|
ຕອນບ່າຍ2ໂມງ28ນາທີ ຂອງວັນທີ19ພຶດສະພານີ້ ເວລາປັກກິ່ງ,ຢູ່ເມືອງນ້ອຍຮົງປາຍ ເມືອງຊຶຟາງ ແຂວງເສສວນ ເຂດປະສົບໄພຮ້າຍແຮງແຫ່ງໜຶ່ງໃນໄພແຜ່ນດິນໄຫວເທື່ອນີ້, ໄດ້ມີສຽງໂຫວດ ແລະ ສຽງຄຳສັ່ງທີ່ດັງຂຶ້ນພ້ອມກັນ,ສະມາຊິກ 55 ຄົນຂອງກອງກອບກູ້ສາກົນສິງກະໂປ ໄດ້ພ້ອມກັນປົດໝວກກັນກະທົບປືນຄຳນັບເຖິງ3ນາທີ ເພື່ອສະແດງຄວາມໄວ້ອາໄລຕໍ່ຜູ່ເສຍຊີວິດໃນແຜ່ນດິນໄຫວ.
ຖັນແຖວທີ່ຕິດກາໜ່ວຍງານປຶກສາການຊອກກອບກູ້ຂອງສະຫະປະຊາຊາດ ກ້ອງນີ້ ແມ່ນກອງກອບກູ້ທີ່ໄດ້ຮັບການຣັບຮອງຈາກຄະນະປະເມີນການກູ້ໄພຮ້າຍແຮງສະຫະປະຊາຊາດ,ເປັນຕົວແທນໃຫ້ແກ່ລະດັບສູງສຸດຂອງການຊ່ອຍກອບກູ້ໃນອາຊີ.ກອງກອບກູ້ລະດັບນີ້,ມີຢູ່ບໍ່ຫຼາຍໃນອາຊີ, ຕອນເຊົ້າວັນທີ17ພຶດສະພານີ້, ກອງກູ້ໄພສາກົນສິງກະໂປໄດ້ນຳເອົາລົດກາມີຍັງຂະໜາດໜັກຄັນໜຶ່ງ,ລົດຈິບສອງຄັນ ແລະ ໝາກູ້ໄພສະເພາະຫຼາຍໂຕ, ໄດ້ເດີນທາງໄປຮອດເມືອງນ້ອຍຮົງປາຍ ເມືອງຊຶຟາງ. ເມືອງນ້ອຍຮົງປາຍຕັ້ງຢູ່ບ່ອນໃນໆຂອງພູ, ຢູ່ອ້ອມຂ້າງມີໂຮງງານບໍ່ແຮ່ຫຼາຍແຫຼ່ງ, ສະພາບປະສົບໄພຮ້າຍແຮງທີ່ສຸດ.
ທ່ານຟຼານຊິສ ຫົວໜ້າກອງກອບກູ້ສາກົນສິງກະໂປບອກນັກຂ່າວວ່າ,"ພວກເຮົາໄດ້ມາຮອດເມືອງຮົງປາຍເມື່ອ3ມື້ກ່ອນ, ມາຮອດແລ້ວພວກເຮົາໄດ້ປະກົດເຫັນວ່າ, ສະພາບປະສົບໄພຢູ່ເຂດນີ້ໜັກໜ່ວງຫຼາຍ, ເຮືອນເກືອບ80%ພັງທະລາຍໝົດ. ມື້ທຳອິດ , ພວກເຮົາກໍ່ລົງມືກອບກູ້ໃນທັນທີ, ຈົນຮອດດຽວນີ້, ພວກເຮົາໄດ້ຊອກພົບສົບຜູ່ເສຍຊີວິດ5ສົບ,ຍັງບໍ່ເຫັນມີຜູ່ລອດຕາຍເທື່ອ."
ທ່ານຟຼານຊິສກ່າວວ່າ, ຄຽງຄູ່ກັບເວລາຜ່ານໄປ, ອັດຕາຜູ່ລອດຕາຍຈະນັບມື້ນັບໜ້ອຍລົງ, ແຕ່ພວກເຂົາເຈົ້າຍັງຈະກອບກູ້ຕໍ່ໄປ. ເພາະວ່າ,ຍັງອາດຈະມີຜູ່ຍັງມີຊີວິດຢູ່ ອາດຈະມີເລື່ອງມະຫັດສະຈັນເກີດຂຶ້ນ, ນອກນີ້,ກໍເພື່ອຂຸດເອົາສົບຂອງຜູ່ເສຍຊີວິດອອກມາ, ມອບໃຫ້ຄອບຄົວເຂົ້າເຈົ້າ, ກໍ່ຈະເປັນການປອບໃຈຄອບຄົວທີ່ຍັງມີຊີວິດຢູ່.
ທ່ານເຫັນວ່າ, ເບິ່ງຈາກສະພາບແຕ່ມື້ ພວກເພິ່ນມາຮອດເຂດປະສົບໄພຮອດດຽວນີ້ປະກົດວ່າ, ວຽກງານຂອງກອງກອບກູ້ຂອງຈີນວ່ອງໄວຫຼາຍ ແລະ ມີປະສິດທີພາບ. ການຮ່ວມມືກັບກອງກອບກູ້ທ້ອງຖິ່ນຢ່າງໄດ້ຜົນ ກໍ່ໄດ້ຍົກສູງປະສິດທິພາບຂອງວຽກງານກອບກູ້ເທື່ອນີ້, ທ່ານຟຼານຊິສກ່າວວ່າ,
"ພວກເຮົາຮ່ວມມືກັບກອງທັບປົດປ່ອຍດີຫຼາຍ. ພວກເຮົາໄດ້ຂຸດຄົ້ນນຳກັນ, ສົບຜູ່ເສຍຊີວິດສົບທີ3ທີ່ພວກເຮົາຂຸດອອກມານັ້ນກໍ່ແມ່ນຂຸດພົບໃນເວລາຮ່ວມມືກັບກອງທັບປົດປ່ອຍ."
ນອກຈາກການຮ່ວມມືກັບກອງທັບປົດປ່ອຍແລ້ວ, ການຮ່ວມມືກັບອົງການປົກຄອງທ້ອງຖິ່ນ ແລະ ສູນບັນຊາການຕ້ານໄພຂອງກອງກອບກູ້ເມືອງນ້ອຍຮົງປາຍກໍ່ວ່ອງໄວ ແລະ ໄດ້ຜົນທີ່ສຸດ. ຄວາມສາມາດ ແລະ ນ້ຳໃຈເຄົາລົບວຽກງານຂອງກອງກອບກູ້ຈີນ ໄດ້ຮັບຄວາມຍ້ອງຍໍຈາກ ວົງການຕ່າງໆໃນເຂດປະສົບໄພ ລວມທັງປະຊາຊົນຜູ່ປະສົບໄພ. ໃນຖານະທີ່ເປັນເພື່ອນຮ່ວມງານປະເພດດຽວກັນ, ທ່ານຢາງຊິນຮົງ ຜູ່ຕິດຕາມກອງກອບກູ້ແມ່ນສະມາຊິກກອງກອບກູ້ສາກົນຂອງຈີນ, ທ່ານຕີລາຄາວ່າ,
"ກອງກອບກູ້ສາກົນສິງກະໂປແມ່ນກອງກອບກູ້ວິຊາສະເພາະທີ່ເກັ່ງຫຼາຍ, ໃນເດືອນມັງກອນປີນີ້, ພວກເຂົາເຈົ້າໄດ້ຜ່ານການກວດສອບຂອງສະຫະປະຊາຊາດ, ໂດຍຕີລາຄາວ່າ ກອງກອບກູ້ຂອງສິງກະໂປສາມາດດຳເນີນການກອບກູ້ໃນຕົວເມືອງທີ່ເກີດໄພທຳມະຊາດຮ້າຍແຮງ. ພວກເຂົາເຈົ້າເຮັດໄດ້ດີຫຼາຍ, ຈົດຈໍ່ຕໍ່ວຽກງານທີ່ສຸດ."
ນັບມາຮອດເວລາ ນັກຂ່າວລາຍງານ, ກອງກອບກູ້ສິງກະໂປຍັງດຳເນີນການກອບກູ້ຢູ່ເຂດປະສົບໄພ. ຕາມໄດ້ຊາບ,ເມື່ອການກອບກູ້ສຳເລັດລົງໄລຍະໜຶ່ງແລ້ວ, ຈະມີກອງປິ່ນປົວປະເທດຕ່າງໆເດີນທາງໄປເຂດປະສົບໄພເພື່ອດຳເນີນການກູ້ໄພຕໍ່ໄປ.
|
