່ເຂົ້າຄາທູມດຳເນີນການເຄື່ອນໄຫວທຳລາຍ. ມື້ດຽວກັນ, ລັດຖະບານຈາດອອກຖະແຫຼງການ, ສະແດງຄວາມເສຍດາຍຕໍ່ລັດຖະບານຊູດັງທີ່ຕັດສິນໃຈແບບບໍ່ຮອບຄອບ. ກ່ອນນີ້ມື້ໜຶ່ງ, ຈາດປະຕິເສດບໍ່ຮັບຮູ້ວ່າໄດ້ສະໜັບສະໜູນກຸ່ມປະກອບອາວຸດຕ້ານລັດຖະບານຂອງດາຟູໄປໂຈມຕີຄາທູມ.
ນັກວິເຄາະຊີ້ອອກວ່າ, ເຫດການເທື່ອນີ້ແມ່ນກຸ່ມປະກອບອາວຸດຕ້ານລັດຖະບານໂຈມຕີນະຄອນຫຼວງເປັນເທື່ອທຳອິດນັບແຕ່ເດືອນກຸມພາປີ 2003 ທີ່ເກີດການປະທະກັນດາຟູເປັນຕົ້ນມາ, ນີ້ຈະເຮັດໃຫ້ກຸ່ມປະກອບອາວຸດຕ້ານລັດຖະບານຍິ່ງເປັນປໍລະປັກກັບລັດຖະບານໜັກຂຶ້ນ, ເຮັດໃຫ້ຂໍ້ຂັດແຍ່ງກັນລະຫວ່າງສອງຝ່າຍຮ້າຍແຮງກວ່າເກົ່າ. ອີກດ້ານໜຶ່ງ, ມັນກໍ່ສະແດງໃຫ້ເຫັນວ່າ, ການຊຸກຍູ້ຂະບວນການການເມືອງເພື່ອແກ້ໄຂບັນຫາດາຟູໂດຍໄວ, ຊຸກຍູ້ໃຫ້ກຸ່ມປະກອບອາວຸດຕ້ານລັດຖະບານກັບຄືນສູ່ການເຈລະຈາແມ່ນເລື່ອງທີ່ຄວນເຮັດດ່ວນທີ່ສຸດ.
ພາຍຫຼັງເກີດເຫດການເທື່ອນີ້ແລ້ວ,ທ່ານບານກີມູນ ເລຂາທິການໃຫຍ່ສະຫະປະຊາຊາດຮຽກຮ້ອງໃຫ້ກຸ່ມປະກອບອາວຸດຕ້ານລັດຖະບານຂອງດາຟູຈຶ່ງຫັນມາແກ້ໄຂຄວາມຂັດແຍ່ງກັນດ້ວຍສັນຕິວິທີນັ້ນຄືນໃໝ່.ໂຄສົກກະຊວງການຕ່າງປະເທດຈີນກໍ່ກ່າວວ່າ,ຫວັງໃຫ້ກຸ່ມປະກອບອາວຸດຕ້ານລັດຖະບານເຂົ້າຮ່ວມການແກ້ໄຂບັນຫາທາງການເມືອງໂດຍໄວ,ຟື້ນຟູການເຈລະຈາກັບລັດຖະບານຊູດັງ,ເຊັນສັນຍາສັນຕິພາບດາຟູຢ່າງຮອບດ້ານໂດຍໄວ,ເຮັດໃຫ້ເຂດດາຟູບັນລຸສັນຕິພາບ ສະຖຽນລະພາບແລະການພັດທະນາ.
ໃນການແກ້ໄຂບັນຫາດາຟູ,ປະຊາຄົມໂລກເຫັນດີເຫັນພ້ອມນຳຍຸດທະສາດສອງລາງນັ້ນໂດຍທົ່ວໄປ,ນັ້ນກໍຄື ຊຸກຍູ້ການເຄື່ອນໄຫວຮັກສາສັນຕິພາບກັບຂະບວນວິວັດທາງການເມືອງດຳເນີນຢູ່ເຂດດາຟູພ້ອມກັນ.ແຕ່ສັງເກດຈາກສະພາບປະຈຸບັນນີ້ແລ້ວເຫັນວ່າ,ຂະບວນວິວັດການເມືອງໄດ້ຊ້າກວ່າຂະບວນການຮັກສາສັນຕິພາບຢ່າງເດັ່ນຊັດ.ສະນັ້ນ,ຝ່າຍຕ່າງໆທີ່ກ່ຽວຂ້ອງຄວນແກ້ໄຂກຳລັງທີ່ຂວ້ຳບາດຂະບວນວິວັດການເມືອງໂດຍໄວ,ຊຸກຍູ້ໃຫ້ກຸ່ມປະກອບອາວຸດຕ້ານລັດຖະບານເຂົ້າຮ່ວມຂະບວນວິວັດການເມືອງໂດຍໄວ.
ເຫດການເທື່ອນີ້ຍັງພາໃຫ້ຊູດັງຕັດສາຍສຳພັນທາງການທູດກັບປະເທດຈາດ,ແຕ່ສອງຝ່າຍລ້ວນແຕ່ບໍ່ໄດ້ໃຊ້ການເຄື່ອນໄຫວຕໍ່ໄປ,ນີ້ສະແດງໃຫ້ເຫັນວ່າ,ການພົວພັນລະຫວ່າງສອງປະເທດຍັງມີຊ່ອງຫວ່າງທີ່ຈະໄດ້ຮັບການປັບປຸງໃຫ້ດີຂຶ້ນ.ນັກວິເຄາະຊີ້ອອກວ່າ,ຊູດັງກັບຈາດຄວນຕັ້ງໜ້າສົນທະນາກັນ,ແກ້ໄຂຄວາມເຂົ້າໃຈຜິດ,ເພື່ອປະຕິບັດສັນຍາສັນຕິພາບຢ່າງແທ້ຈິງ,ແລະມີຜົນດີຕໍ່ການແກ້ໄຂບັນຫາດາຟູ.
|
|
|
