|
|
 |
| (GMT+08:00)
2008-05-20 16:29:42
|
 |
|
ພາກສ່ວນຕ່າງໆໃນສັງຄົມຈີນສືບຕໍ່ບໍລິຈາກເງິນແລະເຄື່ອງໃຫ້ເຂດປະສົບໄພແຜ່ນດິນໄຫວ
cri
ຕາມຂ່າວສານຊິ່ນຮວາ: ຫຼາຍມື້ມານີ້, ພາກສ່ວນຕ່າງໆໃນສັງຄົມຈີນສືບຕໍ່ບໍລິຈາກເງິນແລະເຄື່ອງໃຫ້ເຂດປະສົບໄພແຜ່ນດິນໄຫວເວີ້ນຊ່ວນແຂວງເສສວນ.
ຕອນເຊົ້າວັນທີ 19 ພຶດສະພານີ້, ເຄື່ອງຊ່ອຍເຫຼືອທີ່ຕ້ອງການດ່ວນໃນການກູ້ໄພທີ່ມີມູນຄ່າເຖິງ 10 ລ້ານກວ່າຢວນທີ່ສະຫະພັນກຳມະບານແຫ່ງຊາດຈີນຈັດຊື້ຢ່າງຮີບດ່ວນນັ້ນໄດ້ຂົນສົ່ງໄປຮອດເຂດປະສົບໄພແຜ່ນດິນໄຫວເສສວນແລ້ວ. ນັບມາຮອດ 16 ໂມງ ວັນທີ 19 ພຶດສະພານີ້, ກຳມະບານຂັ້ນຕ່າງໆໃນທົ່ວປະເທດແລະພະນັກງານກຳມະກອນໄດ້ບໍລິຈາກເງິນ 214 ລ້ານຢວນ.
ນັບມາຮອດ 17 ໂມງວັນທີ 19 ພຶດສະພານີ້, ທະນາຄານກໍ່ສ້າງຈີນໄດ້ບໍລິຈາກເງິນ 70 ລ້ານ 2 ແສນ 6 ໝື່ນຢວນໃຫ້ເຂດປະສົບໄພ.
ນັບມາຮອດວັນທີ 19 ພຶດສະພານີ້, ອົງການປົກຄອງແລະພາກສ່ວນຕ່າງໆໃນສັງຄົມເຂດພິເສດມາກາວໄດ້ບໍລິຈາກເງິນຫຼາຍກວ່າ 120 ລ້ານໂດຣາມາກາວໃຫ້ເຂດປະສົບໄພ.
ວິສາຫະກິດໄຕ້ຫວັນແລະພີ່ນ້ອງຮວມຊາດໄຕ້ຫວັນທີ່ຢູ່ແຂວງຟູຈ້ຽນ ພາກຕາເວັນອອກສຽງໃຕ້ຂອງຈີນໄດ້ບໍລິຈາກເງິນແລະເຄື່ອງຂອງທີ່ມີມູນຄ່າຫຼາຍກວ່າ 40 ລ້ານຢວນໃຫ້ເຂດປະສົບໄພ.
|
|
|
