ສະບາຍດີ ທ່ານຜູ່ຟັງທີ່ໂຄລົບ,ເດືອນສິງຫາປີກາຍນີ້,ຟິມເອກະສານຂອງໂອລິມປິກປັກກິ່ງ 2008 ໄດ້ຖ່າຍທຳຕອນທີຫນຶ່ງຢູ່ທີ່ສະຫນາມກິລາແຫ່ງຊາດປັກກິ່ງ. ໂຮງຜະລິດຟິມເອກະສານຂອງສູນກາງທີ່ເປັນຜູ່ຮັບຜິດຊອບຖ່າຍທຳຟິມເອກະສານທາງການຂອງໂອລິມປິກປັກກິ່ງປີ 2008ນັ້ນໄດ້ຈັດພິທີເລີ່ມຖ່າຍທຳຟິມເອກະສານທາງການໃນວັນທີ 12 ມີນາປີນີ້. ຄະນະຖ່າຍທຳຫນ່ວຍທຳອິດໄດ້ເດີນທາງອອກຈາກປັກກິ່ງ, ຫຼັງຈາກນັ້ນມີຄະນະຖ່າຍທຳ 10 ຄະນະເດີນທາງໄປເຖິງແຫ່ງຕ່າງໆໃນໂລກ,ເລີ່ມຖ່າຍທຳຢູ່ໃນໂລກພ້ອມກັບການຈູດໄຟສັກສິກ. ໃນລາຍການພາກນີ້ ພວກເຮົາຈະສະເຫນີສະພາບຖ່າຍທຳຟິມເອກະສານທາງການຂອງໂອລິມປິກປັກກິ່ງປີ 2008. ງານກິລາໂອລິມປິກສະຕັອກໂຮມປະເທດຊູແອັດປີ 1912 ໄດ້ສ້າງຟິມເອກະສານທາງການຂອງໂອລິມປິກເລື່ອງທຳອິດ. ແຕ່ນັ້ນມາ,ງານໂອລິມປິກທຸກເທື່ອລ້ວນແຕ່ຖືການຖ່າຍທຳຟິມເອກະສານທາງການເປັນວຽກງານສຳຄັນອັນຫນຶ່ງ,ຈຸດປະສົງກໍ່ແມ່ນເພື່ອບັນທຶກເຫດການໃນງານກິລາໂອລິມປິກແຕ່ລະເທື່ອຢ່າງຮອບດ້ານ,ແລ້ວເກີດມີເລື່ອງທີ່ເຮັດໃຫ້ຄົນກະຕຸ້ນໃຈຫຼັງແລະກ່ອນການແຂ່ງຂັນກິລາ, ແຕ່ວ່າ,ຟິມເອກະສານເຫຼົ່ານີ້ລ້ວນແຕ່ຖືກຮັກສາຢູ່ໃນຫໍພິພິດທະພັນໂອລິມປິກຢູ່ເມືອງໂລຊານແຫ່ງສວິສ໌ຢ່າງຖາວອນ,ກະຕຸ້ນແລະສົ່ງເສີມຄົນຮຸ້ນຫຼັງ. ເມື່ອກ່າວເຖິງຈຸດພິເສດຂອງຟິມເອກະສານທາງການຂອງໂອລິມປິກ, ທ່ານອູຊີ ຜູ່ຖ່າຍທຳຟິມເອກະສານທາງການໂອລິມປິກປັກກິ່ງກ່າວວ່າ:
ຟິມເອກະສານທາງການໂອລິມປິກແມ່ນຟິມເອກະສານທີ່ບັນທຶກເລື່ອງການແຂ່ງຂັນແລະກິດຈະກຳທີ່ກ່ຽວຂ້ອງຢ່າງຮອບດ້ານເຊິ່ງຄະນະຈັດຕັ້ງງານກິລາໂອລິມປິກກຳນົດອົງການຖ່າຍທຳແລະຜູ່ກຳກັບການຖ່າຍທຳ. ໃນງານກິລາໂອລິມປິກທຸກເທື່ອ, ຟິມເອກະສານທາງການໂອລິມປິກແມ່ນຄະນະກຳມະການຈັດຕັ້ງງານກິລາໂອລິມປິກກຳນົດຖ່າຍທຳ,ແລະກໍ່ຖືກຄະນະດັ່ງກ່າວຮັບຮອງ
ຟິມອັນດຽວທີ່ຖືກຮັກສາໄວ້ໃນຫໍພິພິດທະພັນໂອລິມປິກເອີ້ນວ່າຟິມເອກະສານທາງການຂອງໂອລິມປິກ. ສ່ວນປະກອບຂອງຟິມເອກະສານ,ມີຫຫຼາຍເຫດການຈຳເປັນເຊັ່ນ: ພິທີໄຂງານໂດຍສະເພາະແມ່ນການສົ່ງຕໍ່ທວນໄຟແລະປ່ອຍນົກກາງແກສັນຕິພາບເປັນຕົ້ນ, ທັງຫມົດເຫຼົ່ານນີ້ລ້ວນແຕ່ຂຶ້ນກັບຄະນະກຳມະການຈັດຕັ້ງງານກິລາໂອລິມປິກກຳນົດ.
ຟິມເອກະສານທາງການຂອງໂອລິມປິກທີ່ເລີ່ມຖ່າຍທຳໃນເດືອນສິງຫາປີ 2008 ແມ່ນຟິມເອກະສານທາງການຂອງໂອລິມປິກເລື່ອງທີ 22 ໃນປະຫວັດສາດໂອລິມປິກ,ກໍ່ແມ່ນຟິມເອກະສານທາງການຂອງໂອລິມປິກທີ່ຜູ່ກຳກັບຈີນຖ່າຍທຳເປັນເທື່ອທຳອິດ,ຟິມເອກະສານດັ່ງກ່າວຈະບັນທຶກເລື່ອງທັງຫມົດຂອງງານກິລາໂອລິມປິກແລະເລື່ອງຈິງທີ່ເຮັດໃຫ້ຄົນກະຕຸ້ນໃຈໃນການແຂ່ງຂັນແລະນອກການແຂ່ງຂັນ. ນາງກູ້ຢຸ່ນແມ່ນຜູ່ກຳກັບການຖ່າຍທຳຟິມເອກະສານທາງການຂອງໂອລິມປິກເທື່ອນີ້, ນາງມີປະສົບການໃນວຽກງານການຖ່າຍທຳຟິມເອກະສານມາສິບປີແລ້ວ,ກ່ອນນີ້, ນາງໄດ້ຖ່າຍທຳ ຟິມເອກະສານກະກຽມຈັດງານໂອລິມປິກປັກກິ່ງທີ່ວ່າ 2001+7, ໃນເວລາຖ່າຍທຳເປັນເວລາ 7 ປີ, ນາງໄດ້ສະສົມບົດຮຽນຢ່າງຫຼວງຫຼາຍ. ເຖິງວ່າຟິມເອກະສານທາງການຂອງໂອລິມປິກຕ່າງກັນກັບຟິມເອກະສານທຳມະດາກໍຕາມ, ວຽກງານຂອງຜູ່ກຳກັບການຖ່າຍທຳກໍ່ມີການກຳນົດຢ່າງຫຼວງຫຼາຍ,ແຕ່ວ່າ ນາງກູ້ຢຸນກ່າວວ່າ,ນາງຕ້ອງພະຍາຍາມສຸດຂີດເພື່ອຖ່າຍຟິມເອກະສານທີ່ມີຈຸດພິເສດຂອງຕົນເອງ. ເມື່ອກ່າວເຖິງຄວາມຄຶກຢາກຖ່າຍທຳຟິມເອກະສານ,ນາງກູ້ຢຸນເວົ້າວ່າ:
ພວກເຮົາຢາກເລືອກນັກກິລາ 6 ຫນ່ວຍທີ່ມາຈາກປະເທດແລະເຂດແຄວ້ນຕ່າງກັນ,ມີຜິວພັນແລະຊົນເຜົ່າແຕກຕ່າງກັນໃນຟິມເອກະສານທາງການປີ 2008, ນັກກິລາໃນ 6 ຫນ່ວຍດັ່ງກ່າວໄດ້ຕາງຫນ້າວັດທະນະທຳທີ່ຕ່າງກັນແລະມາດຕະຖານຂອງນັກກິລາໃນທົ່ວໂລກ,ກ່ອນອື່ນແມ່ນເຂົາເຈົ້າຈະຕ້ອງເປັນຜູ່ທີ່ຈະເຂົ້າຮ່ວມງານກິລາໂອລິມປິກປີ 2008, ພວກເຮົາບໍ່ພຽງແຕ່ເລົ່າເລື່ອງຂອງຜູ່ຊະນະເທົ່ານັ້ນ,ຍັງຕ້ອງເອົາໃຈໃສ່ນຳເລື່ອງຈິງຂອງເຂົາເຈົ້າທີ່ຜ່ານຄວາມພະຍາຍາມແລະທ້າທາຍຕົນເອງມາບັນລຸຄຸນຄ່າຂອງຕົນເອງ.
1 2
|