|
ກອງທັບແລະກອງທະຫານປະກອບອາວຸດຈີນໄດ້ສົ່ງ 1 ແສນ 1 ຫມື່ນກວ່າຄົນໄປເຂົ້າຮ່ວມວຽກງານຊ່ວຍກູ້ໄພແຜ່ນດິນໄຫວ
cri
ຕາມຂ່າວCRI:ຕາມສະຖິຕິທີ່ບໍ່ຄົບຖ້ວນ,ປະຈຸບັນ,ກອງທັບແລະກອງຕຳ ຫຼວດປະກອບອາວຸດຂອງຈີນໄດ້ສົ່ງ 1 ແສນ 1ຫມື່ນກວ່າຄົນ,ເພື່ອເຂົ້າຮ່ວມວຽກງານກູ້ໄພແຜ່ນດິນໄຫວຢູ່ເຂດປະສົບໄພແຂວງເສສວນ.
ໃນກອງປະຊຸມເຜີຍຂ່າວທີ່ຫ້ອງການຖະແຫຼງຂ່າວຂອງລັດຖະບານຈີນຈັດຂຶ້ນໃນມື້ດຽວກັນ,ທ່ານຫູຊ່າງມິງ ນາຍພັນເອກພິເສດ ໂຄສົກຖະແຫຼງຂ່າວຂອງກະຊວງປ້ອງກັນປະເທດຈີນແນະນຳວ່າ,ຫຼັງຈາກແຜ່ນດິນໄຫວຂອງແຂວງເສສວນເກີດຂຶ້ນໃນວັນທີ 12 ພຶດສະພານີ້ແລ້ວ,ຝ່າຍທະ ຫານຈີນໄດ້ໃຊ້ເຄື່ອງອຸປະກອນທີ່ທັນສະໄຫມຕ່າງໆເຊັ່ນ:ດາວທຽມ ເຄື່ອງວັດແທກແລະກົນຈັກຂະຫນາດໃຫຍ່ເປັນຕົ້ນເພື່ອດຳເນີນວຽກງານກູ້ໄພຢ່າງຮອບດ້ານ,ຈົນຮອດປະຈຸບັນ,ໄດ້ສ້ອມແປງເສັ້ນທາງທັງຫມົດ 550 ກວ່າກິໂລແມັດ,ຂຸດຄົ້ນຜູ່ທີ່ຖືກຕິດຄ້າງ 2 ຫມື່ນກວ່າຄົນ.
ວັນທີ 18 ພຶດສະພານີ້,ຢູ່ທີ່ນະຄອນປັກກິ່ງ,ທ່ານມາຈ້ຽນ ນາຍພົນຕີທະຫານອາກາດຂອງກອງເສນາທີການໃຫຍ່ກອງທັບປົດປ່ອຍປະຊາຊົນຈີນໄດ້ກ່າວວ່າ,ສິ່ງກໍ່ສ້າງນິວເຄຼຍຢູ່ໃນເຂດປະສົບໄພແຜ່ນດິນໄຫວຂອງແຂວງເສສວນແມ່ນປອດໄພ.
|
|
