|
ແຜ່ນດິນໄຫວແຮງໃນສັດຕະວັດນີ້
cri
Author: cailin
ຕາມສະຖິຕິຂອງສູນຂໍ້ມູນແຜ່ນດິນໄຫວແຫ່ງຊາດອາເມລິກາຫຼື NEIC,ນັບແຕ່ປີ 2000 ເປັນຕົ້ນມາ,ພາຍໃນຂອບເຂດທົ່ວໂລກ,ໄດ້ເກີດແຜ່ນດິນໄຫວຄວາມແຮງ 5 ລິກເຕີຂຶ້ນໄປມີ 194 ເທື່ອ,ໃນນັ້ນ,ມີ 10 ເທື່ອໄດ້ເຮັດໃຫ້ຄົນຈຳນວນຫຼວງຫຼາຍເສຍຊີວິດຫຼືບາດເຈັບ.
1. ປີ 2008,ຈີນ, 9219 ຄົນເສຍຊີວິດ.
ວັນທີ 12 ພຶດສະພາ 2008,ເວລາ 14 ໂມງ 28 ນາທີຕາມເວລາປັກກິ່ງ,ຢູ່ເມືອງເວິນຊ່ວນແຂວງເຊສວນຈີນເກີດແຜ່ນດິນໄຫວຄວາມແຮງ 7,8 ລິກເຕີ,ເຮັດໃຫ້ຫຼາຍແຂວງຂອງຈີນຮູ້ສຶກໄດ້ເຖິງແຮງສັ່ນສະເທືອນ,ນະຄອນຫຼວງບາງກອກຂອງໄທ ນະຄອນຫຼວງຮ່າໂນ້ຍຂອງຫວຽດນາມລ້ວນແຕ່ຮູ້ສຶກໄດ້ເຖິງແຮງສັ່ນສະເທືອນ.ນັບມາຮອດ 7 ໂມງວັນທີ 13 ພຶດສະພານີ້,ຈຳນວນຄົນເສຍຊີວິດໄດ້ມີເຖິງ 9219 ຄົນ.
2. ປີ 2006,ອິນໂດເນເຊຍ, 5700 ກວ່າຄົນເສຍຊີວິດ.
ວັນທີ 27 ພຶດສະພາ 2006,ຢູ່ແຂວງຈາວາກາງອິນໂດເນເຊຍໄດ້ເກີດແຜ່ນດິນໄຫວຄວາມແຮງ 6,3 ລິກເຕີ,ມີ 5700 ກວ່າຄົນເສຍຊີວິດ,ບາດເຈັບຫຼາຍກວ່າ 3 ໝື່ນ 8 ພັນຄົນ.
3. ປີ 2006,ອີຣານ, 70 ຄົນເສຍຊີວິດ.
ວັນທີ 30 ຫາວັນທີ 31 ມີນາປີ 2006,ຢູ່ເຂດໃກ້ກັບເມືອງໂບຣູເຈຣດ໌ແລະເມືອງໂດຣູດແຂວງໂລເຣສຕັນ ພາກຕາເວັນຕົກອີຣານ,ໄດ້ເກີດແຜ່ນດິນໄຫວຄວາມແຮງ 5 ຫາ 6 ລິກເຕີຫຼາຍເທື່ອ,ເຮັດໃຫ້ 70 ຄົນເສຍຊີວິດ, 1300 ກວ່າຄົນບາດເຈັບ.
4. ປີ 2005,ອິນໂດເນເຊຍ,ຢ່າງໜ້ອຍ 1000 ຄົນເສຍຊີວິດ.
ຕອນກາງຄືນວັນທີ 28 ມີນາ 2005,ຢູ່ເຂດທະເລໃກ້ກັບເກາະຊູມາຕຼາອິນໂດເນເຊຍ,ໄດ້ເກີດແຜ່ນດິນໄຫວຄວາມແຮງ 8,5 ລິກເຕີ,ໃນນັ້ນ,ຢູ່ເກາະນີອັສຢ່າງໜ້ອຍມີ 1000 ຄົນເສຍຊີວິດ.
5. ປີ 2005,ອະນຸທະວີບອາຊີໃຕ້, 8 ໝື່ນ 6 ພັນກວ່າຄົນເສຍຊີວິດ.
ເວລາ 9 ໂມງວັນທີ 8 ຕຸລາ 2005,ຢູ່ອະນຸທະວີບອາຊີໃຕ້ໄດ້ເກີດແຜ່ນດິນໄຫວຄວາມແຮງ 7,6 ລິກເຕີ,ອິນເດຍ ປາກີສະຖານແລະອັຟການິສະຖານລ້ວນແຕ່ຮູ້ສຶກໄດ້ເຖິງແຮງສັ່ນສະເທືອນ.ໃນແຜ່ນດິນໄຫວແຮງເທື່ອນີ້,ຈຳນວນຄົນເສຍຊີວິດຫຼາຍກວ່າ 8 ໝື່ນ 6 ພັນຄົນ,ເກືອບ 7 ໝື່ນຄົນບາດເຈັບ.
6, ປີ2004 ອິນໂດເນເຊຍແລະປະເທດຕ່າງໆແຄມມະຫາສະໝຸດອິນເດຍ 2ແສນ2ໝື່ນກວ່າຄົນເສຍຊີວິດຫຼືຫາຍສາບສູນ
ວັນທີ26ທັນວາ2004,ຢູ່ທະເລທີ່ໃກ້ກັບແຂວງອາເຈະເກາະຊູມາຕຼາຂອງອິນໂດເນເຊຍເກີດແຜ່ນດິນໄຫວຄວາມແຮງ9ລິກເຕີຂຶ້ນໄປ,ແຜ່ນດິນໄຫວແລະຄື້ນຊຶນາມີທີ່ເກີດຂຶ້ນຕາມມາເຮັດໃຫ້ປະເທດຕ່າງໆຕາມແຄມມະຫາສະໝຸດອິນເດຍ2ແສນ2ໝື່ນກວ່າຄົນເສຍຊີວິດຫຼືຫາຍສາບສູນ.ໃນນັ້ນອິນໂດເນເຊຍມີເກືອບ1ແສນ7ໝື່ນຄົນເສຍຊີວິດຫຼືຫາຍສາບສູນ.
7,ປີ2004 ມາຣົກ 600ກວ່າຄົນເສຍຊີວິດ
ວັນທີ24ກຸມພາ2004,ຢູ່ອານ ໂຮເຊອີມາ ພາກເໜືອມາຣົກເກີດແຜ່ນດິນໄຫວຄວາມແຮງ6,5ລິກເຕີ,ເຮັດໃຫ້628ຄົນເສຍຊີວິດ,926ຄົນບາດເຈັບ.
8,ປີ2003 ອີຣານ ຢ່າງໜ້ອຍ3ໝື່ນຄົນເສຍຊີວິດ
ວັນທີ26ທັນວາ2003,ຢູ່ເຂດບາມແຂວງເຄີມານ ພາກຕາເວັນອອກສຽງໃຕ້ຂອງອີຣານເກີດແຜ່ນດິນໄຫວຢ່າງຮຸນແຮງ6,6vລິກເຕີ,ຢ່າງໜ້ອຍເຮັດໃຫ້3ໝື່ນຄົນເສຍຊີວິດ,5ໝື່ນກວ່າຄົນບາດເຈັບ,ເຮືອນຢູ່85%ຂອງເມືອງບູຮານບາມຖືກທຳ ລາຍເພພັງ,ປ້ອມບູຮານບາມທີ່ສ້າງດ້ວຍດິນຈີ່ທີ່ມີຊື່ສຽງແລະມີປະຫວັດສາດ 2500ກວ່າປີເພພັງໝົດ.
9,ປີ2002 ອັຟການີສະຖານ ຢ່າງໜ້ອຍພັນຄົນເສຍຊີວິດ
ວັນທີ25ມີນາ2002,ຢູ່ເຂດຮິນດູ ຄຸສ ຂອງອັຟການີສະຖານເກີດແຜ່ນດິນໄຫວຄວາມແຮງ6,1ລິກເຕີ,ຢ່າງໜ້ອຍເຮັດໃຫ້1000ຄົນເສຍຊີວິດ,ຫຼາບຮ້ອຍຄົນບາດເຈັບ.
10,ປີ2001 ອິນເດຍ 2ໝື່ນ5ພັນຄົນເສຍຊີວິດ
ວັນທີ26ມັງກອນ2001,ຢູ່ກູຈາຣັດຂອງອິນເດຍໄດ້ເກີດແຜ່ນດິນໄຫວຄວາມແຮງ7,7ລິກເຕີ,ເຮັດໃຫ້2ໝື່ນ5ພັນຄົນເສຍຊີວິດ,1ແສນ6ໝື່ນຄົນບາດເຈັບ.
|
|
