|
ໃນ 5 ປີຂ້າງໜ້ານີ້ ຈີນຈະນຳເຂົ້າສິນຄ້າມູນຄ່າ 2000 ຕື້ໂດລາຈາກອາຊີ
cri
Author: cai
ຕາມຂ່າວສານຊີນຮວາ:ວັນທີ 19 ພຶດສະພານີ້,ໃນງານສຳມະນາການຮ່ວມມືດ້ານສື່ມວນຊົນອາຊຽນບວກ 3 ເທື່ອທີ 2 ທີ່ຈັດຂຶ້ນຢູ່ນະຄອນທຽນສິນຈີນ,ທ່ານອີ້ສຽວຈົນ ລັດຖະມົນຕີຊ່ວຍວ່າການກະຊວງການຄ້າຈີນເປີດເຜີຍວ່າ,ໃນ 5 ປີຂ້າງໜ້ານີ້,ຈີນຈະນຳເຂົ້າສິນຄ້າມູນຄ່າຫຼາຍກວ່າ 2000 ຕື້ໂດລາຈາກປະເທດແລະເຂດແຄວ້ນຕ່າງໆຂອງອາຊີ,ຕະຫຼາດຈະກວ້າງອອກຕື່ມອີກ.
ທ່ານອີ້ສຽວຈົນກ່າວວ່າ,ນັບແຕ່ຈີນເລີ່ມດຳເນີນການປະຕິຮູບແລະໄຂປະຕູສູ່ພາຍນອກເມື່ອປີ 1978 ມານີ້,ໄດ້ກາຍເປັນປະເທດການຄ້າໃຫຍ່ທີ 3 ໃນໂລກ,ໃນນັ້ນ,ຈັງຫວະເຕີບໂຕການຄ້າຂາເຂົ້າຕໍ່ປີໄດ້ບັນລຸ 16,7%,ໄດ້ກາຍເປັນຕະຫຼາດນຳເຂົ້າໃຫຍ່ທີ 3 ໃນໂລກແລະຕະຫຼາດນຳເຂົ້າໃຫຍ່ກວ່າໝູ່ໃນອາຊີ.ໃນການໄປມາຫາສູ່ກັນດ້ານການຄ້າລະຫວ່າງຈີນກັບປະເທດແລະເຂດແຄວ້ນອື່ນໆຂອງອາຊີທີ່ນັບມື້ນັບຫຼາຍຂຶ້ນ,ປະເທດແລະເຂດແຄວ້ນໃນອາຊີຕາເວັນອອກແມ່ນຄູ່ການຄ້າທີ່ສຳຄັນຕະຫຼອດມາ.ປີ 2007,ຈີນໄດ້ນຳເຂົ້າສິນຄ້າມູນຄ່າ 460 ຕື້ໂດລາຈາກອາຊີຕາເວັນອອກ,ກວມ 48% ໃນຍອດມູນຄ່າສິນຄ້ານຳເຂົ້າຂອງຈີນ.
|
|
