|
|
 |
| (GMT+08:00)
2008-05-16 11:19:31
|
 |
|
ຜູ້ຟັງຕ່າງປະເທດຂອງCRIເອົາໃຈໃສ່ນຳສະພາບໄພແຜ່ນດິນໄຫວຂອງຈີນ
cri
Author: cai
ຕາມຂ່າວCRI:ພາຍຫຼັງເມືອງເວິ້ນຊ່ວນແຂວງເສສວນຈີນເກີດແຜ່ນດິນໄຫວທີ່ມີຄວາມແຮງ 7,8 ຣິກເຕີແລ້ວ,ຜູ້ຟັງຂອງວິທະຍຸສາກົນແຫ່ງປະເທດຈີນCRIທີ່ຢູ່ແຫ່ງຕ່າງໆໃນໂລກໄດ້ສົ່ງຈົດໝາຍ ໂທລະສັບຫຼືສົ່ງອີເມວມາໃຫ້,ສະແດງຄວາມເຫັນໃຈຕໍ່ປະຊາຊົນຢູ່ເຂດປະສົບໄພແລະໄວ້ອາໄລຜູ້ເສຍຊີວິດ.ເຂົາເຈົ້າຫວັງໃຫ້ປະຊາຊົນຢູ່ເຂດປະສົບໄພມີຄວາມເຂັ້ມແຂງແຮງກ້າຢູ່ຕໍ່ໜ້າໄພແຜ່ນດິນໄຫວ,ແລະຮຽກຮ້ອງໃຫ້ປະຊາຄົມໂລກຊ່ວຍເຫຼືອຈີນ.ເຂົາເຈົ້າຍັງສະແດງຄວາມເຊື່ອວ່າ,ແຜ່ນດິນໄຫວຈະບໍ່ມີຜົນສະທ້ອນໃດໆຕໍ່ການຈັດງານກິລາໂອລິມປິກໃຫ້ສຳເລັດຜົນ.
ທ່ານບາບານກີດາ ອາດາມູ ມິດລາຍການນີເຊຣີສົ່ງຈົດໝາຍມາຂຽນວ່າ,ເມື່ອຂ້າພະເຈົ້າໄດ້ເຫັນວ່າ,ມີປະຊາຊົນໝື່ນກວ່າຄົນໄດ້ເສຍຊີວິດແລ້ວ,ບໍ່ພຽງແຕ່ຮູ້ສຶກຕົກໃຈເທົ່ານັ້ນ,ຫຍັງເຈັບໃຈຫຼາຍ. ທ່ານຈູນີລານ ໄຄວາດ ປະທານສະໂມສອນຜູ້ຟັງ"ສັນຕິພາບສີຂຽວ"ອິນເດຍສົ່ງອີເມວມາຂຽນວ່າ,ຫວັງໃຫ້ຈີນເຮັດຄືແຕ່ເກົ່າເມືອຫຼັງ,ແກ້ໄຂໄພທຳມະຊາດເທື່ອນີ້ໃຫ້ດີຢ່າງວ່ອງໄວແລະມີປະສິດທິພາບ.
ທ່ານຊາລິມ ສຣາເຢ ມິດລາຍການອີຣັກກ່າວວ່າ,ຂ້າພະເຈົ້າດຳລົງຊີວິດຢູ່ອີຣັກໃນທ່າມກາງສົງຄາມ,ໄພພິບັດໄດ້ນຳເອົາຄວາມເຈັບທໍລະມານຫຼາຍມາໃຫ້ຄົນທັງຫຼາຍ,ຂ້າພະເຈົ້າມີຄວາມຮູ້ສຶກຢ່າງເລິກເຊິ່ງ.ຂ້າພະເຈົ້າອວຍພອນໃຫ້ປະຊາຊົນຢູ່ເຂດປະສົບໄພເອົາຊະນະໄພທຳມະຊາດເທື່ອນີ້ໂດຍໄວເທົ່າທີ່ຈະໄວໄດ້.
ທ່ານອັບດຸນ ຣາເຊດ ຄາຊາມີ ມິດລາຍການອານເຊຣີກ່າວວ່າ,ຜູ້ນຳຈີນເປັນຫ່ວງເປັນໃຍຫຼາຍນຳປະຊາຊົນຢູ່ເຂດປະສົບໄພ,ເຮັດໃຫ້ຂ້າພະເຈົ້າຮູ້ສຶກສະເທືອນໃຈຫຼາຍ.
ມິດລາຍການຂອງອີຕາລີ ເບຼຊີນ ປາກີສະຖານ ນີເຊຣີ ສະຫະລັດອາຣັບເອມີເຣ ອັຟການິສະຖານ ໄທ ເຢຍລະມັນ ນີເຊ ຮົງກາຣີ ຫວຽດນາມ ແລັດໂຕນີແລະອິນເດຍເປັນຕົ້ນໄດ້ສົ່ງຈົດໝາຍມາຂຽນວ່າ,ເຂົາເຈົ້າເຊື່ອໝັ້ນວ່າ,ໄພແຜ່ນດິນໄຫວຈະບໍ່ມີຜົນສະທ້ອນໃດໆຕໍ່ງານກິລາໂອລິມປິກປັກກິ່ງ,ງານກິລາໂອລິມປິກປັກກິ່ງຍ່ອມຈະໄດ້ຈັດຂຶ້ນຢ່າງສຳເລັດຜົນ.
|
|
|
