|
ຕາມຂ່າວສານຊິນຮວາ:ຕອນທ່ຽງວັນທີ16 ພຶດສະພານີ້,ທ່ານຫູຈີນທ່າວ ປະທານປະເທດຈີນໄດ້ເດີນທາງໄປຮອດເຂດປະສົບໄພແຂວງເຊສວນ,ຈັດກອງປະຊຸມຢູ່ສະໜາມບິນນານຈ່ຽວຂອງເມືອງມຽນຢາງໃນທັນທີ,ພ້ອມກັບທ່ານນາຍົກລັດຖະມົນຕີເວິ່ນເຈ່ຍປາວທີ່ມາເຂດປະສົບໄພກ່ອນແລະຜູ່ນຳສູນກາງຜູ່ອື່ນຄົ້ນຄວ້າແລະຈັດວາງວຽກງານກູ້ໄພ.
ທ່ານເວິ່ນເຈ່ຍປາວໄດ້ລາຍງານຈຸດພິເສດ,ສະພາບຂອງໄພແຜ່ນດິນໄຫວໃຫຍ່ພິເສດຢູ່ແຂວງເຊສວນ,ສະພາບການຂອງວຽກງານຕ້ານແຜ່ນດິນໄຫວກອບກູ້ໄພຄືບໜ້າໃນໄລຍະຜ່ານມາ,ຄວາມຫຍຸ້ງຍາກທີ່ຄົງຕົວໃນປັດຈຸບັນແລະຈຸດໜັກຂອງວຽກງານໃນໄລຍະຕໍ່ໄປ.ທ່ານຫູຈີນທ່າວໄດ້ໃຫ້ຄຳຊີ້ນຳອັນສຳຄັນກ່ຽວກັບການສືບຕໍ່ເຮັດວຽກກູ້ໄພໃຫ້ດີ.
ກອງປະຊຸມກ່າວເນັ້ນວ່າ,ປັດຈຸບັນເວລາແມ່ນຮີບດ່ວນທີ່ສຸດ,ຕ້ອງສືບຕໍ່ພະຍາຍາມຫຼຸດຄວາມເສຍຫາຍຍ້ອນໄພແຜ່ນດິນໄຫວໃຫ້ລົງຮອດລະດັບຕ່ຳສຸດ,ຖືການກູ້ເອົາຊີວິດຂອງມວນຊົນເປັນວຽກສຳຄັນກວ່າໝູ່,ຕ້ອງສືບຕໍ່ພະຍາຍາມຫຼາຍທີ່ສຸດກອບກູ້ເອົາຄົນ,ທະແນມແຕ່ມີຄວາມຫວັງໜ້ອຍໜຶ່ງ,ກໍ່ຕ້ອງພະຍາຍາມທີ່ສຸດ.
ກອງປະຊຸມຮຽກຮ້ອງໃຫ້ນາຍແລະພົນທະຫານ3ໝື່ນຄົນທີ່ເພີ່ມໃໝ່ນັ້ນຕ້ອງໄປຮອດແຕ່ລະຈຸດປະສົບໄພໂດຍໄວ,ເຂົ້າຮ່ວມການກູ້ໄພໃນທັນທີ.
|
