|
ຕາມຂ່າວCRI: ຫວ່າງມໍ່ໆນີ້ຢູ່ທີ່ເຊສວນ, ທ່ານເສີນເຕີມິງ ລັດຖະມົນຕີວ່າການກະຊວງການຄ້າຈີນກ່າວວ່າ, ປັດຈຸບັນ, ການສະໜອງຂອງຕະຫຼາດຈີນພຽງພໍ, ມີວັດຖຸສົມບູນ, ແຫ່ງຕ່າງໆລ້ວນແຕ່ໄດ້ຕັ້ງໜ້າສະໜັບສະໜູນວຽກງານຕ້ານແຜ່ນດິນໄຫວແລະກູ້ໄພຂອງແຂວງເຊສວນ, ການສະໜອງຂອງຕະຫຼາດຢູ່ເຂດປະສົບໄພມີຄວາມຮັບປະກັນຢ່າງໄວ້ວາງໃຈໄດ້.
ທ່ານເສີນເຕີມິງແມ່ນໃຫ້ທັດສະນະດັ່ງກ່າວພາຍຫຼັງສຳຫຼວດສະພາບການສະໜອງຕະຫຼາດຂອງເຂດປະສົບໄພຢູ່ນະຄອນເສີງຕູ່ ເມືອງໝຽນຢາງແຂວງເຊສວນເປັນຕົ້ນ.
ທ່ານເສີນເຕີມິງກ່າວວ່າ, ຢູ່ຈຸດຈັດວາງປະຊາຊົນປະສົບໄພ, ພະນັກງານທີ່ກ່ຽວຂ້ອງຈະເປີດຮ້ານຄ້າຂາຍເຄື່ອງກະທັດຮັດເພື່ອຮັບໃຊ້ປະຊາຊົນ. ທ່ານກ່າວວ່າ, ຄຽງຄູ່ກັບຜູ້ປະສົບໄພໄດ້ຮັບການຈັດວາງເປັນລຳດັບ, ບົນພື້ນຖານທີ່ສະໜອງອາຫານສະດວກນັ້ນ, ວິສາຫະກິດການຄ້າຈີນຈະສືບຕໍ່ຈັດຕັ້ງການສະໜອງອາຫານເຊັ່ນເຂົ້າສານ ນ້ຳມັນກິນ ຊີ້ນ ໄຂ່ແລະຜັກເປັນຕົ້ນແລະເຄື່ອງໃຊ້ປະຈຳວັນປະເພດຕ່າງໆແລະວັດຖຸສ້າງບ້ານແປງເຮືອນຄືນໃໝ່ຫຼັງໄພພິບັດ.
|
