ຕາມ​ຂ່າວ​ສານ​ຊີ​ນຮວາ:ຕາມ​ຂ່າວ​ຈາກ​ກະ​ຊວງ​ການປົກ​ຄອງ​ແລະ​ປະຊາ​ສົງ​ເຄາະ​ຈີນທີ່​ນັບ​ມາ​ຮອດ​ເວ​ລາ 16 ໂມງ​ວັນ​ທີ 13 ພຶດ​ສະ​ພາ​ນີ້​ຕາມ​ເວລາ​ວຽງ​ຈັນ,​​ແຜ່ນ​ດິນ​ໄຫວ​ຄວາມ​ແຮງ 7,8 ລິກ​ເຕີ​ທີ່​ເກີດ​ຢູ່​ເມືອງ​ເວິນ​ຊ່ວນ​ແຂວງ​ເຊ​ສວນ ພາກ​ຕາ​ເວັນ​ຕົກ​ຈີນ​ໃນ​ວັນ​ທີ 12 ພຶດສະ​ພາ​ນີ້​ໄດ້​ເຮັດ​ໃຫ້​11921​ຄົນ​​ໃນ 8 ​ແຂວງ​ແລະ​ນະ​ຄອນ​ເຊັ່ນ​ແຂວງ​ເຊ​ສວນ ກ່ານ​ຊູ້ ຢຸນນານ​ແລະ​ກຸ້ຍ​ໂຈ່​ເປັນ​ຕົ້ນ​ເສຍ​ຊີວິດ.

(ວັນທີ 13 ພຶດສະພານີ້,ຢູ່ເມືອງເປຊ່ວນແຂວງເຊສວນ,​ຕຳຫຼວດປະກອບ​ອາວຸດພວມກອບກູ້ເດັກນ້ອຍຜູ້ໜຶ່ງທີ່ຊອກພໍ່ແມ່ຍັງບໍ່ພົບ.)

ພາຍ​ຫຼັງ​ເກີດ​ແຜ່ນດິນ​ໄຫວ​ແລ້ວ,ທ່ານ​ຫູ​ຈີນ​ທ່າວ ປະທານ​ປະ​ເທດ​ຈີນ​ໄດ້​ສັ່ງ​ການໃນ​ທັນທີ,ຊ່ວຍ​ຄົນ​ບາດ​ເຈັບ​ໃຫ້​ມີ​ຄວາມ​ປອດ​ໄພ​ໂດຍ​ໄວ,ຮັບປະກັນ​ຄວາມ​ປອດ​ໄພ​ທາງ​ຊີວິດ​ຂອງ​ປະຊາຊົນ​ຢູ່​ເຂດ​ປະສົບ​ໄພ.ຕອນ​ຄ່ຳ​ວັນ​ທີ 12 ພຶດສະພາ​ນີ້,ຄະນະປະຈຳ​ກົມ​ການ​ເມືອງ​ສູນ​ກາງ​ພັກ​ກອມ​ມູນິດ​ຈີນ​ໄດ້​ຈັດ​ກອງ​ປະຊຸມ​ດ່ວນ,ຮຽກ​ຮ້ອງ​ໃຫ້​ທຳ​ຄວາມ​ພະຍາ​ຍາມ​ສຸດ​ຂີດ​ຫຼຸດ​ຄວາມ​ເສຍ​ຫາຍ​ໃຫ້​ໜ້ອຍ​ທີ່​ສຸດ.

(ວັນທີ 13 ພຶດສະພານີ້,​ຕຳຫຼວດປະກອບອາວຸດ​ພວມກອບກູ້ຄົນບາດເຈັບ​ຢູ່ເມືອງເປຊ່ວນແຂວງເຊສວນ.)