|
ນັກຂ່າວຕ່າງປະເທດກ່າວວ່າ, ການກູ້ໄພຂອງລັດຖະບານຈີນແມ່ນຮັບຜິດຊອບແລະມີປະສິດທິພາບສູງ
cri
ຕາມຂ່າວສານຊີນຮວາ, ຕອນເຊົ້າວັນທີ14ພຶດສະພານີ້, ທ່ານຕຼິສຖານ ເລ ບູລາ ນັກຂ່າວໂທລະພາບຊ່ອງສອງຂອງຝຣັ່ງທີ່ພວມເອົາຂ່າວຢູ່ເມືອງມຽນຢາງແຂວງເຊສວນຈີນກ່າວວ່າ, ການກູ້ໄພຂອງລັດຖະບານຈີນແມ່ນຮັບຜິດຊອບແລະມີປະສິດທິພາບສູງ.
ທ່ານຕຼິສຖານກ່າວວ່າ, ຫຼັງຈາກເກີດແຜ່ນດິນໄຫວແລ້ວ, ອົງການປົກຄອງທ້ອງຖິ່ນໄດ້ເປີດສະໜາມກິລາໃນຮົ່ມແລະສະຖານທີ່ສາທາລະນະອື່ນໆຢ່າງໄວວາເພື່ອໃຫ້ຜູ້ປະສົບໄພໄປລີ້ໄພ, ພ້ອມທັງພະຍາຍາມສະໜອງຢາປົວພະຍາດ ອາຫານ ນ້ຳດື່ມແລະເຄື່ອງນຸ່ງຫົ່ມ, ເຊິ່ງໄດ້ຮັບຄວາມຊົມເຊີຍຈາກຜູ້ປະສົບໄພ.
ທ່ານໄປປິ່ງຂອງຂ່າວສານລອຍເຕີປະຈຳປັກກິ່ງກ່າວວ່າ, ລັດຖະບານຈີນໄດ້ໃຊ້ມາດຕະການສຸກເສີນໂດຍດ່ວນ, ຫຼັງຈາກເກີດແຜ່ນດິນໄຫວແລ້ວ, ທ່ານເວິ່ນເຈ່ຍປາວ ນາຍົກລັດຖະມົນຕີຈີນໄດ້ໄປຮອດແນວໜ້າກູ້ໄພໄວທີ່ສຸດ. ວຽກງານກູ້ໄພຢູ່ເຂດປະສົບໄພຈັດຕັ້ງໄດ້ດີຫຼາຍ, ຢູ່ບ່ອນພັກຊົ່ວຄາວຂອງຜູ້ປະສົບໄພ, ທ່ານໄປປິ່ງໄດ້ເຫັນອາສາສະໝັກຫຼາຍໆຄົນ, ຜູ້ປະສົບໄພກໍ່ໄດ້ຮັບການກອບກູ້ຊ່ອຍເຫຼືອຢ່າງດີ.
|
|
