|
|
 |
| (GMT+08:00)
2008-05-22 17:10:10
|
 |
|
ວຽກງານກູ້ໄພຂອງເຂດປະສົບໄພເຂົ້າສູ່ໄລຍະໃຫມ່
cri
ທີ່ນີ້ ວິທະຍຸສາກົນແຫ່ງປະເທດຈີນ ສະບາຍດີ ທ່ານຜູ່ຟັງທີ່ໂຄລົບ,ວັນທີ 21 ພຶດສະພານີ້,ນັກຂ່າວໄດ້ໄປຮອດນະຄອນມຽນຈູທີ່ເປັນເຂດປະສົບໄພແຫ່ງຫນຶ່ງຂອງແຜ່ນດິນໄຫວຮຸນແຮງເມືອງເວີ້ນຊ່ວນແຂວງເສສວນຈີນເທື່ອນີ້,ເພື່ອໄປສຳພາດພະນັກງານທີ່ກ່ຽວຂ້ອງ,ຕໍ່ໄປເຊີນຟັງບົດແຈ້ງຂ່າວຂອງນັກຂ່າວທີ່ມີຫົວຂໍ້ວ່າ:ວຽກງານກູ້ໄພຂອງເຂດປະສົບໄພເຂົ້າສູ່ໄລຍະໃຫມ່
ເມືອງຮ້ານວ້າງນະຄອນມຽນຈູແລະເມືອງເວີ້ນຊ່ວນທີ່ເປັນຈຸດສູນກາງແຜ່ນດິນໄຫວເທື່ອນີ້ໃກ້ກັນທີ່ພຽງແຕ່ສາຍພູສາຍຂຶ້ນຫນຶ່ງ,ສະພາບການປະສົບໄພແມ່ນຫນັກຫນ່ວງທີ່ສຸດ.ນັກຂ່າວໄດ້ເຫັນກັບຕາວ່າ,ເຮືອນ 80%ຂຶ້ນໄປໄດ້ຖືກທຳລາຍແລ້ວ, ມີປະຊາຊົນເສຍຊີວິດແລະບາດເຈັບຢ່າງຫຼວງຫຼາຍ.ປະຈຸບັນ,ປະຊາຊົນຜູ່ປະສົບໄພຂອງເມືອງຈຳນວນຫນຶ່ງໄດ້ຍົກຍ້າຍໄປຮອດນະຄອນມຽນຈູແລະນະຄອນເສີນຕູ່,ບາງຄົນຍັງຢູ່ໃນເມືອງດັ່ງກ່າວເພື່ອລໍຖ້າຈັດສັນ.
ຄຽງຄູ່ກັບພາກສ່ວນປ້ອງກັນພະຍາດທີ່ມາຈາກແຫ່ງຕ່າງໆໃນທົ່ວປະເທດໄດ້ເພີ່ມຈຳນວນຜູ່ເຮັດວຽກງານຂຶ້ນຕື່ມ, ວຽກງານປ້ອງກັນພະຍາດຂອງເຂດປະສົບໄພໄດ້ກ້າວເຂົ້າສູ່ໄລຍະທີ່ຂ້າເຊື້ອໃນບໍລິເວນດັ່ງກ່າວ,
ຕາມແຫຼ່ງນ້ຳ ຊຳລະເກັບມ້ຽນຊາກສົບແລະການສຶກສາດ້ານສຸຂະພາບຢ່າງຂະຫນາດໃຫຍ່,ທ່ານໂຈວຕ້າວຊິ່ນ ຮອງຫົວຫນ້າຂອງສູນປ້ອງກັນແລະຄວບຄຸມພະຍາດນະຄອນມຽນຈູແຈ້ງໃຫ້ຊາບວ່າ:
ປະຈຸບັນ,ພະນັກງານທັງຫມົດຂອງພວກຂ້ອຍໄປເຮັດວຽກງານປ້ອງກັນພະຍາດ,ວຽກງານຕົວຈິງໄດ້ຖືກປະຕິບັດຈັດຕັ້ງຢູ່ເມືອງຕ່າງໆ,ນອກນີ້, ສະຖານທີ່ຊ່ອຍເຫຼືອທັງຫມົດ 53 ແຫ່ງຂອງເມືອງດັ່ງກ່າວພວມດຳເນີນວຽກງານພົ່ນຢາຂ້າເຊື້ອ,ມື້ລະ 2 ເທື່ອ.
ປະຈຸບັນ, ວຽກງານຟື້ນຟູການຜະລິດແລະ ເກັບກ່ຽວເຂົ້າຂອງເຂດປະສົບໄພກໍດຳເນີນໄປຢ່າງຂຸ້ນຂ້ຽວ. ຊາວນາໃນເຂດປະສົບໄພຫັນຄວາມເສົ້າສະຫຼົດໃຈເປັນພະລັງ, ເຂົາເຈົ້າໄດ້ຝັງພີ່ນ້ອງທີ່ລ່ວງລັບໄປ, ເຊັດນ້ຳຕາ, ແລ້ວຖືກ່ຽວມຸ່ງໜ້າເຂົ້າສູ່ໄຮ່ນາທີ່ພວມສຸກເຫຼືອງ. ນັກຂ່າວໄດ້ສັງເກດຫຼາຍມື້ແລ້ວເຫັນວ່າ, ໃນເມືອງສືຟ່າງງ, ເມືອງເຜິງໂຈ່ວ, ເມືອງກວງຮ້ານ, ເມືອງໝຽນຈູ, ຊາວນາພວມກ່ຽວເຂົ້າ. ຍ້ອນວ່າປະຊາຊົນເຂດປະສົບໄພເສຍຊີວິດຢ່າງຫຼວງຫຼາຍ, ຂາດແຮງງານຢ່າງໜັກໜ່ວງ, ສະນັ້ນ, ມີອາສາສະໝັກ, ນາຍແລະພົນທະຫານຫຼາຍຄົນໄດ້ເຂົ້າຮ່ວມການເກັບກ່ຽວ. ພ້ອມກັນນັ້ນ, ໃນຂະນະທີ່ດຳເນີນວຽກງານກູ້ໄພ, ວິສາຫະກິດຂະໜາດໃຫຍ່ຈຳນວນໜຶ່ງໃນເຂດປະສົບໄພກໍເລີ່ມຟື້ນຟູການຜະລິດຢ່າງກ້າວໆຫຼືລົງມືກຽມຈະຟື້ນຟູການຜະລິດ. ໂຮງງານກ່ຳປັ່ນຕົ່ງຝ່າງທີ່ຕັ້ງຢູ່ຕາແສງຮ້ານວ້າງ ແມ່ນລັດວິສາຫະກິດຂະໜາດໃຫຍ່ແຫ່ງໜຶ່ງ, ແຜ່ນດິນໄຫວໄດ້ເຮັດໃຫ້ວິສາຫະກິດແຫ່ງນີ້ປະສົບຄວາມເສຍຫາຍຢ່າງໜັກໜ່ວງ, ທ່ານຫຼິວຈື້ສຽນ ຜູ້ຮັບຜິດຊອບກອງຊີ້ນຳການກູ້ໄພຂອງໂຮງງານດັ່ງກ່າວບອກນັກຂ່າວວ່າ:
ພວກເຮົາໄດ້ເລີ່ມວຽກງານສ້າງສາຄືນໃໝ່ຫຼັງໄພຢ່າງວ່ອງໄວ, ໄດ້ຟື້ນຟູການຜະລິດແລະສ້າງບ້ານແປງເມືອງຄືນໃໝ່. ຄືວ່າໃນມື້ກ່ອນ, ໂຮງງານພວກເຮົາໄດ້ຜ່ານຜ່າຄວາມຫຍຸ້ງຍາກຍ້ອນໄພທຳມະຊາດ, ໄດ້ຂົນສົ່ງເຄື່ອງຜະລິດໄຟຟ້າດ້ວຍແຮງລົມງວດໜຶ່ງໄປໃຫ້ລູກຄ້າໃນທົ່ວປະເທດ.
ນັກຮຽນປະຖົມມັດທະຍົມຢ່າງຫຼວງຫຼາຍໃນເຂດປະສົບໄພກໍໄດ້ກັບຄືນຫ້ອງຮຽນໂດຍຜ່ານຈາກມາດຕະການຕ່າງໆເຊັ່ນ: ຮຽນຢູ່ໃນຕູບຜ້າເຕັນແລະໄປຮຽນຢູ່ຕ່າງຖິ່ນເປັນຕົ້ນ. ວັນທີ21ພຶດສະພານີ້, ຢູ່ຕາແສງຈຸ່ນຕ້າວເມືອງໝຽນຈູ, ໂຮງຮຽນປະຖົມຄວາມຫວັງກູ້ໄພແຫ່ງທຳອິດໃນເຂດປະສົບໄພເລີ່ມເປີດສົກຮຽນໃໝ່ຢ່າງເປັນທາງການ. ທ່ານເສິນສາວລູ້ ຜູ້ອຳນວຍການໂຮງຮຽນບອກນັກຂ່າວວ່າ:
ພວກເຮົາສ້າງໂຮງຮຽນຄືນໃໝ່ສາມາດສະໜອງສະຖານທີ່ພົບກັບໝູ່ຄູ່ໃຫ້ເດັກນ້ອຍເຫຼົ່ານີ້, ໃຫ້ພວກເຂົາເຈົ້າສາມາດເດີນອອກຈາກເງົາມືດທີ່ມາຈາກໄພແຜ່ນດິນໄຫວ.
|
|
|
