|
|
 |
| (GMT+08:00)
2008-05-20 17:32:10
|
 |
|
ໜ່ວຍກອບກູ້ສາກົນຣັດເຊຍຕັ້ງໜ້າດຳເນີນວຽກງານກູ້ໄພຢູ່ເຂດປະສົບໄພແຜ່ນດິນໄຫວເສສວນ
cri
ເມື່ອແຜ່ນດິນໄຫວເວີ້ນຊ່ວນແຂວງເສສວນຈີນເກີດຂຶ້ນແລ້ວ,ຣັດເຊຍບໍ່ພຽງແຕ່ໄດ້ສະໜອງເຄື່ອງຊ່ອຍເຫຼືອໃຫ້ແກ່ຈີນໃນທັນທີແລ້ວ,ໜ່ວຍກູ້ໄພສາກົນຣັດເຊຍທີ່ມີບົດຮຽນກູ້ໄພອຸດົມສົມບູນກໍ່ໄດ້ຂີ່ຍົນໄປເຂດເສສວນເພື່ອດຳເນີນວຽກງານກູ້ໄພ.ນັບມາຮອດປະຈຸບັນ,ໜ່ວຍກູ້ໄພຣັດເຊຍໄດ້ກອບກູ້ແມ່ຍິງຈີນທີ່ອາຍຸ 61 ປີທີ່ຢູ່ໃນຊາກອາຄານ 127 ຊົ່ວໂມງຢ່າງສຳເລັດຜົນ. ຕໍ່ໄປ, ເຊີນຟັງບົດແຈ້ງຂ່າວລະອຽດ:
ຕອນບ່າຍວັນທີ 17 ພຶດສະພານີ້, ໜ່ວຍກອບກູ້ສາກົນຣັດເຊຍທີ່ຫາກໍ່ຮອດເມືອງຕູ່ຈ່ຽງອ້ຽນໄດ້ຮັບຂ່າວຂໍຄວາມຊ່ອຍເຫຼືອ, ຊູຢົງຊິ່ງ ທີ່ອາຍຸ 61 ປີຂອງເມືອງຕູ່ຈ່ຽງອ້ຽນຖືກຝັງຢູ່ໃນຊັ້ນລຸ່ມຂອງຕຶກໃນແຜ່ນດິນໄຫວທີ່ເກີດຂຶ້ນກະທັນຫັນ. ໜ່ວຍກອບກູ້ຣັດເຊຍໄດ້ຂັບລົດກູ້ໄພວິຊາສະເພາະສອງຄັນໄປບ່ອນເກີດເຫດໂດຍໄວ. ທ່ານວຼາດີເມຍເລໂກຊິນ ສະມາຊິກໜ່ວຍກູ້ໄພຣັດເຊຍທີ່ໄດ້ເຂົ້າຮ່ວມການກອບກູ້ນັ້ນຫວນຄືນວ່າ:
"ພວກເຮົາມີແຕ່ຮູ້ວ່າຜູ້ຍິງຜູ້ນີ້ຢູ່ໃຕ້ແປັ້ນປູພື້ນ.ເມື່ອຮອດແລ້ວພວກເຮົາໄດ້ໃຊ້ເຄື່ອງຈັກວິຊາການເພື່ອຊອກຫາບ່ອນຢູ່ລະອຽດຂອງເພິ່ນ. ແຕ່ສະພາບການສັບສົນຫຼາຍ, ໃນເວລາກອບກູ້, ພວກເຮົາຍັງຕ້ອງລະວັງທີ່ສຸດ, ເພື່ອບໍ່ໃຫ້ຕຶກນີ້ພັງທະລາຍອີກ."
ໜ່ວຍກູ້ໄພຣັດເຊຍ ໄດ້ຕັດຮູເປັນຮູບສີ່ຫຼ່ຽມທີ່ຍາວ1ແມັດກວ້າງເຄິ່ງແມັດຢູ່ເທິງພື້ນເຮືອນຢ່າງວ່ອງໄວ.ສີຢົງຊິງທີ່ຖືກຝັງຢູ່ໃນກອງຊາກອາຄານເປັນເວລາ127ຊົ່ວໂມງໄດ້ລອດຊີວິດຢ່າງໜ້າອັດສະຈັນ.ທ່ານເວີ້ຍຈົ່ງ ຊາວເມືອງທ້ອງຖິ່ນໄດ້ເຫັນຂະບວນການກອບກູ້ດັ່ງກ່າວກັບຕາ,ແລະຍ້ອງຍໍເຕັກນິກກອບກູ້ທີ່ດີຂອງກອງຊ່ວຍກູ້ໄພຣັດເຊຍວ່າ:
"ກອງຊ່ວຍກູ້ໄພຣັດເຊຍມາແຫ່ງນີ້ໄດ້ໃຫ້ການສະໜັບສະໜູນທາງຈິດໃຈແກ່ປະຊາຊົນເຂດປະສົບໄພ,ສະນັ້ນ,ພວກເຮົາຕ້ອງຂອບໃຈນຳກອງຊ່ວຍກູ້ໄພສາກົນແທ້."
ກອງຊ່ວຍກູ້ໄພສາກົນຣັດເຊຍທີ່ປະກອບກ້ວຍ51ຄົນໄດ້ໄປຮອດນະຄອນເສິງຕູແຂວງເສສວນໃນວັນທີ16ພຶດສະພານີ້,ຫຼັງຈາກນັ້ນ,ເຂົາເຈົ້າໄດ້ເດີນທາງໄປກູ້ໄພຢູ່ເຂດຮ້ານວ້າງເມືອງມຽນຈູແຂວງເສສວນໃນທັນທີ.ວັນທີ17ພຶດສະພານີ້,ເຂົາເຈົ້າໄດ້ເດີນທາງໄປເມືອງຕູ່ຈ່ຽງຢ້ຽນ.ນອກຈາກພະນັກງານກູ້ໄພທີ່ມີວິຊາສະເພາະແລ້ວ,ໃນກອງຊ່ວຍກູ້ໄພຍັງມີແພດໝໍນາງພະຍາບານ ວິສະວະກອນແລະຈິດຕະແພດ.ເຂົາເຈົ້າເຄີຍໄປ ບ່ອນທີ່ມັກເກີດແຜ່ນດິນໄຫວຮ້າຍແຮງເກືອບທຸກແຫ່ງໃນໂລກ.ວັນທີ19ພຶດສະພານີ້,ກໍ່ຄືຫຼັງຈາກແຜ່ນດິນໄຫວເກີດຂຶ້ນ1ອາທິດ,ກອງຊ່ວຍກູ້ໄພຣັດເຊຍຍັງສືບຕໍ່ປະຕິບັດການກູ້ໄພຢູ່ກອງຊາກອາຄານ.
ເວລາ14ໂມງ28ນາທີຂອງວັນທີ19ພຶດສະພານີ້,ທົ່ວປະເທດຈີນໄດ້ຢືນສະຫງົບນີ້ງກົ້ມຫົວໄວ້ອາໄລຜູ້ເສຍຊີວິດ. ໃນຂະນະນັ້ນ ສະມາຊິກໜ່ວຍກູ້ໄພຣັດເຊຍກໍ່ໄດ້ເຂົ້າຮ່ວມແບ່ງເບົາຄວາມໂສກເສົ້າຂອງປະຊາຊົນຈີນ,ແລະອະທິຖານໃຫ້ຜູ້ເສຍຊີວິດ.
ໃນຂະນະນີ້, ຂ້ອຍຢາກສະແດງຄວາມເຫັນໃຈແລະຄວາມສະໜັບສະໜູນຕໍ່ປະຊາຊົນຈີນຜູ້ປະສົບໄພ. ຫວັງວ່າເຂົາເຈົ້າຈະສ້າງສາບ້ານເກີດຄືນໃໝ່,ຂ້ອຍຍິນດີສະໜອງການຊ່ອຍເຫຼືອໃຫ້ເຂົາເຈົ້າ.
ຕອນຄ່ຳວັນທີ20ພຶດສະພານີ້, ຫຼັງຈາກສຳເລັດວຽກງານກູ້ໄພຂອງຕົນແລ້ວ,ໜ່ວຍກູ້ໄພສາກົນຂອງຣັດເຊຍຈະຂີ່ຍົນພິເສດຈາກນະຄອນເສີງຕູ່ກັບເມືອຣັດເຊຍ.
|
|
|
