|
|
 |
| (GMT+08:00)
2008-05-16 18:36:01
|
 |
|
ລັດຖະມົນຕີຊ່ວຍວ່າການກະຊວງການຕ່າງປະເທດພົບປະກັບລັດຖະມົນຕີວ່າການກະຊວງການຕ່າງປະເທດສິງກະໂປ
cri
ຕາມຂ່າວສານຊີນຮວາ, ຕອນເຊົ້າວັນທີ16ພຶດສະພານີ້, ຢູ່ນະຄອນຫຼວງປັກກິ່ງ, ທ່ານໄຕ້ປິງກົວ ລັດຖະມົນຕີຊ່ອຍວ່າການກະຊວງການຕ່າງປະເທດຈີນໄດ້ພົບປະກັບຈອັຈ ຢົງບູນ ຢິວ ລັດຖະມົນຕີວ່າການກະຊວງການຕ່າງປະເທດສິງກະໂປ.
ທ່ານຈອັຈ ຢົງບູນ ຢິວໄດ້ຕາງໜ້າລັດຖະບານແລະປະຊາຊົນສິງກະໂປສະແດງຄວາມເຫັນໃຈແລະຖາມຂ່າວຕໍ່ລັດຖະບານແລະປະຊາຊົນຈີນໃນໂອກາດແຂວງເຊສວນຈີນເກີດແຜ່ນດິນໄຫວອັນໜັກໜ່ວງ. ທ່ານກ່າວວ່າໃນເວລາຫຍຸ້ງຍາກນີ້, ປະຊາຊົນສິງກະໂປຍິນດີສະໜອງການຊ່ອຍເຫຼືອໃຫ້ຫຼາຍເທົ່າທີ່ຈະຫຼາຍໄດ້.
ທ່ານໄຕ້ປິງກົວໄດ້ແນະນຳສະພາບໄພພິບັດແລະການກູ້ໄພຢູ່ແຂວງເຊສວນ, ແລະສະແດງຄວາມຂອບໃຈນຳສິ່ງກະໂປທີ່ສະໜອງໜ່ວຍກອບກູ້ແລະວັດສະດຸກູ້ໄພ. ທ່ານໄຕ້ປິງກົວກ່າວວ່າ, ທົ່ວປະເທດຈີນພວມອອກແຮງສຸດຂີດກູ້ໄພ, ຈະເອົາຊະນະໄພທຳມະຊາດອັນໜັກໜ່ວງຄັ້ງນີ້ຢ່າງແນ່ນອນ.
ສອງຝ່າຍໄດ້ຮັບຮອງຢ່າງເຕັມສ່ວນຕໍ່ການຂະຫຍາຍຕົວຂອງການພົວພັນຈີນສິງກະໂປແລະຜົນການຮ່ວມມືໃນຂົງເຂດຕ່າງໆ, ແລະກ່າວວ່າຈະລົງເລິກການພົວພັນສອງປະເທດຕື່ມອີກ, ນຳເອົາຄວາມສຸກຫຼາຍກວ່າເກົ່າໃຫ້ປະຊາຊົນສອງຊາດ.
|
|
|
