|
ທີ່ນິ້ ວິທະຍຸສາກົນແຫ່ງປະເທດຈີນ,ສະບາຍດີ ທ່ານຜູ່ຟັງທີ່ໂຄລົບ,ຫຼາຍມື້ມານີ້,ຢູ່ເຂດປະສົບໄພແຜ່ນດິນໄຫວໃນແຂວງເສສວນຈີນ,ພະນັກງານທັງຫຼາຍໃນກອງກອບກູ້ຍັງຂຸ້ນຊອກຫາແລະຊ່ອຍເອົາຊີວິດຜູ່ທີຍັງຢູ່ລອດ,ຄຽງຄູ່ກັນນັ້ນ,ວຽກງານປ້ອງກັນພະຍາດໃນເຂດປະສົບໄພກໍພວມດຳເນີນຢ່າງຮອບດ້ານ.ຕໍ່ໄປເຊີນຟັງບົດແຈ້ງຂ່າວຂອງນັກຂ່າວ CRI:
ແຜ່ນດິນໄຫວອັນຮຸນແຮງທີ່ເກີດຂຶ້ນຢູ່ເມືອງເວີ້ນຊ່ວນແຂວງເສສວນໄດ້ເຮັດໃຫ້ມີຜູ່ເສຍຊີວິດແລະບາດເຈັບຢ່າງຫຼວງຫຼາຍ,ຍ້ອນວ່າມີຜູ່ເສຍຊີວິດ ຫຼາຍ,ບວກກັບຂີ້ເຫຍື້ອເຄື່ອງໃຊ້ຂອງກິນກໍກອງກັນຂຶ້ນມ້ຽນນຳບໍ່ທັນ, ອາກາດຄ່ອຍໆຮ້ອນຂຶ້ນ,ຈຶ່ງເຮັດໃຫ້ມີຄວາມອັນຕະລາຍ,ຈະເກີດພະຍາດລະບາຍຢ່າງຂະຫນາດໃຫຍ່.ໂດຍແນໃສ່ສະພາບດັ່ງກ່າວ,ຫຼັງຈາກເກີດແຜ່ນດິນໄຫວແລ້ວ,ກະຊວງສາທາລະນະສຸກຈີນໄດ້ຈັດສົ່ງພະນັກງານ ປ້ອງກັນພະຍາດຫຼາຍພັນຄົນຈາກແຫ່ງຕ່າງໆໃນທົ່ວປະເທດໄປເຮັດວຽກດັບເຊື້ອ ຕ້ານພະຍາດໃນເຂດປະສົບໄພໂດຍດ່ວນ,ນັບມາຮອດວັນທີ 19 ພຶດສະພານີ້,ຜູ່ປ້ອງກັນພະຍາດໄດ້ດັບເຊື້ອເນື້ອທີ່ເກືອບ 100 ລ້ານຕາແມັດແລ້ວ,ແລະໄດ້ຊຳລະສົບ 8400 ກວ່າສົບ.
ຢູ່ເທດສະບານເມືອງເປຊ່ວນນະຄອນມຽນຢາງທີ່ປະສົບໄພຫນັກຫນ່ວງ, ຜູ່ເຮັດວຽກປ້ອງກັນພະຍາດຈຳນວນຫຼວງຫຼາຍໄດ້ພົ່ນຢາດັບເຊື້ອໄປທຸກ ຈອກທຸກແຈໃນເມືອງຢ່າງບໍ່ຢຸດຢັ້ງທຸກໆມື້. ວັນທີ 13 ພຶດສະພານີ້ ທ່ານເຟິງຢາງ ຜູ່ປ້ອງກັນພະຍາດທີ່ມາສູນຄວບຄຸມພະຍາດມຽນຢາງກໄດ້ເຂົ້າສູ່ເມືອງເປຊ່ວນໃນ,ທ່ານກ່າວວ່າ:
ພວກເຮົາອອກເຮັດວຽກແຕ່ 7 ໂມງເຄິ່ງຕອນເຊົ້າ,ຈົນຮອດ 6 ໂມງແລງ. ບາງທີຍັງຕ້ອງເພີ່ມເວລາເຮັດຮອດຄ່ຳ.ແຕ່ລະມື້ເວລານອນປະມານ 5 6 ຊົ່ວ ໂມງເທົ່ານັ້ນ.ພວກເຮົາມີເສື້ອປ້ອງກັນພະຍາດ ຖົງມື ຜ້າບັງປາກແລະເຄື່ອງບັງຕາຂອງພວກເຮົາແມ່ນຄົບຖ້ວນທີ່ສຸດ.
ຕາມທີ່ໄດ້ຮູ້, ຢູ່ເມືອງເປຊ່ວນ,ນອກຈາກຄົນທ້ອງຖິ່ນແລ້ວ,ຍັງມີຜູ່ເຮັດວຽກປ້ອງກັນພະຍາດທີ່ມາຈາກແຂວງຈ່ຽງຊູ່ ນະຄອນປັກກິ່ງແລະແຫ່ງອື່ນໆ.ເພື່ອເພີ່ມຄວາມແຮງໃນການປ້ອງກັນພະຍາດ,ກອງທະຫານປ້ອງກັນເຄມີກອງຫນຶ່ງຂອງກອງທັບຈີນກໍໄດ້ຖືກສົ່ງແຫ່ງນີ້,ເຂົາເຈົ້ານຳໃຊ້ອຸປະກອນສະເພາະເພື່ອຍົກສູງປະສິດທິພາບການດັບເຊື້ອຕ້ານພະຍາດ.
ຂ່າວແຈ້ງວ່າ,ເມືອງເວິ້ນຊ່ວນ ເມືອງຊິ່ງຊ່ວນແລະເມືອງອື່ນໆທີ່ປະສົບຫນັກຫນ່ວງຕ້ານພະຍາດຢ່າງຮອບດ້ານຄ້າຍຄືກັນ,ອັນໄດ້ຫຼີກເວັ້ນບໍ່ໃຫ້ເກີດພະຍາດ.ນອກນີ້,ພາກ ສ່ວນທີ່ກ່ຽວຂ້ອງຍັງໄດ້ເພີ່ມທະວີການຕິດຕາມກວດກາອະນາໄມຂອງແຫຼ່ງນ້ຳ ວິສາຫະກິດຜະລິດອາຫານ ຫົວຫນ່ວຍຜະລິດແລະສະຫນອງນ້ຳ ໂຮງຫມໍແລະບ່ອນຢູ່ຊົ່ວຄາວຂອງມວນຊົນໃນເຂດປະສົບໄພ,ແລະໂຄສະນາຄວາມຮູ້ປ້ອງກັນພະຍາດໃຫ້ແກ່ມວນຊົນແລະຜູ່ກູ້ໄພ,ເພື່ອໃຫ້ເຂົາເຈົ້າຮັກສາຕົນເອງ.
ທ່ານຫູຢົງ ຜູ່ຮັບຜິດຊອບສູນຄວບຄຸມພະຍາດມຽນຢາງເປີດເຜີຍວ່າ,ຕາມແຜນການປ້ອງກັນພະຍາດທີ່ພາກສ່ວນສາທາລະນະສຸກຈັດວາງ, ຫຼັງຈາກວຽກງານກູ້ໄພສິ້ນສຸດລົງແລ້ວ,ເຂົາເຈົ້າຍັງຈະສືບຕໍ່ເຮັດວຽກງານຢູ່ແຫ່ງນັ້ນ. ທ່ານກ່າວວ່າ:
(ປ່ອຍສຽງ3)
ຫຼັງຈາກຜູ່ກອບກູ້ທັງຫມົດຖອນອອກຈາກແຫ່ງນີ້ແລ້ວ,ຍັງຕ້ອງດັບເຊື້ອຕາມສິ່ງແວດລ້ອມອີກ,ຄຸນນະພາບນ້ຳກໍຍັງຕ້ອງຕິດຕາມກວດກາຕໍ່ໄປ,ຊາກສົບຍັງຕ້ອງຊຳລະແກ້ໄຂ,ຜູ່ທີ່ຖອນອອກສຸດທ້າຍຄວນແມ່ນພວກເຮົາທີ່ເປັນຜູ່ຄວບຄຸມພະຍາດ, ວຽກງານມ້ວນທ້າຍລ້ວນແຕ່ແມ່ນຫນ້າທີ່ຂອງສູນຕິດຕາມຄວບຄຸມພະຍາດ.
ວັນທີ 20 ພຶດສະພານີ້,ກະຊວງສາທາລະນະສຸກຈີນໄດ້ປະກາດວ່າ,ປະຈຸບັນ,ຢູ່ເຂດປະສົບໄພແຜ່ນດິນໄຫວແຂວງເສສວນຍັງບໍ່ມີພະຍາດລະບາດຢ່າງຂະຫນາດໃຫຍ່ແນວໃດເທື່ອ,ແຕ່ເພື່ອປ້ອງກັນໄວ້ກ່ອນ,ສູນຕິດຕາມຄວບຄຸມພະຍາດຂອງຈີນໄດ້ສ້າງລະບົບລາຍງານພະຍາດທາງມືຖືໂດຍດ່ວນ, ກ່ອນຟຶ້ນຟູລະບົບລາຍງານໂດຍກົງທາງອິນເຕີແນັດ,ລະບົບລາຍງານທາງມືຖືກໍສາມາດລາຍງານສະພາບພະຍາດລະບາດໃນກໍລະນີ ສຸກເສີນຫຼັງຈາກແຜ່ນດິນໄຫວ,ພ້ອມກັນນັ້ນ,ກະຊວງສາທາລະນະສຸກຈີນຍັງຕົກລົງວ່າ,ນັບແຕ່ວັນທີ 20 ພຶດສະພານີ້ເປັນຕົ້ນໄປ,ເພີ່ມສົ່ງຜູ່ເຮັດວຽກປ້ອງກັນພະຍາດອີກຫຼາຍກວ່າ 2500 ຄົນໄປເຂດປະສົບໄພ.
|
